ابوملیکہ ذماری،انہیں صحبت ملی،ان سے ان کے بیٹے اورراشد بن سعدنے روایت کی شامی شمارہوتے ہیں،۔ معاویہ بن صالح نے راشد بن سعد سے انہوں نے ابوملیکہ سے روایت کی،کہ حضورِ اکرم نے فرمایا، کہ کسی بندے کاایمان اس وقت تک مکمل نہیں ہوتا،جب تک وہ اپنے بھائی کے لئے وہی کچھ پسند نہ کرے،جووہ اپنےلئے پسند کرتاہے،اورجب تک وہ اللہ سے بحالتِ مزاح سے اسی طرح نہ ڈرے جیسا کہ وہ بحالتِ سنجیدگی سے ڈرتاہے،تینوں نے ان کا ذکرکیاہے۔ ۔۔۔

عبدالرحمٰن بن ابی لیلیٰ نےایک صحابی سے،شریک وغیرہ نےیزیدبن ابی زیادسے،انہوں نے ابن ابی لیلیٰ سےروایت کہ،کہ جنگ صفین کے موقعہ پرایک شامی نےباآواز بلندکہا،کیاتم میں اویس قرنی موجودہیں،ہم نےجواب دیا،ہاں موجودہیں،لیکن تم کیوں پوچھ رہےہو،اس نےکہا،اس لئے کہ رسولِ اکرم صلی اللہ علیہ وسلم نےفرمایاتھا،کہ اویس بوجہ وصف احسان وحسن سلوک خیرالتابعین ہے،اس پر وہ حضرت علی کےساتھ اندرداخل ہوئے،دونوں نےذکرکیاہے۔ یہ سب تراجم عبدالرحمٰن نےایک صحابی سےبیان کئے ہیں،لیکن میں نہیں کہ سکتا کہ یہ ایک ہی صحابی ہےیاصحابیوں کیایک جماعت ہے،جن سے ابن ابی لیلیٰ یہ تمام تراجم روایت کئے ہیں، (لیکن ابنِ اثیرکہتےہیں)ہم نےیہ سب تراجم اس لئے لکھ دیئے ہیں کہ باقی اہلِ علم نےبھی ان کاذکرکیاہے۔ ۔۔۔

عبدالرحمٰن بن ابی لیلیٰ ایک صحابی سے،عبدالوہاب بن علی بن سکینۃ الامین نےباسنادہ ابوداؤد سے، انہوں نےاحمدبن حنبل سے،انہوں نے عبدالرحمٰن بن مہدی سے،انہوں نے سفیان سے،انہوں نےعبدالرحمٰن بن عابس سے،انہوں نےعبدالرحمٰن بن ابولیلیٰ سے،انہوں نےایک صحابی سے روایت کی کہ حضورِ اکرم نےروزےدارکوفصدسےمنع فرمایا،اوراسی طرح وصال سے(یعنی چوبیس گھنٹےکاروزے)سےمنع فرمایا،لیکن اپنے اصحاب پرشفقت اورمہربانی کے لئے ایساکیا،اسے ناجائز نہیں فرمایا،صحابہ نےگزارش کی،یارسول اللہ،آپ توایساکرتےہیں فرمایامیرارب مجھےکھلاتاپلاتا ہے،دونوں نےذکرکیاہے۔ ۔۔۔

عبدالرحمٰن ابولیلیٰ نےحضوراکرم کےایک صحابی سے،ابویاسرنےباسنادہ عبداللہ سے،انہوں نے اپنے والدسے،انہوں نےمحمدبن جعفرسے،انہوں نےشعبہ سے،انہوں نے حکم سے،انہوں نے عبدالرحمٰن بن ابی لیلیٰ سے،انہوں نے ایک صحابی سےروایت کی،کہ حضوراکرم نےفرمایا،جلَب (بیچنےکےلئےسامان دیہات میں لےجانا)اوربیع حاضرایک بادیہ نشین کےلئےسازگارنہیں، انہی سےمروی ہےکہ رسولِ کریم نے غورہء تمر،تمرمنقی اورثمرسےمنع فرمایادونوں نےذکرکیاہے۔ ۔۔۔

عبداللہ بن بریدہ اسلمی ایک صحابی سے،عبداللہ بن مبارک نے کہمس بن حسن سے،انہوں نے عبداللہ بن بریدہ سے،انہوں نےایک صحابی سےروایت کی کہ رسولِ اکرم نےہمیں حکم دیا،کہ ہم کبھی کبھی موچھیں کٹوایاکریں اورسر میں تیل لگانےاوربالوں کوکھلاچھوڑدینےسےمنع فرمایا، ابن مندہ نے ذکرکیاہے۔ ۔۔۔