الشفاء دخترعبداللہ بن عبد شمس بن خلف بن صداد بن عبداللہ بن قرط بن زراح بن عدی بن کعب بن لوئی قرشیہ عدویہ ام سلیمان بن ابو حثمہ،ایک روایت میں ان کا نام لیل مذکور ہے،قدیم الاسلام ہیں،حضور صلی اللہ علیہ وسلّم سے بیعت کی،اور ہجرت کی،ان کی والدہ کا نام فاطمہ دختر ابو وہب بن عمرو بن عائد بن عمر بن مخزوم تھا،یہ خاتون عقلمند اور فاضلہ تھیں،اور حضوراکرم ان کے یہاں تشریف لایا کرتے تھے،انہوں نے آپ کے لئے ایک بستر اور چادر رکھی ہوئی تھی،جس میں حضورِ اکرم آرام فرماتے،اور یہ چیزیں ان کے پاس رہیں،تا ٓنکہ مروان نے ان سے لے لیں،اوریہ خاتون چیونٹیوں کے دفعیہ کا منتر جانتی تھیں،حضورِاکرم نے فرمایا کہ وہ منتر جناب حفصہ کو سکھادیں۔ حضورِاکرم صلی اللہ علیہ وسلم نے انہیں حکاکین کے قریب ایک مکان مرحمت فرمایا تھا،جس میں وہ اپنے بیٹے سلیمان کے ساتھ منتقل ہوگئی تھیں،اور حضرت عمر رضی اللہ۔۔۔

اسماء دخترالصلت سلمیہ،ان کے متعلق اور ان کے نام کے متعلق اختلاف ہے،احمد بن صالح مصری نے اسماءدختر صلت سلمیہ لکھاہے،جو ازواجِ مطہرات سے تھیں،قتادہ سے بھی اسی طرح مروی ہے، ابنِ اسحاق نے اسماء دختر صلت سلمی لکھاہے،جن سے حضور اکرم صلی اللہ علیہ وسلم نے نکاح کیا، اور پھر طلاق دے دی،علی بن عبدالعزیز جرجانی کے بقول ان کا نام اور نسب یوں تھا،سناء دختر صلت بن حبیب بن حارثہ بن ہلال بن حرام بن سماک بن عوف بن امراءالقیس بن بہہ بن سلیم سلمیہ،حضور نے ان سے نکاح کیا،مگر رخصتی سے پہلے ہی وہ فوت ہوگئیں۔ ابوعمر کہتےہیں،کہ سناء کی روایت درست ہے،مگر ان کی علیحدگی کے بارے میں جوکچھ مذکور ہے، وہ اسنادسے ثابت نہیں،ابو عمر نے ان کا ذکر کیا ہے۔ ۔۔۔

اسماءدخترِ محزبتہ التمیمہ،ان کی کنیت ام جلا س تھی،اور یہی ام عیاش بن ابی ربعیہ ہیں،جن کا ذکر پہلے گزر چکاہے،اسماء دختر سلمہ کے ترجمہ میں،اور ان کے بارے میں جو گفتگو بیان ہوئی ہے،وہ قائل کا وہم ہے،ابن مندو اور ابو نعیم نے ان کا ذکر کیا ہے۔ ۔۔۔

اسماءدختر مرشد الحارثیہ جو بنو حارثہ کی بہن تھی،ان کی حدیث دربارۂ استحاضہ ہے،حرام بن عثمان نے عبدالرحمٰن اور محمد پسرانِ جابر،انہوں نے اپنے والد سےروایت کی،کہ اسماء دخترِ مرشد نے حضورِ اکرم صلیّ اللہ علیہ وسلم کی خدمت میں حاضر ہو کر گزارش کی ،یا رسول اللہ !مجھے اس دفعہ حیض میں ایسی صورت پیش آئی جو بیشتر ازیں کبھی پیش نہیں آئی تھی،حضور صلی اللہ علیہ وسلم نے فرمایا، وضاحت کرو،انہوں نے کہا،طہر کے تین یا چار دن ہی گزرنےپائے تھےکہ پھر حیض جاری ہو گیا، چنانچہ مجھے نماز ترک کرنا پڑی،حضور نے فرمایا،اگر پھر کبھی ایسی صورت پیش آجائے تو تین دن کے بعد غسل طہرکرلو،اور نماز ادا کرو،تینوں نے ذکر کیا ہے۔ ابوعمر کا قول ہے،کہ اسماء کی یہ حدیث درست نہیں،کیونکہ صرف حرام بن عثمان ہی اس کا راوی ہے، جوبالاجماع ضعیف ہے،امام شافعی کا قول ہے،کہ حرا م بن عثمان کی حدیث حرام ہے۔ ۔۔۔

اسماء دختر سلمہ،ایک روایت میں سلامہ بن محزمہ بن جندل بن ابیر بن نہشل بن وارم تمییہ دارمیہ مذکور ہے،بقولِ ابو عمران کی کنیت ام الجلاس تھی،ابنِ مندہ اور ابو نعیم نے ان کانام اسماء دخترِ محزبہ تمییہ لکھا ہے،وہ جلاس اور عیاش کی والدہ تھیں،یہ دونوں ابو ربعیہ کے بیٹے تھے،ان سے عبداللہ بن عیاش اور ربیع دخترِ معوذ نے روایت کی،اور ابن مندہ اور ابو نعیم نے عبداللہ بن حارث کی وہ حدیث روایت کی،جو انہوں نے عبداللہ بن عیاش بن ابو ربعیہ سے روایت کی،ان سے مروی ہےکہ حضورِ اکرم صلی اللہ علیہ وآلہٖ وسلم بہ غرض عیادت مریض یا کسی اور مقصد کے لئے ابو ربعیہ کے گھر تشریف لائے،اسماالتیمیہ نے گزارش کی ،یارسول اللہ! مجھے کوئی نصیحت فرمائیے،آپ نے ارشاد فرمایا،تو اپنی بہن کے لئے وہی کچھ کر،جو تو اپنے لئے چاہتی ہے،اس کے بعد آپ کے پاس عیاش کا ایک بیٹا لایا گیا،جو مریض تھا،جب حضور صلی اللہ علی۔۔۔