خدامہ دختر جندل اسدیہ،ایک روایت میں حذافہ ہے،انہوں نےہجرت کی،لیکن ان سے کوئی روایت مروی نہیں ، یہ عروہ بن زبیر اور ابن اسحاق کا قول ہے،ابن مندہ اور ابو نعیم نے ذکر کیا ہے۔ ۔۔۔

نسیبہ دختر کعب بن عمرو،ام عمارہ انصاریہ،بیعت عقبہ میں تھیں،ابوجعفر نے باسنادہ یونس سے، انہوں نےابنِ اسحاق سے بہ سِلسلۂ حاضرین عقبہ بیان کیا ہے ،کہ بنو خزرج سے باسٹھ(۶۲)مرد جن میں نو نقیب تھے،اور دو خواتین شریک ہوئی تھیں،خیال ہے کہ خواتین نے بھی حضورِ اکرم صلی اللہ علیہ وسلم سے بیعت کی تھی،لیکن آپ ان سے ہاتھ نہیں ملاتے تھے،بلکہ ہاتھ اٹھارکھتے،اور جب وہ اقرار کر چکتیں تو فرماتے،جاؤ،تمہاری بیعت ہوگئی۔ جن خواتین نے حضورِ اکرم صلی اللہ علیہ وسلّم سے بیعت کی،دونوں بنومازن بن نجار سے تھیں،ایک نسیبہ تھیں،اور ان کی ہمشیرہ دخترانِ کعب بن عمرو بن مبذول بن عمروبن غنم بن مازن بن نجار تھیں، نسیبہ کا شوہر زید بن عاصم بن کعب اور ان کے دونوں بیٹے عبداللہ اور حبیب بھی ساتھ تھے،حبیب وہی ہیں،جنہیں مسیلمہ نے پکڑ لیا تھا،یہ واقعہ بیان ہوچکا ہے ایک اور روایت کے مطابق دوسری خاتون کا ۔۔۔

لہیہ جوحضرت عمر کی ام ولد تھیں،انہیں صحبت حاصل ہوئی،جعفر نے انہیں صحابیہ شمار کیا ہے اور باسنادہ زہری کے بھتیجے سے،انہوں نے چچاسے روایت کی،کہ اہلِ علم کی ایک جماعت نے ام المومنین حفصہ کایہ واقعہ بیان کیا کہ انہوں نے ایک دن لہیہ کو بھیجا،کہ جاؤاور دیکھو،کہ رسول اکرم میرے گھر سے نکل کر کس بیوی کے پاس گئے ہیں،لہیہ نے آپ کو ام المومنین صفیہ کے حجرے میں پایا،اور انہیں بتادیا،حفصہ کہہ رہی تھیں،اس یہودیہ نے آپ کو دھوکا دیا ہے،ام المومنین نے لہیہ سے کہا،واپس جاؤ اور جب حضور صلی اللہ علیہ وآلہٖ وسلم صفیہ کے حجرے سے نکلیں،تو جو کچھ میں نے صفیہ کے بارے میں کہا ہے اسے بتادینا،ام ولد نے ایسا ہی کیا،ام المومنین صفیہ نے کہا،مجھ سے بلند مرتبہ کو ن ہوسکتا ہے،میں نبی کی بیٹی ہوں،ہارون میرے باپ،موسیٰ میرے چچااور محمد رسول اللہ میرے شوہر ہیں،حضور واپس آئے تو جناب صفیہ رو رہی تھیں،۔۔۔

لیلی دختر عبداللہ بن عبد شمس بن خلف بن ضرار بن عبداللہ بن قرط بن رزاح بن عدی بن کعب قرشیہ عدویہ،یہ وہی خاتون ہیں جن اک عرف الشفاء تھا،یہ جعفر بن محمد بن حبان کا قول ہے، ابوموسیٰ نے ذکر کیا ہے۔ ۔۔۔

لیلی دختر ابوسفیان بن حارث بن قیس بن زید بن امیہ انصاریہ اشہلیہ،بقولِ ابنِ حبیب حضورِ اکرم صلی اللہ علیہ وآلہٖ وسلم سے بیعت کی۔ ۔۔۔