بنواسلم،عبداللہ بن احمدخطیب نے ابومحمدسراج سے،انہوں نے ابوالقاسم عبیداللہ بن عمربن احمد بن شاہین سے،انہوں نے ابومحمدبن ماسی بزاز سے،انہوں نے ابوشعیب حرانی سے،انہوں نے علی بن جعدسے،انہوں نے زہیرسے،انہوں نے سہیل بن ابوصالح سے،انہوں نے والدسے،انہوں نے بنواسلم کے ایک آدمی سے روایت کی میں حضورِ اکرم کے پاس تھا،کہ ایک آدمی جسے بچھونے کاٹا، آیا، فرمایا،اگرشام کوتونے یہ کلمات پڑھے ہوتے توتجھے کوئی چیز دکھ نہ دیتی، اَعوذُ بکلامات اللہ التامتہ من شرکل ماخلق، ابن مندہ اورابونعیم نے ذکرکیاہے۔ ۔۔۔

ابوادریس عابداللہ بن عبداللہ بن عمرو الخولانی،یہ غزوہ حنین کے سال پیداہوئے،کبار تابعین سے ہیں،وہ فضالہ بن عبید کے بعد امیر معاویہ اور یزید کے طرف سے عبدالملک بن مروان کے عہد تک دمشق کے قاضی رہےاور اسی دوران میں وفات پائی،مکحول کہتے تھے،کہ انہوں نے ادریس کی طرح کا کوئی آدمی نہیں دیکھا،انہوں نے عبادہ بن صامت،شداد بن اوس،ابوالدرداءاور عبداللہ بن مسعود سے سماع کیا،معاذ سے ان کے سماع کے بارے میں اختلاف ہے،ابوعمر نے ان کاذکر کیا ہے۔ ۔۔۔

ابواسرائیل انصاری،مدنی ہیں،اور انہیں صحبت حاصل ہوئی،عبدالوہاب بن ہبتہ اللہ نے باسنادہ عبداللہ بن احمد سےبیان کیا کہ میرے والد نے عبدالرزاق سے،انہوں نے ابن جریج سے،انہوں نے ابنِ طاؤس سے،انہوں نے اپنے والد سے،انہوں نے ابواسرائیل سے بیان کیا کہ حضورِ اکرم صلی اللہ علیہ وآلہ وسلم مسجد میں داخل ہوئے ،اور میں نماز پڑھ رہاتھا،صحابہ نے حضوراکرم کو بتایا، یارسول اللہ،یہ وہ شخص ہے جو نہ بیٹھتا ہے،نہ لوگوں سے باتیں کرتا ہےاور نہ سائے میں کھڑاہوتا ہے،اور روزہ رکھتا ہے،حضورِاکرم نے فرمایا،اسے کہوکہ بیٹھے،باتیں کرے سائے میں آرام کرے اور روزے رکھے،تینوں نے اس کا ذکر کیاہے۔ ۔۔۔

ابوجعد بن جنادہ بن ضمرۃ الضمری از بنوضمرہ بن بکر بن عبد مناہ بن کنانہ الکنانی الضمری ایک روایت میں ان کا نام اورع ہے،ایک میں جنادہ اور ایک میں عمرو بن بکر،یہ ابوعمرکاقول ہے،انہیں صحبت میسر آئی،اور مدینہ میں بنوضمرہ کے محلے میں ان کاگھر تھا،ان سے عبیدہ بن سفیان حضرمی نے روایت کی،کئی راویوں نے باسنادہم ابوعیسیٰ ترمذی سے،انہوں نے علی بن خشرم سے،انہوں نے عیسیٰ بن یونس سے،انہوں نے محمد بن عمرو سے،انہوں نے عبیدہ بن سفیان سے،انہوں نے ابوجعدضمری سے روایت کی کہ( یہ زعمِ محمد بن عمرو انہیں حضور اکرم کی صحبت حاصل ہوئی)حضور اکرم نے فرمایا،جس شخص نے بوجہ کاہلی تین جمعے قضاکردئیے،اللہ تعالیٰ اس کے دل پر مہر لگادیتا ہے،تینوں نے ان کا ذکر کیاہے،امام بخاری ان کے نام سے ناواقف ہیں اور ان سے صرف یہی ایک حدیث مروی ہے۔ ۔۔۔

ابوالجعدافلح جو ابوالقعیس کے(جو حضرت عائشہ صدیقہ رضی اللہ عنہا کے رضاعی چچا تھے)بھائی تھے، حضورِ اکرم نے ام المومنین کو حکم دیا،کہ اپنے رضاعی چچاکو اپنے پاس آنے کی اجازت دے،یعیش بن علی بن صدمہ نے باسنادہ ابوعبدالرحمٰن نسائی سے،انہوں نے اسحاق بن ابراہیم سے،انہوں نے عبدالرزاق سے،انہوں نے ابنِ جریج سے،انہوں نے عطا سے،انہوں نے عروہ سے،انہوں نے جناب عائشہ سے روایت کی کہ میرا رضاعی چچا ابوالجعد ملاقات کرنے آئے،جب حضورِ اکرم تشریف لائے تو ام المومنین نے آپ سے ذکر کیا ،ٓپ نے فرمایا انہیں ملاقات کی اجازت دیدو، ابونعیم،ابوعمر ،ابوموسیٰ نے ان کا ذکر کیا ہے۔ ۔۔۔