سُنَینہ دختر محتف بن زید نکریہ،انہیں حضورِاکرم کی صحبت نصیب ہوئی اور ان سے ایک حدیث حبہ دختر شماخ نکریہ نے روایت کی۔ ۔۔۔

مسیکہ ،عبداللہ بن ابی منافق کی لونڈی تھیں،ان کے اور امیمہ کے بارے میں قرآن حکیم کی یہ آیت اتری،" لاتکرھوافتیاتکم علی البغاء "ان اور تم اپنی لونڈیوں کو بدکاری پر مجبور نہ کرو،یہ ابن ِمندہ کا قول ہے۔ ابومعاویہ نے اعمش سے،انہوں نے ابوسفیان سے انہوں نے جابر سے روایت کی،کہ امیمہ اور مسیکہ نے عبداللہ بن ابی کے خلاف حضورِ اکرم کے پاس شکایت کی،جس پر مذکورہ آیت نازل ہوئی۔ ابوالفضل بن ابوالحسن طبری فقیہ نے ابویعلی احمد بن علی سے،انہوں نے ابنِ نمیر سے،انہوں نے ابنِ ابی عبیدہ سے ،انہوں نے اپنے والد سے ،انہوں نےاعمش سے،انہوں نے ابوسفیان سے، انہوں نے جابر سے روایت کی،کہ عبداللہ بن ابی نے اپنی لونڈی کو بدکاری پر مجبور کیا،تو کنیز نے حضور صلی اللہ علیہ وسلم سے شکایت کی اور مذکور آیت نازل ہوئی،ابن ِمندہ اور ابونعیم نے ذکر کیا ہے،اور ہم نے معاذ کے ترجمے میں اسے زیادہ تف۔۔۔

کریمہ دختر کلثوم حمیریہ،ابو موسیٰ نے اجازۃً ابو غالب سے ،انہوں نے ابوبکر سے،انہوں نے ابوالقاسم سے،انہوں نے محمد بن احمد جذوعی سے انہوں نے قاضی سے(ح) ابوموسیٰ نے ابوعلی سے ،انہوں نے ابونعیم سےانہوں نے عبدالجبار بن عاصم سے،انہوں نے بقیہ بن ولید سے،انہوں نے معاویہ بن یحییٰ سے ،انہوں نے سلیمان بن موسیٰ سے،انہوں نے مکحول سے،انہوں نے عفیف بن حارث سے،انہوں نے عطیہ بن بشر زمانی سے روایت کی،کہ عکاف بن وداعہ ہلالی حضورِ اکرم کے پاس آئے،آپ نے دریافت فرمایا،کیا تو نے شادی کی ہے،انہوں نے نفی میں جواب دیااور کہا، جب تک آپ کسی عورت سے نکاح نہیں کرائیں گے،میں ازخود کچھ نہیں کروں گا،فرمایا،میں اللہ کے نام پر کریمہ دختر کلثوم سے تیرا نکاح کرتا ہوں،ابونعیم اور ابو موسیٰ نے ذکر کیا ہے۔ ۔۔۔

کریمہ دختر حدرد سلام اسلمی،بروایتے انہیں صحبت حاصیل ہوئی،اور کریمہ درداءالکبریٰ کی والدہ تھیں،ان سے اہل ِشام نے روایت کی،ایک روایت میں ان کا نام خیرہ آیا ہے،امام بخاری کے مطابق انہیں صحبت نصیب ہوئی،بقول جعفر مستغفری یہ ابوادرداء کی زوجہ نہیں،اور یہ قول صِرف جعفری کا ہے،ابوموسیٰ نے ذکر کیا ہے۔ ۔۔۔

معاذہ غفاریہ،ابو موسیٰ نے کتابتہً ابوسعد بن عبداللہ معدانی سے،انہوں نے ابو حسین بن ابو قاسم سے،انہوں نے احمد بن موسیٰ سے،انہوں نے محمد بن علی سے،انہوں نے جعفر بن احمد بن رزین سے،انہوں نے یعقوب دورتی سے،انہوں نے یعلی بن عبید سے،انہوں نے حارثہ بن ابوالرجال سے،انہوں نے عمرہ سے روایت کی کہ انہیں معاذہ غفاریہ نے بتایاکہ میں ایک بار آپ کا ساتھ دینے کے لئے تاکہ مریضوں کی عیادت اور زخمیو ں کی مرہم پٹی کرسکوں،حضرت عائشہ کے حجرے میں حضور اکرم کی خدمت میں حاضر ہوئی،میں اندر داخل ہوئی تو حضرت علی نکل رہے تھے،میں نے حضور اکرم کو فرماتے سُنا،"اے عائشہ!علی مجھے سب آدمیوں سے زیادہ عزیز اور مکرم ہے،تُواس کے حق کو پہچان،اور جب تیرے پاس آئےتو احترام سے پیش آ"،راوی نےاس حدیث کو حضرت علی کی عبادت گزاری کے پیش نظر بیان کیا ہے،ابو موسیٰ نے ذکر کیا ہے۔ ۔۔۔