طفیلِ سرورِ عالَم ہُوا سارا جہاں پیدا زمین و آسماں پیدا، مکین پیدا، مکاں پیدا نہ ہوتا گر فروغِ نورِ پاکِ رحمتِ عالَم نہ ہوتی خلقتِ آدمِ نہ گلزارِ جناں پیدا شہِ لَوْلَاک کے باعث، حبیبِ پاک کے باعث جنابِ حق تعالٰی نے کیا کون و مکاں پیدا ظہورِ ذاتِ اکرم سے فیوضِ خیر مقدم سے نسیمِ بوستاں پیدا، بہارِ گلستاں پیدا رسول اللہﷺ کی خاطر کیے جن و مَلک حاضر بنایا ماہ ِ انجم کو کیے ہیں بحرو کاں پیدا جمالِ حُسن میں رعنا، کمالِ خلقِ میں یکتا کوئی پیدا ہوا ایسا، نہ ہوئے گا یہاں پیدا اُنھیں کے واسطے آدم، اُنھیں کے واسطے حوّا اُنھیں کے واسطے، کاؔفی! کیے ہیں اِنس و جاں پیدا ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
خاتم الانبیا ہوئے پیدا مجتبیٰ، مصطفیٰ ہوئے پیدا صبحِ میلاد میں یہ شُہرہ تھا آج خیرا لورا ہوئے پیدا اہلِ دیں گرم تہنیت تھے بہم دین کے رہ نما ہوئے پیدا لعل لب پر دعائے اُمّت تھی جب حبیبِ خدا ہوئے پیدا کیوں نہ ہوجائے بخششِ اُمّت وہ مجیب الدعا ہوئے پیدا ظلمتِ کفر و جہل دور ہوئی ایسے شَمْسُ الضُّحٰی ہوئے پیدا پیر کے روز صبحِ دم، کاؔفی! آپ صَلِّ عَلٰی ہوئے پیدا ۔۔۔۔۔۔۔۔۔۔۔(دیوانِ کافؔی) ۔۔۔
مزید
ہو ئے حضرت محمد مصطفیٰ ﷺ صَلِّ عَلٰی پیدا ہوئے حضرت رسول اللہ احمد مجتبیٰ پیدا جنابِ سیّدِ سادات با صد جلوۂ رحمت ہوئے با عظمت و اَخلاق با شان عطا پیدا کیا پہلے تو سجدہ پھر دُعائے بخششِ امّتہوئے جب صاحبِ لَوْلَاکَ محبوب ِ خدا پیدا تمامی بحر و بر روشن کیے نورِ تجلی سے ہوئے ایسے حبیبِ کبریا بَدْرُ الدُّجٰی پیدا شبِ میلاد میں اُس اِفتحارِ آفرینش کے مبارک باد کا شہرہ سبھی عالم میں تھا پیدا ہوئے وہ خیر مقدم جلوہ فرما باغِ امکاں میں کیے اللہ نے جن کے لیے ارض و سما پیدا کیا مشرق سے مغرب تک دیارِ آب وگِل روشن ہوئے وہ خاتمِ پیغمبراں خیرا لورا پیدا جنابِ صاحبِ لَوْلَاک کی مانند، اے کاؔفی! نہیں کوئی ہوا پیدا، نہیں کوئی ہوا پیدا ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
جنابِ فخرِ عالم سیّدِ سرور ہوئے پیدا شفیعِ درد منداں، شافعِ محشر ہوئے پیدا بجھانے کے لیے لب تشنگانِ روزِ محشر کے سحابِ رحمتِ حق صاحبِ کوثر ہوئے پیدا تولّد وہ ہوئے جن کے سبب سے باغِ امکاں میں ملک، حور و پری جِنّ و بشر، یک سر ہوئے پیدا ہوئے وہ شاہ پیدا کہ جن کے خیر مقدم سے یہ ہنگامِ تولّد معجزے اکثر ہوئے پیدا بسر تاجِ فَاَوْحٰی اور بدل اَسرارِ مَآ اَوْحٰی حبیبِ راز دارِ خالقِ اکبر ہُوئے پیدا شبِ میلاد و ختم المرسلیں ہے نور کے جلوے کنارے شرق سے مغرب تلک گہ گہ ہوئے پیدا خطابِ ’’خیرِ اُمّت‘‘ جس کے صدقے سے ملا، کافؔی! زہے قسمت! ہمارے ایسے پیغمبر ہوئے پیدا ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
