ام سعد دختر ربیع بن انصاریہ،ہم ان کا نسب ان کے بیٹے کے ترجمے میں لکھ آئے ہیں،یہ خاتون سعد کے بعد فوت ہوئی تھیں،ام سعد امِ خارجہ کی جو زید بن ثابت کی زوجہ تھیں،ہمشیرہ ہیں،ان کا ذکر تو صحابیات میں ملتا ہے،لیکن ان سے کوئی حدیث مروی نہیں،ابن مندہ اور ابونعیم نے ان کا ذکر کیا ہے۔ ۔۔۔

ام سعد دختر سعد بن ربیع بن ابوزہیر از بنوحارث بن خزرج،ہم ان کا نسب ان کے والد کے ترجمے میں لکھ آئے ہیں،ابونعیم نے ان میں اور قبل الذکر خاتون میں فرق کیا ہے۔ ابو موسیٰ نے اذناً ابوعلی سے،انہوں نے ابونعیم سے(ح)ابوموسیٰ نے حبیب بن محمد بن احمد سے، انہوں نےاحمد بن نعمان سے،انہوں نے محمد بن ابراہیم بن علی سے،انہوں نے حسین بن محمد بن حماد سے،انہوں نےعمروبن ہشام حرانی سے،انہوں نے محمد بن مسلمہ سے انہوں نے ابنِ اسحاق سے،انہوں نے داؤد بن حصین سے روایت کی،کہ میں اور ام سعد کا بیٹا موسیٰ بن سعد اس خاتون کے پاس پڑھتے تھے،اور ابوبکر کی گود میں ایک یتیم بچی تھی میں ام سعد کے سامنے پڑھا،وَ الَّذِ یْنَ عَقَدَتْ اَیْمَانُکُمْانہوں نے کہا ،نہیں یوں پڑھو وَ الَّذِ یْنَ عَاقَدَتْ اَیْمَانُکُمْ یہ آیت ابوبکراور ان کے بیٹے عبدالرحمٰن کے بارے میں اس وقت نازل ہوئی جب عبدالرحمٰن نے۔۔۔

ام سعد دختر زیدبن ثابت انصاریہ،ایک روایت میں انہیں،زید بن ثابت کی زوجہ بتایاگیاہے،محمد بن زاذان ان کی حدیث کے راوی ہیں،ایک روایت میں ہے کہ راوی کو ان سے سماع حاصل نہیں کیونکہ ان دونوں میں عبداللہ بن خارجہ حائل ہے۔ محمد بن عبداللہ بن عمار موصلی نے عثمان بن عبدالرحمٰن سے،انہوں نے عنبہ کوفی سے،انہوں نے محمد بن زاذان سے،انہوں نے ام سعد دختر زید بن ثابت سے روایت کی کہ میں نے حضورِ اکرم کو فرماتے سُنا کہ جب تم فصد کراؤ،تو خون کو دفن کردواوران سے یہ بھی مروی ہے ، کہ نبیِ اکرم سفر میں آئینہ اورسرمہ دانی ساتھ رکھتے تھے اور ان سے محمد نے روایت کی،کہ حضورِ اکرم نے فرمایا،کہ وضو کے لئے ایک سیر اور غسل کے لئے ایک صاع(تقریباًتین سیر )پانی کافی ہے،تینو ں نے ذکرکیا ہے۔ ۔۔۔

ام سعد انصاریہ،یہ خاتون کبشہ دختر رافع بن عبید بن ثعلبہ ام سعد بن مغاذ ہیں،ان کا ذکر پہلے ہوچکا ہے،ابوعمر نے ذکرکیا ہے۔ " ۔۔۔

سہلہ دخترسعد ساعدی و ہمشیرہ سہل بن سعد،ان کی حدیث کو منصور بن عمار نے ابن لہیعیہ سے انہوں نے عبداللہ بن ہبیرہ سے،انہوں نے سہلہ دختر سعد سے روایت کیا،انہوں نے حضورِاکرم صلی اللہ علیہ وسلم کی خدمت میں گزارش کی،یا رسول اللہ !ایک بیوی بعض اوقات اپنے شوہر کو اپنی طرف مائل کرنے کے لئے حیلے حوالوں سے کام لیتی ہے،فرمایا یہ متاع دنیاہے،آخرت میں اس کی کوئی قدر و قیمت نہیں ابن مندہ اور ابونعیم نے انکا ذکر کیا ہے۔ ۔۔۔