بعض لوگ کہتے ہیں ان کا نام بلز تھا بعض لوگ کہتے ہیں مالک بعض لوگ کہتے ہیں رزن بن قطم۔ کنیت ان کی ابو العشراء دارمی ہے ان کا تذکرہ کنیت کے باب میں آئے گا۔ (اسد الغابۃ جلد نمبر ۱)۔۔۔

  ابن عسکر بن وتار۔ یہ ابن مندہ اور ابو نعیم کا قول ہے ان دونوں نے بیان کیا ہے کہ یہ نبی ﷺ کے حضور میں وفد بن کے آئے تھے اور فتح مصر میں شریک تھے یہ ابن یونس سے منقول ہے اور ابن ماکولا نے بیان کیا ہے کہ برح بکسر باء معجمہ و سکون راء و حاء مہملہ بیٹے ہیں عسکر بن وثار بن کرع بن حضرمی بن نعمان بن مہری بن حیدان بن عمرو بن الحاف بن قضاعہ کے نبی ﷺ کے حضور یں حاضر ہوئے تھے اور فتح مصر میں شریکت ھے وہاں کچھ زمیں انھیں بطور معافی کے ملی تھی اور وہیں سکونت اختیار کر لی تھی اہل مصر میں یہ مشہور ہیں ابن ماکولا نے کہا ہے کہ ابن یونس کہتے تھے میں نے نسب قدیم کی بعض پرانی کتابوں میں ابن لہیعہ کے ہاتھ کا لکھا ہوا دیکھا ہے کہ برح عسکر کے بیٹے تھے اور انھوںنے ان کا نسب اسی طرح بیان کیا ہے جیسا ہم نے ذکر کیا ہے۔ (اسد الغابۃ جلد نمبر ۱)۔۔۔

ابن مالک بن نصر انصاری۔ ان کا نسب پیشتر ان کے بھائی انس بن مالک کے بیان میں گذر چکا ہے۔ یہ حضرت انس بن مالک (خادم رسول خدا ﷺ) کے حقیقی بھائی ہیں۔ سوا بدر کے احد اور خندق اور تمام غزوات میں رسول خدا ﷺ کے ہمراہ رہے بڑے بہادر اور دلیر تھے۔ حضرت عمر رضی اللہ عنہ (اپنے عمال کو) لکھا کرتے تھے کہ براء کو مسلمانوں کے کسی لشکر کا سردار نہ بنانا کیوںکہ یہ بھی مسلمانوں (٭مطلب یہ ہے کہ فرط شجاعت کے سبب سے یہ میدان جنگ سے ہٹنا پسند نہ کریں گے اور بے موقع اپنے لشکر کو لڑا کر کٹا دیں گے) کو ہلاکت میں ڈال دیں گے۔ جب جنگ یمامہ ہوئی اور قبلہ بنی حنیفہ نے اس باغ پر سخت جنگ کی جس میں مسیلہ تھا تو براء نے کہا اے مسلمانوں مجھے تم اس باغ کے اندر ڈال دو چنانچہ لوگوں نے ان کو اٹھایا یہاں تک کہ باغ کی دیوار پر پہنچ گئے وہیں سے انھوں نے لڑنا شروع کیا اور خوب لڑے یہاں تک کہ اس باغ کا دروازہ مسلمانوں کے لئے کھول دیا ا۔۔۔

  ابن عزب بن حارث بن عدی بن جشم بن مجدعہ بن حارثہ بن حارث بن خزرج بن عمرو بن مالک بن اوس انصاری اوسی حارثی ان کی کنیت ابو عمروہے اور بعض لوگ کہتے ہیں ابو عمارہ ہے اور یہی صحیح ہے۔ انھیں رسول خدا ﷺ نے جنگ بدر میں بوجہ کم سن ہونے کے واپس کر دیات ھا۔ سب ے پہلا غزوہ جس میں یہ شریک ہوئے احد تھا اور بعض لوگ کہتے ہیں خندق۔ انھوں نے رسول خدا ﷺ کے ہمراہ چودہ جہاد کئے۔ یہی ہیں جنھوں نے سن ۲۴ھ میں ملک ری صلحا فتح کیا یا بقول ابی عمرو ابوبکر فتح کیا۔اور ابو عبیدہ نے کہا ہے کہ ملک ری کو سن۲۲ھ میں حضرت حذیفہ نے فتح یا تھا اور مداینی نے کہا ہے کہ کچھ حصہا س کا حضرت ابو موسی نے فتح کیا تھا اور کچھ حصہ اس کا قرضح ابن کعب نے فتح کیا۔ یہ براء جنگ قسترمیں حضرت ابو موسی کے ساتھ تھے۔ حضرت براء اور ان کے بھائی عبید بن عازب جنگ جمل و صفین و نہروان میں حضرت علی بن ابی طالب کے ہمراہ رہے بالاخر کوفہ میں رہ گئے ۔۔۔

  ابن عبداللہ۔ کنیت ان کی ابو ہندداری۔ ان کا صحابی ہونا اور نبی ﷺ سے روایت کرنا ثابت ہے انکا پورا بیان آئے گا۔ یہ امیر ابو نصر کا قول تھا۔ (اسد الغابۃ جلد نمبر ۱)۔۔۔