ام ثابت دخترِ مسعود بن سعد بن قیس بن خلدہ انصاریہ،بقولِ ابنِ حبیب انہوں نے حضورِ اکرم صلی اللہ علیہ وسلم سے بیعت کی۔ ۔۔۔

بن جسل: یہ صاحب اپنے آدمیوں کی معیت میں بہ سلسلہ ہجرت حضور اکرم صلی اللہ علیہ وسلم کی خدمت میں باریاب ہوئے ان سے عبداللہ الاشعری نے روایت کی ہے۔ ۔۔۔

ام سعدبن عبادہ،حضورِ اکرم صلی علیہ وسلم کے عہد میں فوت ہوئیں،زہری نے عبیداللہ بن عبداللہ سے،انہوں نے ابن عباس سے روایت کی کہ سعد نے حضورِاکرم سے دریافت کیا کہ یا رسول اللہ! میری والدہ فوت ہوگئی ہےاور اس نے منت مانی تھی جو وہ پوری نہ کرسکی،فرمایا،تم اس کی طرف سے پوری کردو۔ فتیان نے باسنادہ قعبنی سے،انہوں نے مالک سے،انہوں نے سعید بن عمرو بن شرجیل بن سعید بن سعد عبادہ سے،انہوں نے اپنے والد سے،انہوں نے اپنے داداسے روایت کی کہ سعد بن عبادہ حضورِ اکرم کے ساتھ ایک غزوہ میں شریک تھے،اس اثناء میں ان کی والدہ کا آخری وقت آگیا،لوگوں نے ان سے وصیّت کے بارے میں کہا،انہوں نے کہا،وصیّت مال کے بارے میں کی جاتی ہے،اور مال میرا نہیں،سعد کا ہے،چنانچہ وہ سعد کی واپسی سے پہلے فوت ہوگئیں،جب واپسی پر سعد کو اس کا علم ہوا،تو انہوں نے کہا،اگر میں اپنی ماں کی طرف سے راہِ خدا میں خیرات ک۔۔۔

ام سعد، ابو سعید خدری کی والدہ تھیں،ان کے راوی ان کے بیٹے ابوسعید ہیں،قتیبہ نے ابن ابوالرجال سے،انہوں نے عمارہ بن غزیہ سے،انہوں نے عبدالرحمٰن سے،انہوں نے اپنے والد سے روایت کی،کہ میری والدہ نے مجھے حضورِاکرم صلی اللہ علیہ وسلم کے پاس بھیجا،آپ نے فرمایا،جو شخص خداسے دولت طلب کرتا ہے،خدااسے دولت عطاکرتا ہے،ابن مندہ اور ابونعیم نے ان کا ذکر کیا ہے۔ ۔۔۔

ام سعد، دختر مرہ بن عمرو حمجیہ،یہ ابونعیم کا قول ہے،ابن مندہ نے سعد بن عمرولکھا ہے اور یہی درست ہے،ابوعمر نے ام سعید دختر عمرو الحمجیہ تحریر کیا ہے،اور ایک روایت میں دختر عمیر مذکور ہے، اور اس امر پر سب کا اتفاق ہے کہ کافل الیتیم کی راوی یہی خاتون ہیں۔ یزید بن زریع نے محمد بن عمرو سے،انہوں نے صفوان بن سلیم سے،انہوں نے امِ سعد دختر مرہ سے روایت کی کہ رسولِ اکرم صلی اللہ علیہ وسلم نے فرمایا،کہ جس شخص نے کسی یتیم کی کفالت اختیار کی،یتیم ان کے اپنے خاندان کا ہو،یا کسی اور خاندان کا،وہ جنت میں میرے ساتھ یوں اکٹھے ہوگا،جس طرح کہ انگشت شہادت اور درمیان کی انگلی ساتھ ساتھ ہیں۔ اسی حدیث کو محمد بن بشر نے محمد بن عمرو سے،انہوں نے صفوان سے،انہوں نے ام سعد دختر مرہ سے،اور ابن عینیہ نے سفوان سے،انہوں نے ام سعد دختر مرہ زہریہ سے روایت کیا،تینوں نے ذکر کیاہے۔ ۔۔۔