جمرۃ دختر عبداللہ تمیمہ یربو عیہ از بنو یریوع بن حنظلہ بن مالک بن زید مناۃ بن تمیم،یہ کوفی تھیں،عطوان بن مشکان نے جمرہ دختر عبداللہ یربوعیہ سے روایت کی،کہ ان کے والد انہیں حضورِ اکرم صلی اللہ علیہ وسلم کی خدمت میں لے گئے،اور آپ نے میرے لئے برکت کی دعا کی،اور مجھے اپنی گود میں بٹھایا،اور میرے سر پر ہاتھ پھیرا،تینوں نے ذکر کیا ہے۔ ۔۔۔

جمرہ دختر قحافہ کندیہ،کوفی شمار ہوتے ہیں،شبیب بن غرقدہ نے جمرہ دخترِ قحافہ سے روایت کی،کہ وہ حجتہ الوداع میں ام المومنین ام سلمہ کے ساتھ تھیں،انہوں نے حضورِ اکرم صلی اللہ علیہ وآلہٖ وسلم کو فرماتے سُنا،یا امتاہ (اے میری امت) کیا میں نے خدا کا حکم تمہیں پہنچا دیا ہے،یہ سُن کر جناب ام سلمہ رضی اللہ عنہا کے بیٹے نے کہا،حضور اکرم اپنی والدہ کو کیوں بُلا رہے ہیں،جناب ام سلمہ نے کہا،حضور نبیٔ کریم اپنی امت سے خطاب فرمارہے ہیں،اے لوگو! تمہارے مال،عورتیں اور خون تم پر اس طرح حرام کردئے ہیں،جس طرح آج کا دن،اس شہر میں اور اس مہینے میں قابلِ احترام بنا دیا گیا ہے،تینوں نے اس کا ذکر کیا ہے،لیکن ابو عمر کہتے ہیں کہ اس حدیث کا اسناد ناقابلِ اعتماد ہے۔ ۔۔۔

جثامہ مزتیہ،عمر بن محمد بن طبرزد نے ابن البناء سے انہوں نے ابو محمد جوہری سے انہوں نے ابوبکر بن مالک سے انہوں نے محمد بن یونس سے،انہوں نے ابو عاصم سے،انہوں نے صالح بن رستم سے،انہوں نے ابن ابی ملیکہ سے انہوں نے جناب عائشہ سے روایٔت کی،کہ ایک بڑھیا حضورِ اکرم صلی اللہ علیہ وآلہٖ وسلم سے ملنے آئی،پوچھا تم کون ہو؟ اس نے کہا جثامہ،آپ نے فرمایا جثامہ نہیں،بلکہ حضانہ،پھر فرمایا،کہو ،تم لوگوں کا کیا حال ہے ،ہمارے بعد تم پر کیا بیتی،اس نےجواب دیا،خیریت ہی رہی یا رسول اللہ۔ جب وہ عورت چلی گئی،تو حضرت عائشہ صدیقہ رضی اللہ عنہا نے عرض کیا ،یا رسول اللہ!آپ اس عورت سے بڑی مہربانی سے پیش آئے،فرمایا،یہ بڑھیا بزمانہ خدیجہ ہم سے ملنےآیا کرتی تھی،اور عہد کی پاسداری ایمان کی شرط ہے۔ ایک روایت کے مطابق آپ نے اس عورت سے حضانہ کی بجائے حسانہ فرمایا تھا،ابو موسیٰ نے ذکر کیا۔۔۔

ان کا ذکر کیا ہے۔مندوس دختر خلاد بن سوید ثعلبہ انصاریہ،خزرجیہ،بقولِ ابن حبیب انہوں نے حضورِ اکر م سے بیعت کی۔ مندوس دخترِعمرو بن لوذان بن عبدود انصاریہ ہمشیرۂ منذر بن عمرو اور مسلمہ بن مخلد کی والدہ،بقولِ ابنِ حبیب انہوں نے حضور ِ اکرم صلی اللہ علیہ وسلم کی بیعت کی۔ ۔۔۔

جذامہ دخترِ حارث،ہمشیرہ حلیمہ جو حضورِ اکرم صلی اللہ علیہ وآلہٖ وسلم کی رضاعی ماں تھیں،ہم حلیمہ ترجمے میں ان کا نسب بیان کریں گے،شیما ان کا لقب نہیں تھا،کیونکہ شیما حضور کی رضاعی بہن تھیں نہ کہ خالہ۔ ۔۔۔