عمیرہ دختر سہل بن رافع،یہ سہل وہ صحابی ہیں کہ جنہوں نے غزوۃٔ تبوک کے موقعہ پر دو صاع کھجور رات بھر محنت کر کے حاصل کی تھی،اور اپنی اس بیٹی کو ساتھ لیا تھا،اور ایک صاع کھجور لے کر حاضر خدمت ہوئے تھے،اور یہ صاع بھر کھجور تعمیل ارشاد میں پیش کی تھی،اور منافقوں نے اس ہمہ تن ایثار کا مذاق اڑایا تھا،سہل نے اپنی بیٹی کے لئے دعاکی درخواست کی،کیونکہ ان کی اور کوئی اولاد نہ تھی،حضور نے لڑکی کے سر پر ہاتھ پھیرا،تو عمیرہ نے یوں محسوس کیا،گویا آپ کے ہاتھوں کی ٹھنڈک ان کے کلیجے تک پہنچ گئی ہے،تینو ں نے ان کا ذکر کیا ہے۔ ۔۔۔

عمیرہ دختر عبید بن معروف بن حارث بن زید بن عبید انصاریہ از بنو،عمرو بن عوف،انہوں نے بھی بقولِ ابنِ حبیب آپ کی بیعت کی۔ ۔۔۔

عمیرہ دختر ظہیر بن رافع بن عدی بن زید بن جثم،بقول ابنِ حبیب انہوں نے حضور سے بیعت کی۔ ۔۔۔

ام عامر دختر سوید،بقول ابو موسیٰ جعفر نے صرف ان کا نام لینے پر اکتفاکیا،اور زیادہ کچھ نہیں لکھا۔ ۔۔۔

ام عامر دختر یزید بن سکن انصاریہ اشہلیہ،ابوعمر لکھتے ہیں،اگر یہ نام درست ہے تو یہ خاتون اسماء دختر یزید بن سکن ہیں،اور ان کا ذکر پہلے ہوچکا ہے،البتہ ان کی کنیت میں اختلاف ہے،یا یہ خاتون اسماء کی ہمشیرہ ہیں۔ ایک روایت میں عامر دختر سعید بن سکن ہے،ان کا نام فکیہہ تھا،اور ان کے بارے میں اکثر علماء کا یہی قول ہے،اس بناء پر یہ خاتون اسماء دختر یزید بن سکن کی عمزاد ہیں اور بقول ابوعمر انہوں نے حضور سے بیعت کی۔ اسی طرح ابنِ مندہ نے ان کا ذکر کیا ہےاور ان کا نام ام عامر دختر سعید بن سکن لکھاہے،لیکن بقول ابو نعیم یہ ان کا وہم ہے،کیونکہ یہ خاتون دختر یزید بن سکن ہیں اور اس باب میں ابوعمر،ابن مندہ کے قول کی تائید کرتے ہیں اور اسے درست قرار دیتے ہیں۔ ان کی حدیث ابو یاسرنے باسنادہ عبداللہ سے انہوں نے اپنے والد سے،انہوں نے ابوعامر سے، انہوں نے ابراہیم بن اسماعیل بن ابی۔۔۔