خولہ دختر عبداللہ انصاریہ،بصری شمار ہوتی ہیں،رقیہ دختر سعد نے اپنی دادی خولہ سے روایت کی،کہ انہوں نے رسولِ کریم علیہ الصلوٰۃ والتسلیم کو فرماتے سنا،"انسان میل کچیل ہے،مگر انصار ایک سایہ دار درخت ہیں،اے اللہ! تو انصار کو معاف کر اور ان کے بیٹوں اور پوتوں کو معاف کر"۔اس کے بعد جناب خولہ نے کہا،میرا اندازہ ہے کہ حضورِ اکرم کی اس دعا سے مجھے بھی حِصہ ملے گا،تینوں نے ذکر کیا ہے،لیکن بقولِ ابو عمر اس کے اسناد میں شبہے کی گنجائش ہے۔ ۔۔۔

خولہ دختر یمان عبیسہ،حذیفہ بن یمان کی ہمشیر ہ تھیں،یحییٰ نے کتابتہً باسنادہ ابن ابی عاصم سے ،انہوں نے صلت بن مسعود سے،انہوں نے علی بن ثابت سے،انہوں نے وازع سے،انہوں نے نافع سے،انہوں نے ابو سلمہ بن عبدالرحمٰن سے،انہوں نے خولہ دختر یمان سے روایت کی ،حضورِ اکرم نے فرمایا،عورتوں کے اجتماع میں کوئی بھلائی نہیں،سوائے اس کے جب وہ کسی میت پر جمع ہوتی ہیں،تو بے تحاشہ باتیں کرتی ہیں۔ ربعی بن خراش اپنی زوجہ سے،انہوں نے حذیفہ کی ہمشیر ہ سے روایت کی،کہ ایک بار حضورِاکرم صلی اللہ علیہ وسلم ہمارے درمیان خطبے کے لئے کھڑے ہوئے،اور حمد و ثناء کے بعد فرمایا،اے خواتین،چاندی کے زیور جو تم پہنتی ہو، اس میں کوئی حرج نہیں،لیکن وہ خواتین جن کے پاس سونے کے زیور ہیں،اور وہ ان کی نمائش کرتی ہیں انہیں ضرور جہنم میں عذاب دیا جائے گا،تینوں نے اس کا ذکر کیا ہے۔ ۔۔۔

خولہ دختر اسود بن حذافہ،ان کی کنیت ام حرملہ خزاعیہ تھی،موسیٰ بن عقبی نے ابن شہاب سے بہ سلسلہ مہاجرین حبشہ از بنو عبدالدرجہیم بن قیس بروایتے جہم کا نام لیا ہے،ان کے ساتھ ان کی بیوی خولہ دختر اسود بن حذافہ بھی تھیں، جن کا نام تو ابن عقبہ نے لیا ہے،لیکن ان کی کنیت بیان نہیں کی،ابن اسحاق نے کنیت تو لکھ دی ہے،لیکن نام نہیں لِکھا ،چنانچہ وہ ان کا ذکر یوں کرتے ہیں،ام حرملہ دختر عبدالاسود بن حذیمہ بن قیس بن عامر بن بیاضہ بن سبیع بن جعثمہ بن سعد بن ملیح بن عمرو بن خزاعہ،اس خاتون نے اپنے خاوند کے ساتھ ہجرت کی تھی،تینوں نے ذکر کیا ہے۔ ۔۔۔

نعم شماس بن عثمان بن شرید مخزومی کی زوجہ تھیں،ایک روایت کے مطابق حسان کی بیٹی تھیں،ابنِ اسحاق نے ان کے شوہر کے سوگ میں ،جو غزوۂ احد میں مارے گئے تھے،ذیل کے اشعار کہے ہیں۔ (۱)یَاعَینٌ جَودِی بِدَمعٍ غَیر اِبسَاس عَلٰی کَرِیمِ مِنَ الفِتیَالِبَاسٖ (ترجمہ)اےآنکھ !آہستہ آہستہ آنسو،اس جواں مرد پر بہاؤ،جو جوانوں میں کثیراللباس تھا۔ (۲)صَعبُ البَدِیھَۃِ مَیمُونٌ نَقِیبَتَہٗ حَمَّال اَلوِیَہٗ رُکَابُ اُفرَاسٖ (ترجمہ)وہ اچانک سخت حملہ کرنے والاہےاور وہ نجیب الفطرت ہے اور اس کے علم کو اٹھانے والے بڑے بڑے شاہ سوار ہیں۔ (۳)اَقُولُ لَمَّااَنَّ النَّاعِی لَہٗ جَزعاً اَردِی الجَوَّادُوازدی اَلمُطِعمُ الکَاسِی (ترجمہ)جب اس کی موت کی اطلاع دینے والا آیا،تو میں نے آہ وزاری کرتے ہوئے کہا،آہ سخاوت اور لوگوں کو کھلانے پلانے والاہلاک ہوگیا۔ (۴)وَقُلتُ ۔۔۔

خولہ دختر ہذیل بن ہمبیرہ بن قبصیہ بن حارث بن حبیب بن حُرفہ بن ثعلبہ بن بکر بن حبیب،بن غنم،بن تغلب تحلبیہ حضورِاکرم صلی اللہ علیہ وسلم نے اس خاتون سے نکاح کیا،مگرحضور تک آنے سے پہلے وفات پاگئیں،یہ حرجانی کا قول ہے،ابوعمر نے ذکر کیا ہے۔ ۔۔۔