ام زینب،حضورِاکرم صلی علیہ وآلہٖ وسلم نے ان کے لئے دعافرمائی تھی۔ عطاف بن خالد نے اپنے والد خالد بن زبیر سہے،انہوں نے اپنے والد زبیر بن عبداللہ سے،انہوں نے اپنے والد عبداللہ بن ذیح بن ذویب سے،انہوں نےاپنے والد ذویب سے روایت کی کہ حضور اکرم کا ایک وفد ام زینب کے پاس سے گزرا،اور انہوں نے ام زینب کی والدہ کی ایک دری اُٹھالی، ام زینب دربار رسالت میں حاضر ہوئیں اور شکایت کی،کہ اہل وفد ان کی والدہ کی دری اٹھا لائے ہیں، حضور ِاکرم نے حکم دیا کہ دری واپس کردی جائے،اس کے بعد آپ نے دعا کے لئے ہاتھ اٹھائے اور فرمایا،اے لڑکے اللہ تجھے برکت دے ،اور تجھے اپنی ماں کے لئے مبارک فرمائے، ابنِ مندہ اور ابو نعیم نے ان کا ذکر کیاہے۔ ۔۔۔

ام ذرہ،ان کا ذکر صحابیات میں کیا گیا ہے،اور محمد بن منکدر ان کی حدیث کے راوی ہیں،انہوں نے حضور اکرم کو فرماتے ہوئے سنا،کہ میں اور یتیم کا کفیل قیامت کے دن اس طرح اکٹھے ہونگے جیس کہ یہ دو انگلیاں۔ ۔۔۔

ام ذر،ابو ذر غفاری کی زوجہ تھیں،ہم ابوذر کی وفات کے سلسلے میں ان کا ذکر کر آئے ہیں،ابنِ مندہ اور ابونعیم نے ان کا ذکرکیا ہے۔ ۔۔۔

ام زفر،ام المونین خدیجہ کی نائن تھیں،جو عمر رسیدہ حبشن تھیں اور جناب خدیجہ کے زمانے میں حضورِ اکرم کی خدمت میں حاضر ہوتی تھیں۔ عطاء نے ابوریاح سے روایت کی،کہ ابنِ عباس نے مجھے کہا،آیا تم پسند کروگے کہ میں تمہیں ایک جنتی عورت دکھاؤں،میں نے کہا ضرور دکھائیے،انہوں نے کہا،یہ حبشن حضور اکرم کی خدمت میں آئی اور کہنے لگی،یا رسول اللہ مجھے مرگی کا دَورہ پڑتا ہے،اور میں ننگی ہوجاتی ہوں،میرے لئیے دعافرمائیے،آپ نے فرمایا،اگر تو راضی برضارہے تو جنت عطا ہوگی اور اگر نہیں تو دعا کرتا ہوں،اللہ تجھے شفا بخشے گا،اس عورت نے راضی برضا ہونے کو ترجیح دی،اس شرط پر کی جب اسے مرگی کا دَورہ پڑے تو وہ ننگی نہ ہو،آپ نے دعافرمائی۔ اور ابن جریج نے عطا سے روایت کی،کہ میں نے کعبے کی سیڑھی پر ایک سیاہ فام عورت کو دیکھا،ابو موسیٰ نے اسی طرح ان کا ذکر کیا ہے،اور لکھا ہے،ممکن ہے یہ خاتون ۔۔۔

ام زفر،یہ وہ خاتون ہیں،جنہیں جنون کی شکایت تھی،ابن جریج نے حسن بن مسلم سے،انہوں نے طاؤس سے روایت کی،کہ حضور صلی اللہ علیہ وآلہٖ وسلم کے پاس دیوانے یا وہ لوگ جن پر جنوں کا تسلّط ہوتا،لائے جاتے،آپ ان کے سینوں پر ضرب لگاتے اور وہ ٹھیک ہو جاتے،اسی طرح کی ایک عورت لائی گئی،آپ نے اس کے سینے پر ضرب لگائی،لیکن وہ شفایاب نہ ہوسکی،فرمایا،وہ دنیا میں اسی طرح رہے گی،مگر آخرت میں اس کے لئے بھلائی ہے۔ ابن جریج کا قول ہے،کہ انہیں عطاء نے بتایا ،کہ میں نے ام زفر کو دیکھا،وہ ایک طویل القامت حبشن تھیں جنہیں میں نے کعبے کی سیڑھی پر دیکھا،نیز عبدالکریم نے حسن سے روایت کی،کہ انہوں نے لوگوں سے سُنا،کہ ایک دیوانی عورت تھی ،جس کے بھائی حضورِ اکر م صلی اللہ علیہ وسلم کے پاس آئے اور صورت حال بیان کی،فرمایا،اگر تم چاہتے ہو ،تو مَیں دربارِ خداوندی میں دعاکرتاہوں،وہ ٹھیک ہوجائے گی،لیکن ۔۔۔