اکمل الدین یوسف بن ابراہیم بن محمد زہری شروانی ثم دمشقی مدنی: فقیہ اور محدث تھے،شروان میں پیدا ہوئے۔۱۱۳۴؁ھ میں مدینہ منورہ میں وفات پائی، ان کی تصانیف میں ہدیۃ الصبیح فی شرح مشکوٰۃ المصابیح تین جلدوں میں،شرح متقی الابحر اور رسالہ فی کراہۃ اقتداءالحنفی للشافعی مشہور ہیں۔ (حدائق الحنفیہ)۔۔۔

                فیض اللہ بن سید محمد بن پیر محمد بن احمد بن شیخ  جنید ارض رومی: فیضی کے نام سے مشہور تھے۔عالم فاضل،مفسر،فقیہ اور صوفی تھے۔شیخ الاسلام کے بلند عہدے پر فائق رہے ربیع الآخر ۱۱۱۵؁ھ میں شہید ہوئے۔آپ کی بہت سی تصانیف ہیں جن میں اذکار الابکارک فے ورد العشی والاسحار،تعلیقات علیٰ شرح عقائد،حواشی علیٰ تفسیر بیضاوری،حاشیہ علیٰ تفسیر سورۃ النساء العصام،ریاض الرحمہ،لطارف نامہ، نصائح الملوک اور فتاویٰ فیضیہ مشہور ہیں۔ (حدائق الحنفیہ)۔۔۔

                محمد باقر بن مفتی شرف الدین عباسی حسینی نقشبندی لاہوری: عالم فاضل، مفتی،مفسری اور صوفی تھے۔خواجہ محمد معصوم کے مرید اور خلیفہ تھے۔ حضرت مجدد الف ثانی اور خواجہ محمد معصوم کے مکتوبات کا خلاصہ کنز الہدایات فی کشف البدیات  والنہایات کے نام سے فارسی میں تحریر کیا،جو کئی مرتبہ چھپ چکا ہے اس کا عربی ترجمہ حرز العنایات کے نام سے ایک ترک عالم شیخ محمد الحفظی بن ولی الدین آفندی نے مکہ معظمہ میں ۱۲۰۷؁ھ میں مکمل کیا۔یہ بھی کچھ عرصہ قبل لاہور میں شائع ہوچکا ہے۔فارسی اشعار میں ایک کتاب دامِ حق اور قرآن پاک کیی عربی تفسیر بنام منتہی الایجاز لکشف الاعجاز بھی آپ کی تصانیف ہیں۔۱۱۰۱؁ھ کے بعد وفات پائی۔ (حدائق الحنفیہ)۔۔۔

                شہاب الدین احمد بن سید محمد مکی حسینی حموی مصری: مدرس اور فقیہ تھے۔ قاہرہ میں مدرسہ سلیمانیہ اور مدرسہ حسینیہ میں درس دیا۔۱۰۹۸؁ھ میں وفات پائی۔ ۲۵سے زائد کتب تحریر کیں جن میں اتحاف الاذیا بتحقیقی عصمۃ الانبیاء،تذہیب الصحیفہ بنصرۃ امام ابی حنیفہ،تعلیق القلائد علیٰ منظومۃ العقائد،حسن الابتہاج برؤیۃ النبیﷺربہ لیلۃ المعراج،شرح کنز الدقائق،عقود الحسان فی قواعد مذہب النعمان،کشف الرمز عن خبایا الکنز فی الفقہ الحنفی،مشہور ہیں۔ (حدائق الحنفیہ)۔۔۔

یحییٰ بن سلیمان[1]بن علی رومی: فقیہ فاضل،عالم کامل تھے۔فقہ کو ابی العباس سروجی اور رکن الدین سمر قندی سے اخذ کیا اور بعد تحصیل کے تدریس و افتاء میں اپنی عمر بسر کر کے ۷۲۸؁ھ  میں وفات پائی۔   1۔ آذر بائجانی ولادت حدود ۶۶۵ھ۔’’جواہر المضیۃ‘‘(مرتب)  حدائق الحنفیہ۔۔۔