واہ کیا جلوۂ اعجاز تھا آنا جانا شبِ اِسرا میں عجب ناز تھا جانا آنا دیکھ اُس جلوۂ رفتار کو حیراں تھے مَلک حیرت ِ دیدۂ پرواز تھا جانا آنا عرشِ اکبر پہ گئے دور کروڑوں منزل کیا ہی ممتاز سر افراز تھا جانا آنا ساعتِ چند میں دیکھو تو کہاں تک پہنچے حق کے محبوب کا اِک ناز تھا جانا آنا ایسی معراج بھلا کس کو ملی ہے، کافؔی! دل رُبایانہ اک انداز تھا جانا آنا ۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
سر کے بل چاہیے، اے اہلِ ولا یاں آنا الفتِ رحمتِ عالم میں ذرا یاں آنا محفلِ موردِ سلطانِ رسالت ہے یہ عین آداب سے با صدق و صفا یاں آنا ہے ادب کو تو یہاں دخل نہیں یار نہیں عطرِ آداب سے پوشاک بسا یاں آنا قدر اُس محفلِ اَقدس کی کوئی کیا جانے حضرتِ آدم و حَوّا کا ہوا یاں آنا عرش سے فرش تک اللہ رے ہجومِ ملکوت اور جبریل کا وہ مژدہ رسا یاں آنا حور فردوس کی کہتی تھی زہے بختِ سعید ہم کنیزوں کا عجب فخر ہوا یاں آنا آسیہ، ہاجرہ و مریم و سارا، حَوّا تہنیت گو تھیں بہم اپنا ہوا یاں آنا محفلِ فرحتِ میلادِ نبی صَلِّ عَلٰی ہو نصیب اپنے تئیں صبح و مسا یاں آنا گُلِ فردوس کی تیار حمایل کر کے رکھ سبد سر پہ گروہ حورا یاں آنا شہِ لَوْلَاک کے میلاد کی محفل سے آج عندلیبانِ حباں نغمہ سرا یاں آنا شرفِ محفلِ م۔۔۔
مزید
آنکھوں میں تصور ہے مدینے کی زمیں کا پھولا ہے چمن پیشِ نظر خلدِ بریں کا بیمار شفا پاتے ہیں اُس خاکِ شفا سے بیمار ہوں اُس پاک مدینے کی زمیں کا یوسف کی شباہت سے ہوئی الفتِ یعقوب اللہ رے عاشق تِرے حُسنِ نمکیں کا اے صَلِّ عَلٰی دو شپہ گیسوئے معنبر غیرت سے دہن بند ہے جہاں نافہ چیں کا ہے پیشِ نظر یہ جو فروغِ مہِ کامل دریوزہ گر نور ہے اُس صاف جبیں کا کیا وصف کروں صاحبِ کوثر کی عطا کا آیا ہی نہیں لب پہ کہیں حرف نہیں کا پہنچا جو کوئی کوچۂ محبوبِ خدا میں گویا کہ مجاور ہوا فردوسِ بریں کا امّید ہے اُس دم کرمِ شاہ ِ اُمم سے کافؔی کو بہت ڈر ہے دمِ باز پسیں کا ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
چمن خُلدِ بریں کا عکس ہے روئے محمدﷺ کا لقب ہے جنّت الماوا سیر کوئے محمدﷺ کا چھپے خورشید کو مغرب سے لائے کھینچ کر باہرفلک پر شور ہے اعجاز قابوئے محمدﷺ کا لوائے حمد جب لے کر صفِ محشر میں آئیں گے کھلے گا حال اُس دن زورِ بازوئے محمدﷺ کا قیامت کے سرِ پل سے، وہ اِک تیغِ بُرّاں ہے، گزر جاؤں گا لے کر نام ابروئے محمدﷺ کا ہنگامِ غیور اُس کے ہے اک اک بال سے نازک خطر کیا ہے و سیلہ جب کیا موئے محمدﷺ کا صلے میں حق تعالیٰ سے اُمیدِ ہشت جنّت ہے لکھا ہے وصف میں نے چار گیسوئے محمدﷺ کا بچا لینا ابھی مجھ کو بد بوئے جہنّم سے کہ میں خود کردہ ہوں اوصافِ خوشبوئے محمدﷺ کا اگر خورشیدِ محشر کچھ مِرے سر پر چڑھا، کافؔی! تو کہہ دوں گا کہ میں مدّاح ہوں روئے محمدﷺ کا ۔۔۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
