ابوکبیرہذلی رضی اللہ عنہ شاعر:ابویقظان سے مروی ہے،کہ ابوکبیراسلام قبول کرکے آپ صلی اللہ علیہ وسلم کی خدمت میں حاضرہوئے،اورگزارش کی کہ انہیں زناکی اجازت دی جائے،فرمایا،کیاتم دوسروں کو اپنے اہل خانہ کے ساتھ اس کی اجازت دوگے،کہا نہیں،فرمایا،جوچیزتم دوسروں کے لیے جائز خیال کرتے ہواپنے لیے کیوں درست نہیں سمجھتے،اس پر حسان بن ثابت نے ذیل کے دواشعار کہے۔ ۱۔سالت ھذیل رسول اللہ فاحشتہ ضلت ھذیل بماسالت ولم تصب (ترجمہ)بنوہذیل نے رسول کریم صلی اللہ علیہ وسلم سے بدکاری کی درخواست کی،مگربنوہذیل نے جو درخواست کی،اس میں وہ بھٹک گئےاورراستی سے دورجاپڑے۔ ۲۔سألوانبیھم مالیس معطیم حتی الممات و کانواعرۃ العرب (ترجمہ)انہوں نے اپنے نبی سےایسی چیزکی اجازت مانگی،جوآپ صلی اللہ علیہ وسلم انہیں زندگی بھر نہیں دے سکتے تھےاوریہ لوگ عرب کے لیے باعثِ۔۔۔

ابوکبشہ رضی اللہ عنہ مولیٰ رسول اللہ صلی اللہ علیہ وسلم،تمام غزوات میں شامل رہے،ابوجعفرنے باسنادہ یونس سے،انہوں نے ابن اسحاق سے بہ سلسلہ شرکائے غزوۂ بدرازبنوہاشم ابوکبشہ مولیٰ رسول اللہ صلی اللہ علیہ وسلم کا ذکرکیاگیاہے،نیزموسیٰ بن عقبہ نےانہیں بدریوں میں شمارکیاہے، ابنِ ہشام کے مطابق وہ اہلِ فارس سے تھے،ان کے علاوہ بعض اورلوگوں کا خیال ہے،کہ وہ دوس کے باشندے تھے،ایک روایت کے مطابق ان کا مولد مکہ تھا،آپ صلی اللہ علیہ وسلم نے انہیں خرید کرآزادکردیاتھا،بقول ابوعمران کا نا م سلیم تھا،ان کی وفات تیرہ سال ہجری میں اس دن ہوئی،جس دن حضرت عمررضی اللہ عنہ خلیفہ ہوئے،ایک روایت کی رُوسےان کی وفات تیرہویں سال ہجری میں بہ خلافت عمررضی اللہ عنہ اس دن ہوئی جس دن عمروبن زبیرپیداہوئے،ہم سلیم کے ترجمے میں پیشترازیں بیان کرآئے ہیں،تینوں نے ذکرکیاہے۔ ۔۔۔

ابوکلیب الجہنی رضی اللہ عنہ:ان کی اولادان کی حدیث کی راوی ہے،یہ حجازی شمارہوتے ہیں،واقدی نے محمد بن مسلم سے،انہوں نے عثیم بن کلیب الجہنی سے،انہوں نے اپنے والدسے،انہوں نے داداسےروایت کی،انہوں نے حضورِاکرم صلی اللہ علیہ وسلم کوغروبِ آفتاب کے بعدعرفہ سے نکلتے دیکھا،آپ صلی اللہ علیہ وسلم کا مقصدمزدلفہ میں جلتی آگ تک پہنچناتھا،چنانچہ آپ اس کے بائیں طرف اُترے،ابونعیم اورابوموسیٰ نے ذکرکیاہے،ابوموسیٰ کہتے ہیں،ابونعیم نے بھی ان کا ذکراسی طرح کیاہے،جیساکہ اس اسناد میں مذکورہے،حالانکہ راوی عثیم بن کثیربن کلیب ہے نہ کہ ان کے والد،ابوعمرنے بھی مختصراًان کاذکرکیاہے،اورلکھاہےکہ بعض لوگوں نے انہیں صحابی لکھاہے، لیکن میں ان سے ناواقف ہوں۔ ۔۔۔

ابوکثیر رضی اللہ عنہ،بنوتمیم الداری کے آزادکردہ غلام تھے،ابوبشردولابی نے ابن اسحاق بن سوید الرملی سے،انہوں نے عبیداللہ بن عبدالملک بن ابی کثیرسے روایت کی ،کہ انہوں نے سوبرس زندگی پائی تھی،وہ کہتے ہیں کہ انہوں نے تمام بن وہب یسح بن اصبح داریین سے سنا،ان دونوں نے عبدالملک بن ابی کثیرسے،جوتمیم الداری کے مولیٰ تھے،انہوں نے ابن کثیرسے سُنا،کہ وہ بنوتمیم کے ساتھ حضور صلی اللہ علیہ وسلم کی خدمت میں حاضرہوئےاورمیں لڑکاتھا،پھرانہوں نے حدیث بیان کی،ابن مندہ اورابونعیم نے ان کا ذکرکیاہے۔ ۔۔۔

ابوخالد الحارث بن قیس بن خالد(ایک روایت میں خلدہ ہے)بن مخلد بن عامر بن زریق الانصاری زرقی،بیعت عقبہ کے علاوہ تمام غزوات میں حضورِ اکرم کے ساتھ شریک رہے۔ عبیداللہ بن احمد نے باسنادہ یونس سے ،انہوں نے ابن اسحاق سے،بہ سلسلۂ شرکائے عقبہ از انصار اور بنوزریق حارث بن قیس بن خالد بن مخلدسےاوراسی اسنادسے ازابن اسحاق دربارۂ شہدائے بدر ابو خالد کا نام جوحارث بن قیس بن خالد بن مخلد ہیں،مذکور ہے،بعدہٗ ابوخالد،خالد بن ولید کے معرکۂ یمامہ میں شامل تھے،اس جنگ میں ابوخالد زخمی ہوگئے تھے،بعد میں زخم مندمل ہوگیاتھا،مگر حضرت عمر کے دَورِ خلافت میں زخم پھر کھل گیا،جس سے ان کی موت واقع ہوگئی،اسی وجہ سے انہیں شہدائے جنگ یمامہ شمارکیا جاتا ہے،ابوعمر نے ان کا ذکر کیا ہے۔ ۔۔۔