بن مخرمہ بن مطلب بن عبد المناف بن قصی: عبد اللہ بن محمد بن عبد العزیز لکھتے ہیں کہ مَیں نے ابن ابی داؤد کی کتاب میں جو صحابہ کے بارے میں ہے دیکھا کہ مصنّف نے محمد بن قیس بن مخرمہ کا شمار صحابہ میں کیا ہے۔ حالانکہ میں نہیں سمجھتا کہ اس نے حضور اکرم صلی اللہ علیہ وسلم سے کوئی حدیث سُنی ہے۔ احمد بن عبد اللہ بن یونس نے ثوری سے اس نے عبد اللہ بن مؤمل سے اُس نے محمد بن عباد بن جعفر سے اُس نے محمد بن قیس بن مخرمہ سے سُنا کہ حضور اکرم صلی اللہ علیہ وسلم نے فرمایا کہ جو شخص حرمین میں فوت ہُوا۔ وہ قیامت کے دن امن و امان میں اُٹھے گا۔ غریانی نے ثوری سے اُس نے محمد بن قیس بن مخرمہ سے اور انھوں نے اپنے باپ سے روایت کی ہے ابو احمد عسکری نے قیس بن مخرمہ کے ترجمے میں لکھا ہے کہ اِن کے دونوں بیٹے محمد اور عبد اللہ جو ابھی بچّے تھے وہ والد کے ساتھ ہولیے تھے اور جس حدیث کا ہم نے ذک۔۔۔

زرینہ والدۂ امتہ اللہ ،ایک روایت میں رزینہ ہے،یحییٰ نے کتابتہً باسنادہ تا ابن ابی عاصم ،عقبہ بن مکرم سے،انہوں نے محمد بن موسیٰ سے،انہوں نے علیلہ دختر کمیت سے،انہوں نے والدہ سے انہوں نے امتہ اللہ سے روایت کی ،کہ انہوں نے زرینہ سے پوچھا،کہ رسولِ اکرم عاشورہ کے روزے کے بارے میں کیا فرماتے تھے،انہوں نے جواب دیا، کہ جب یہ دن آتا،تو آپ صلی اللہ علیہ وسلم روزہ رکھتے اور دوسروں کو روزہ رکھنے کا حکم دیا کرتے تھے،ابو موسیٰ نے ذکر کیا ہے۔ ۔۔۔

زنیرہ رومیہ،یہ خاتون ان لوگوں میں شامل ہیں،جو ابتدائے بعثت میں اسلام لائیں،یہ بنو مخزومہ کی کنیز تھیں،جنہیں ابو جہل سخت تکلیف دیا کرتا تھا،ایک روایت کی رُو سے وہ بنو عبداللہ کی لونڈی تھیں،جب اسلام لائیں تو اندھی ہو گئیں،مشرکین کہتے کہ اسے لات اور عزٰی کی نافرمانی نے اندھا کردیا ہے،وہ جواب میں کہتیں،کہ لات اور عزٰی کو تو اتنا بھی معلوم نہیں کہ ان کو پوجنے والے کون ہیں،یہ تقدیر آسمانی ہے،اللہ چاہے تو میری بینائی کولوٹا سکتا ہے،حُسنِ اتفاق سے دوسرے دن ان کی آنکھیں ٹھیک ہو گئیں،تو مشرکین یہ کہنا شروع کردیا،کہ یہ کرشمہ محمد کےجادو کا ہے۔ جب حضرت ابوبکر رضی اللہ عنہ نے مشرکین کے ہاتھوں انہیں بے تحاشہ پٹتے دیکھا تو انہیں خرید کر آزاد کر دیا،یہ خاتون ان سات افراد میں شامل ہیں،جنہیں خرید کر حضرت ابوبکر نے آزاد کردیا تھا،تینوں نے ان کا ذکر کیا ہے۔ ۔۔۔

عمرہ دختر یسار بن ازیہر،بقول جعفر حضور کی صحبت نصیب ہوئی،ابو موسیٰ نے مختصراً ذکر کیا ہے۔ ۔۔۔

عمرہ دختر یزید بن جون کلابیہ،ایک روایت میں ان کا نام عمرہ دختر یزید بن عبید بن رواس بن کلاب الکلابیہ ہے،یہ ابوعمرکا قول ہے،اور یہ صحیح ہے،ان سے حضورِاکرم نے نکاح کیا تھا،لیکن جب معلوم ہوا ،کہ وہ مبروص ہیں،تو آپ نے طلاق دے دی۔ ابو جعفر نے باسنادہ یونس سے انہوں نے ابنِ اسحاق سے روایت کی کہ حضورِ اکرم نے عمرہ دختر یزید بن کلابیہ سے نکاح کیا،جواس سے پیشتر فضل بن عباس کے پاس تھی،مگر اسے قبل از دخول طلاق دے دی،ایک روایت کے مطابق یہ وہی عورت ہے،جس نے حضورِاکرم صلی اللہ علیہ وسلم کو دیکھ کر نعوذ باللہ منک کہاتھا،اور آپ نے طلاق دے دی تھی،اور فرمایا،تو نے پناہ دینے والے کے نام سے پناہ مانگی ہے،اس پر آپ نے زید بن حارثہ کو حکم دیا،کہ اسے تین کپڑے دے کر بنوکلاب میں چھوڑآؤ۔ ہشام بن عروہ نے اپنے والد سے ،انہوں نے عائشہ سے روایت کی،اور ابوعبید کا قول ہے کہ یہ واقعہ اسماء د۔۔۔