لکھوں کیا وصف میں شیرِ خدا کا علی اعلیٰ درِ خیبر کُشا کا زیادہ فکر و فہم و عقل سے ہے ثنائے ابنِ عمِّ مصطفیٰﷺ کا علی ہے پیشوا، ہادیّ و مولا تمامی امّتِ خیر الورا کا درِ حیدر کا جو کوئی گدا ہو نہ ہو محتاج وہ ظِلِّ ہُما کا کہیں کیوں کر نہ ہم ’’مولا‘‘ علی کو کہ ہے ارشاد ختم الانبیا کا شرف کحل الجواہر پر رکھے ہے یہ رتبہ ہے علی کی خاکِ پا کا تولّد وہ ہوئے کعبے کے اندر عجب رتبہ ہے شاہِ لافتا کا ہوا اُس سے منوّر قصرِ عرفاں وہ ہے سلطان ملکِ اولیا کا فضائل ھَلْ اَتٰی سے ہے ہُوَیْدا سزاوارِ خطابِ قُلْ کَفٰی کا یہ کافؔی تو گدائے خاکِ پا ہے جنابِ مستطابِ مرتضیٰ کا ۔۔۔۔۔۔۔۔۔۔۔(دیوانِ کافؔی)۔۔۔
مزید
یہ گلستانِ تمامی ظہورِ کثرت کا خدائے پاک کی شمّہ ہے ایک صنعت کا ہر ایک سبزۂ نو خیز باغِ امکاں میں زبانِ حال سے شاہد ہے اس کی قدرت کا وہ ایسا صاحبِ اکبر ہے صاحبِ وسعت کہ ہے حباب ِ فلک جس کی بحرِ قدرت کا اُسی کے قہر سے جلتی ہے آتش ِ دوزخ اُسی کے مہر سے روشن ہے قصر جنّت کا خصوص ہم پہ کیا اس طرح کا ایک کرم کہ ہو ادا نہ کبھی شکر اُس عنایت کا بنایا اُمتی اپنے حبیب کا ہم کو دیا شرف شرفِ انبیا کی امّت کا وہ شاہِ کشورِ لَوْلَاک وہ حبیبِ خدا کہ جن کے فیض سے ہے تازہ باغ رحمت کا مہِ سپہر شرفِ ذاتِ مصطفائی ہے فروغِ عارضِ رحمت ہے نور حضرت کا ولادتِ شہِ خیر الورا کی برکت سے گریز کر گیا دنیا سے دن نحوست کا جہاں میں خیرِ سعادت کی دھوم دھام ہوئی ظہور کون و مکاں میں ہے اس بشارت کا نہ ہوئے کیوں کہ زم۔۔۔
مزید
اُس رُخِ پاک کا جس بزم میں چرچا ہوگا در و دیوار سے واں نور برستا ہوگا کیوں نہ ہو غیرتِ برگِ شجر طور زباں جب مِرے مُنھ میں تِرا وصفِ سراپا ہوگا حَبَّذَا صاف جبیں صَلِّ عَلٰی پیشانی شعلۂ طورِ خجل دیکھ یہ ماتھا ہوگا ماہِ نو عیدِ شفاعت کا چمک جائے گا جس طرف حشر میں ابرو کا اشارہ ہوگا پھر تصور درِ دنداں کا بندھا آنکھوں میں پھر درِ اشک مِرا گوہرِ یکتا ہوگا جو مدینے کے مکانوں کی کرے گا تعریف ہے یقین اُس کا مکاں جنّتِ ماوا ہوگا ہم کو اُمّیدِ قوی ہے کہ صفِ محشر میں تیرے مدّاحوں کا اِک رتبۂ اعلیٰ ہوگا اُس قدِ پاک کے سائے کا بند ھا ہے جو خیال اخترِ بخت عدم میں مِرا چمکا ہوگا حُسنِ محبوبِ خدا کا ہے یہ حُسنِ اعجاز حشر تک ایک جہاں والہ و شیدا ہو تیرا کوچہ ہے عجب گُلشنِ جاویدِ بہار خوش نصیب اُس کا کہ واں گ۔۔۔
مزید
جس کو خدا نے واصفِ خیرالورا کیا کیا کچھ عطا کیا جسے سب کچھ عطا کیا ایمانِ مومنین ہے حُبِّ محمدیﷺ کیا کہیے اُس کو جِس نے کہ ترکِ وِلا کیا ارواحِ مومنین ہے کامل اُسی کا نام جِس نے کہ جان و مال نبیﷺ پر فدا گیا خلّاقِ دو جہاں نے کلامِ قدیم میں رفعت کے ساتھ ذکرِ رسولِ خداﷺ کیا اور اس خدائے پاک نے ایمان و الوں کو حکمِ دُرودِ مصطفوی کو عطا کیا وہ بے نصیب رہ گیا ایوائے بے نصیب جِس نے متاعِ وصلِ نبی نا روا کیا کیا خوش نصیب ہوں گے جو دن رات ہر گھڑی اخبارِ حالِ مصطفوی کو سنا کیا جیتے جی اقامتِ جنّت اُسے ملی جس نے وطن مدینۂ حضرت میں جا کیا آلِ جناب ِ مصطفوی پر پڑھو دُرود اُن کو خدا نے خیر و شہِ انبیا کیا بھیجو دُرود زمرۂ اصحاب پر مدام اللہ نے ہمارا اُنھیں پیشوا کیا کافؔی! ہزار شکر کہ ربِّ کریم۔۔۔
مزید
خوش آمدید