ابوالحازم انصاری جو بنو بیاضہ کی مولیٰ تھے،ابوموسیٰ نے اذناً حسن بن احمد سے،انہوں نے احمد بن عبداللہ سے،انہوں نے ابوعمرو بن ہمدان سے،انہوں نے حسن بن سفیان سے،انہوں نے احمد بن عبدہ سے،انہوں نے حسن بن صالح سے،انہوں نے ابوالاسود سے،انہوں نے اپنے چچا منصور بن ابوالاسود سے،انہوں نے اعمش سے،انہوں نے شمر بن عطیہ سے،انہوں نےابوحازم سے روایت کی، کہ حضور اکرم بدر کے دن سائے میں بیٹھے تھے،اور صحابہ دھوپ میں لڑرہے تھے،جبریل علیہ السّلام نازل ہوئے،یارسول اللہ!آپ سائے میں بیٹھے ہیں،اور صحابہ دھوپ میں لڑرہے ہیں،حضورِ اکرم نے سُنا،تو آپ بھی دھوپ میں بیٹھ گئے،ابونعیم اور موسیٰ نے ان کا ذکرکیا ہے۔ ۔۔۔

ابوالحویرث عبدالرحمٰن بن معاویہ مدنی،بنوجہنیہ کےایک آدمی سےمروی ہے،رسولِ اکرم نے فرمایا،جس نے اپنےکسی یتیم کویاکسی اجنبی یتیم کواپنے خاندان میں شامل کرلیا،اوراس کے ساتھ اچھا سلوک کیااوراس کی بہتری میں کوشاں رہا،اس کی مثال مجاہد فی سبیل اللہ،قائم اللیل اور صائم الدہر کی سی ہوگی،ابونعیم نےذکرکیاہے۔ ۔۔۔

ابوسُلمی حضورِاکرم صلی اللہ علیہ وسلم کے چرواہے تھے،اوران کا نام حریث کوفی یا شامی تھا،ان سے ابوسلام اسود اورابومعمر عبادبن عبدالصمد نے روایت کی۔ فتیان بن محمد بن سودان نے ابونصراحمدبن محمدبن عبدالقاہر طوسی سے،انہوں نے حسین بن نقور سے،انہوں نے ابوالقاسم عیسیٰ بن علی بن جراح سے،انہوں نے ابوالقاسم البغوی سے،انہوں نے ابوکامل حجدری سے،انہوں نےعباد بن عبدالصمد سے،انہوں نے ابوسلمی سے روایت کی، حضورِاکرم نے فرمایا،جوشخص اللہ سے ایسی حالت میں ملے کہ خداکی وحدانیت،میری رسالت کا قائل ہواورقیامت اور حساب کتاب پر ایمان رکھتاہو،وہ ضرور جنّت میں داخل ہوگا،میں نے کہا،کیا آپ نے حضورِاکرم سے یہ بات سنی ہے،انہوں نے دونوں کانوں میں انگلیاں ڈال لیں اور کہا،کہ میں نے ان کانوں سے بارہایہ بات سنی ہے۔ فضل بن حسین نے عباد بن عبدالصمد سے۔۔۔

ابوسروعہ عقبہ بن حارث رضی اللہ عنہ ابوسروعہ عقبہ بن حارث بن نوفل بن عبدمناف بن قصیٰ قرشی،نوفلی،حجازی،انہیں صحبت ملی،ان سے عبید بن ابومریم اور ابن ابی ملیکہ نے روایت کی،حسب روایت محدثین ہم نے انہیں عقبہ کے ترجمے میں ذکرکیاہے،مگرعلمائے انساب زبیراور ان کا چچامصعب اورعدوی کہتے ہیں،کہ ابوسروعہ بن حارث،عقبہ بن حارث کے بھائی تھے،نیزانہوں نے لکھاہےکہ ابوسروعہ فتح مکہ کے سال ایمان لائے تھے،ابوعمر نے ان کا ذکرکیاہے۔ ۔۔۔

ابوتحیا انصاری،جناب سمرہ کی حدیث میں ان کا ذکر آیا ہے،ثعلبہ نے عباد سے روایت کی کہ سمرہ بن جندب نے خطبہ دیا،اورکہا،کہ انہوں نے رسولِ اکرم صلی اللہ علیہ وسلم کو یہ فرماتے سُنا،کہ قیامت اس وقت تک نہیں آئے گی،جب تک تیس۳۰جھوٹے جن کاآخری آدمی کانادجال ہوگا،نہ آچکے ہوں گے،دجال کی بائیں آنکھ کانی ہوگی،بالکل ابوتحیا کی آنکھ کی طرح،ابنِ مندہ اور ابونعیم نے ذکر کیا ہے۔ ۔۔۔