جمیلہ دختر ابی ابنِ سلول ہمشیرۂ عبداللہ بن ابی رئیس المنافقین،ایک روایت میں انہیں عبداللہ بن ابی کی بیٹی کہا گیا ہے،جو غلط ہے،یہ خاتون حنظلہ بن ابو عامر غسیل الملا ئکتہ کی زوجہ تھی،خاوند غزوۂ احد میں مارا گیا،تو اس نے ثابت بن قیس بن شماس سے نکاح کر لیا،مگر اس سے علیحدہ ہوگئی،اور اسے ترک کردیا،حضورِ اکرم صلی اللہ علیہ وآلہٖ وسلم نے انہیں بُلا کر اس نفرت کی وجہ دریافت فرمائی،خاتون نے گزارش کی،یارسول اللہ،مجھے اس سے کوئی نفرت نہیں، لیکن ہمارا ایک خون اس کے ذمہ ہے،آپ نے دریافت فرمایا،کیا تو اس کا باغیچہ لوٹانے کو تیار ہے،انہوں نے آمادگی ظاہر کی،تو آپ نے تفریق کر دی،اس کے بعد مالک بن دخشم سے نکاح کرلیا،اس کے بعد حبیب بن اساف کے نکاح میں آئیں، تینوں نے ذکر کیا ہے۔ ابو عمر لکھتے ہیں کہ بصریوں نے ان کا یہی نام لکھا ہے،لیکن مدنیوں نےاس خاتون کا نام حبیبہ دختر سہل ا۔۔۔

جمیل دخترِ سعد بن ربیع انصاریہ ،ہم ان کا نسب ان کے والد کے ترجمے میں بیان کر آئے ہیں،انہیں آپ صلی اللہ علیہ وسلم کی صحبت نصیب ہوئی،اور حضور سے حدیث روایت کی،ان سے ثابت بن عبید انصاری نے روایٔت کی،کہ ان کے والد اور چچا غزوۂ احد میں قتل ہوگئے اور ایک ہی قبر میں دفن کئے گئے،یہ خاتون زید بن ثابت کی زوجہ تھیں،ثابت بن عبید سے مروی ہے کہ وہ ایک دفعہ جمیل دختر سعد بن ربیع کے گھر گئے،تو انہوں نے انہیں کھجوریں پیش کیں،انہوں نے جناب جمیلہ سے پوچھا،کیا یہ کھجوریں تمہیں اپنے والد کی میراث سے ملی ہیں،خاتون نے جواب دیا،نہیں،اس وقت تک وراثت کا حکم نازل نہیں ہؤا تھا،تینوں نے ان کا ذکر کیا ہے۔ ۔۔۔

جمیلہ دختر سنان بن ثعلبہ بن عامر بن مجدعہ بن جشم بن حارثہ انصاریہ اوسیہ بقولِ ابن حبیب انہوں نے حضورِ اکرم صلی اللہ علیہ وآلہٖ وسلم سے بیعت کی۔ ۔۔۔

جمیلہ دختر زید بن صیفی بن عمرو بن جشم بن حارثہ انصاریہ،یہ خاتون علیہ بن زید کی ہمشیرہ تھیں، انہیں حضور کی صحبت نصیب ہوئی،ہم ان کا نسب ان کے بھائی کے ترجمے میں بیان کر آئے ہیں۔ ۔۔۔

جمیلہ بروایتے خولہ یا خویلہ،اوس بن صامت کی بیوی تھیں،ابو احمد عبدالوہاب بن علی نے باسنادہ ابو داؤد سے، انہوں نے ہارون بن عبداللہ سے ،انہوں نے محمد بن فضل سے،انہوں نے حماد بن سلیمہ سے ، انہوں نے ہشام بن عروہ سے،انہوں نے اپنے والد سے ،انہوں نے جناب عائشہ رضی اللہ تعالیٰ عنہا سے روایت کی،کہ اوس بن صامت میں خفیف سا جنون کا عارضہ تھا،جب مرض میں شدت پید اہوئی،تو اوس نے بیوی سے ظہار کرلیا،چنانچہ اسکے بارے میں ادائے کفارہ کی آیت نازل ہوئی،ابن مندہ اور ابو نعیم نے ذکر کیا ہے۔ ۔۔۔