عزہ دختر خابل الخزاعیہ،حضورِاکرم صلی اللہ علیہ وآلہٖ وسلم سے بیعت کی،یحییٰ بن محمد نے اجازۃً باسنادہ ابن ابو عاصم سے انہوں نے دحیم سے،انہوں نے ابن ابوفدیک سے،انہوں نے موسیٰ بن یعقوب سے،انہوں نے عطابن مسعود الکعبی سے،انہوں نے اپنی پھوپھی عزہ سے روایت کی،کہ وہ بیعت کے لئے حضورِاکرم کی خدمت میں حاضر ہوئیں،آپ نے ان امور میں بیعت لی،کہ نہ تو ہم چوری کااور زناکاارتکاب کریں گی،اور نہ کسی کو ظاہراً اور اخفاءً دکھ دیں گی،ایذائے ظاہری کو تومیں سمجھتی تھی،یعنی قتل ِاولاد،رہا ایذائے خفی،اس کے بارے میں نہ حضورِاکرم نے وضاحت فرمائی، اور نہ ہم نے دریافت کیا،یوں ازخود میرے دماغ میں خیال آیا کہ اس سے مراد اسقاط ہو سکتا ہے، لیکن نہ تو ہمارے یہاں کوئی ایسا واقعہ پیش آیا،اور نہ میری پھوپھی کے یہاں جب تک وہ زندہ رہی، اورافسادالولد سے مراد الغیل بھی ہے،یعنی بحالت حمل بچے کو دُددھ پل۔۔۔

بدیلہ دختر مسلم بن عمیرہ بن سلمی حارثیہ ،از انصار،انہیں حضور کی زیارت نصیب ہوئی،جعفر بن محمود بن محمد بن مسلمہ نے اپنی دادی بدیلہ سے روایت کی،کہ ہمارے یہاں بنو حارثہ کا ایک آدمی آیا،جس کا نام عباد بن بشر تھا، اس نے ہمیں بتایا،کہ تحویل ِ قبلہ کا حکم آگیا ہے، ان کی حدیث کو واقدی نے روایت کیا ہے، تینوں نے ان کا ذکر کیا ہے۔ ۔۔۔

بہیہ دختر عبداللہ البکریہ از بکر بن وائل،یہ خاتون اپنے والد کے ساتھ دربار رسالت میں حاضر ہوئیں،حضور صلی اللہ علیہ وسلم نے مردوں سے بیعت کی،اور مصافحہ کیا،لیکن خواتین سے صرف بیعت فرمائی،پھر آپ نے ان کی طرف دیکھا،دعا فرمائی،اور ان کے سر پر ہاتھ پھیرا،نیز ان کی اولاد کے لئے دعا فرمائی،چنانچہ ان کے ساٹھ اولادیں ہوئیں ، چالیس مرد تھے اور بیس عورتیں،ان میں سے بیس شہید ہوئے تھے،تینوں نے ذکر کیا ہے۔ ۔۔۔

بجینہ دختر حارث یعنی ارت بن مطلب،عبداللہ بن بجینہ کی والدہ تھیں اور عبداللہ کے والد کا نام مالک تھا،اور حضور صلی اللہ علیہ وآلہٖ وسلم نے خراج خیبر سے انہیں حصہ دیا تھا۔ ابو جعفر نے باسناد ہ یونس سے ،انہوں نے ابن اسحاق سے دربارۂ تقسیم غنیمتِ خیبر روایت کیا،کہ حضورِ اکرم نے تیس وسق عطا فرمائے تھے، ابو موسیٰ نے ان کا ذکر کیا ہے۔ ۔۔۔

برہ دختر عامر بن حارث بن سباق بن عبدالدار بن قصی قرشیہ عبدریہ،ابو اسرائیل کی بیوی تھیں،جو بنو حارث سے تھے،یہ وہی صاحب ہیں، جن کے قصّے میں حدیث فی النذر مذکور ہے،اور جن کے یہاں اسرائیل نامی ایک بچہ پیدا ہوا تھا،ابو اسرائیل جنگ جمل میں مارےگئے تھے،برہ نے ہجرت کی تھی،ابو عمر نے ذکر کیا ہے۔ ۔۔۔