عائشہ دخترقدامہ بن مظعون قرشیہ جمحیہ،اس خاتون اور ان کی والدہ رائطہ دختر سفیان خزاعیہ نے آپ سے بیعت کی،عبدالوہاب بن ابوحبہ نے باسنادہ عبداللہ بن احمد سے ،انہوں نے اپنے والد سے،انہوں نے ابراہیم بن ابوالعباس اور یونس المعنی سے،انہوں نے عبدالرحمٰن بن عثمان بن ابراہیم بن محمد بن حاطب سے،انہوں نے اپنے والد سے ،انہوں نے اپنی والدہ عائشہ سے روایت کی،کہ وہ خوداور ان کی والدہ دختر سفیان حضورِاکرم کی خدمت میں حاضر تھیں،اور حضور خواتین سے بیعت لے رہے تھےاور فرمارہے تھے کہ میں تم سے ان امور پر بیعت لے رہاہوں،کہ تم شرک نہیں کروگی،نہ چوری اور نہ زناکروگی اور نہ اولادکوقتل کروگی اور نہ کسی پر جھوٹا الزام لگاؤ گی اور نہ میری نافرمانی کروگی،عورتوں نے سرجھکا رکھے تھے،فرمایا،کہو،ہاں ہم ان احکام کی تعمیل بہ قدر استطاعت کریں گی،وہ ہاں کہے جاتی تھیں اور میں بھی ماں کے کہنے پر ان کی نقل۔۔۔

عائشہ ،یحییٰ بن معین روایت کی کہ ابوحنیفہ فقیہ نے عائشہ کو کہتے ہوئے سنا کہ حضورِاکرم نے فرمایا، کہ ٹڈی دل دنیامیں خدا کا لشکر ہے،نہ اسے کھاؤ،اور نہ اسے حرام قرار دو،نیز اس راوی نے ابو حنیفہ سے ،انہوں نے عثمان بن راشد سے انہوں نے عائشہ دختر عجرو سے،انہوں نے ابن عباس سے روایت کی کہ یہ خاتون تابعیہ ہیں،اوراکثرعلمأ کی یہی رائے ہے،ابوموسیٰ نے ان کا ذکر کیا ہے۔ ۔۔۔

عجمأ انصاریہ،ابو امامہ بن سہل بن حنیف کی خالہ تھیں،سعید بن ابو ہلال نے مروان بن عثمان سے انہوں نے ابوامامہ سے،انہوں نے اپنی خالہ عجمأ سےروایت کی،حضورِ اکرم نے فرمایا،کہ اگر ایک بوڑھا مرد اور بوڑھی عورت زنا کے مرتکب ہوں،تو اس لذت کے بدلے انہیں سنگسار کردو،ابن مندہ ابونعیم نے ذکر کیا ہے۔ ۔۔۔

عکناء یا عکثاء دختر ابو صفر اور مہلب کی ہمشیرہ،ہشام بن سفیان نے عبداللہ بن عبیداللہ سے،انہوں نے ابواشعشاء سے روایت کی کہ عکثاء نے روایت کی کہ رسولِ اکرم صلی اللہ علیہ وآلہٖ وسلم نے محرم کی دس تاریخ کو عاشورا کا روزہ رکھنے کا حکم دیا،میں نے ابوالشعشاء کے بارے میں رائے دریافت کی،کہا، کہ شیخ مجہول ہے اور یہ شخص جابر بن زید نہیں ہے،ابن مندہ اور ابونعیم نے ذکر کیا ہے۔ ۔۔۔

الصبعتہ دخترحضرمی،بقول جعابی حضری کا نام عبداللہ بن عمار بن ربیعہ تھا،یہ خاتون علاء بن حضرمی کی ہمشیرہ اور طلحہ بن عبیداللہ کی والدہ تھیں،جعفر نے ان کا ذکر اس حدیث میں جو عبداللہ بن رافع نے اپنے والد سے روایت کی،کیاہے،وہ بیان کرتے ہیں کہ صبعہ دختر حضرمی گھر سے نکلیں،اور میں نے انہیں اپنے بیٹے طلحہ بن عبیداللہ کو یہ کہتے سنا،کہ عثمان بن عفان کا محاصرہ سخت ہوگیا ہے،کیا اچھا ہو،اگر تو اس معاملے میں مصالحت کے لئے گفتگو کرے،تاکہ یہ مصیبت ان سے ٹل جائے۔ بلاذری نے واقدی سے روایت کی،کہ یہ خاتون حضورِاکرم کے عہد میں فوت ہوئیں،اور مجھ آل طلحہ کے کسی آدمی نے بتایا ،کہ وہ اسلام لائیں اور یہ قول اس شخص کے قول سے زیادہ مشتبہ ہے،جس نے کہاتھا،کہ وہ حضرت عثمان رضی اللہ تعالیٰ عنہ کے یوم شہادت تک زندہ رہیں،ابوموسیٰ نے ذکر کیا ہے۔ ۔۔۔