ابورمثہ تیمی،وہ تیم بن عبدمناہ بن ادسے تھے،جو تیم الرباب کہلاتے تھے،ایک روایت میں تیمی ازامراء القیس ابن زید مناہ بن تمیم مذکورہے۔ ابواحمد عبدالوہاب بن ابومنصور نے باسنادہ ابوداؤدسے،انہوں نے ابن بشار سے،انہوں نے عبدالرحمٰن سے ،انہوں نے سفیان سے،انہوں نے زیادبن لقیط سے،انہوں نے ابورمثہ سے روایت کی ،کہ میں اور میرے والد حضورِاکرم کی خدمت میں حاضر ہوئے،آپ نے ایک شخص سے جس کا بیٹا بھی وہاں تھا،پوچھا یہ کون ہے،اس نے جواب دیا،یارسول اللہ یہ میرابیٹا ہے آپ نے فرمایا،تواس سے زیادتی نہ کر،تاکہ یہ تجھ سے زیادتی نہ کرے،اورآپ نے ریش مبار ک پر مہندی لگائی ہوئی تھی۔ ابورمثہ کے نام کے بارے میں کافی اختلاف ہے،ایک روایت میں حبیب بن حبان ایک میں حبان بن وہب ایک میں رفاعہ بن یثربی،ایک میں عمارہ بن یثربی بن عوف اور ایک میں خشخاش ہے،یہ ابوعمرکا۔۔۔

ابوروح الکلاعی،ابن قانع نے ان کا ذکر کیا ہے،عبدالوہاب بن ابی حبہ نے باسنادہ عبداللہ بن احمد سے، انہوں نے اپنے والد سے ،انہوں نے اسحاق بن یوسف سے،انہوں نے شریک سے،انہوں نے عبدالمک بن عمیر سے،انہوں نے ابوروح الکلاعی سے روایت کی،ہمیں حضورِاکرم صلی اللہ علیہ وسلم نے نمازپڑھائی،اور سورۂ رُوم کی قراءت فرمائی او ر اس میں حضورِاکرم سے کچھ غلطی ہوگئی، بعد از نماز فرمایاکہ شیطان نے قراءتِ قرآن میں مجھ سے غلطی کرادی ہے،ان لوگوں کی وجہ سے جو بغیر از وضو نمازاداکرتے ہیں،اس لئے تم اچھی طرح وضوکیا کرو۔ ۔۔۔

ابوفاطمہ ایادی،محمد بن ابوبکر مدینی نے (جس کی انہیں اجازت دی گئی)ابوسہیل قتیبہ بن احمدبن عبدالرحمٰن کسانی سے،انہوں نے شجاع بن علی سے،انہوں نے عمربن عبدالوہاب سے،انہوں نے ابوسعید نسانی محمدبن یونس سے،انہوں نے ابوالعباس محمد بن محمد بن سعید بن بالویہ سے،انہوں نے عثمان بن سعیدالدارمی سے،انہوں نے محمد بن بکارسے،انہوں نے عنبہ بن عبدالرحمٰن سے،انہوں نے ابوعمران الجونی سے،انہوں نے ابوفاطمہ ایادی سے روایت کی،کہ حضورِاکرم صلی اللہ علیہ وسلم نے فرمایا،کہ اس شخص کاحکیم نہ کہو کہ جو ایک ایسے شخص کے ساتھ جس سے بچاؤ کی کوئی صورت نہ ہو،حسن سلوک سے پیش نہ آئے تاآنکہ اللہ تعالیٰ اس کی نجات کی کوئی صورت پیداکردے، ابو موسیٰ نے ذکرکیاہے۔ ۔۔۔

ابورزین،غیرمنسوب ہیں،اہلِ صفہ میں شامل ہیں،ابوسلمہ بن عبدالرحمٰن بن عوف نے اپنے والد سے روایت کی کہ رسولِ اکرم صلی اللہ علیہ وسلم نے اصحاب صفہ میں سے ابورزین سے فرمایا،اے ابورزین جب تو تنہا،توزبان سے اللہ کا ذکرکئے جا،کیونکہ جب تک تو اللہ کا ذکر کرتا رہے گا،اسے تیری نمازکہاجائے گا،اگرتوجلوت میں ہوگاتونمازجلوت شمارہوگی،اوراگرخلوت میں ہوا، تو نمازِ خلوت،اسے ابن دباغ نے غسانی سے ابوعمر پر استدراک کیا ہے۔ ۔۔۔

ابوسعاد،حمص میں مقیم ہوگئے تھے،جریربن عثمان نے ابوعوف سے روایت کی،کہ ابوالدردا ابوسعاد کے پاس سے گزرے،وہ کہہ رہے تھے،سبحان اللہ!نہ توہم کچھ بیچتے ہیں اور نہ کچھ خریدتے ہیں،ابوالدرداءنے کہا جو شخص دنیا میں احمق ہے ،وہ آخرت کو بھی ڈبوتاہے۔ ابن ِماکولاکے مطابق ابوسعاد کا نام جابربن اسامہ جہنی تھا،ابوعمر،ابوموسیٰ اور ابونعیم نے ان کا ذکر کیاہے۔ ۔۔۔