جدعدی بن ثابت رضی اللہ عنہ،یحییٰ بن ابوالرجاء نے ابن ابی عاصم سے،انہوں نے ابوبکرسے، انہوں نے شریک سے،انہوں نے ابویقظان سے،انہوں نے عدی بن ثابت سے،انہوں نے والدسے،انہوں نے داداسے،انہوں نے رسول اکرم صلی اللہ علیہ وسلم سے روایت کی کہ مستحاضہ صرف ایام حیض کے دوران نمازچھوڑسکتی ہے،ان ایام کے بعدوہ غسل کرے گی اورپھرہرنمازکے لیے وضوکرے گی اورنمازاداکرےگی،اورروزے رکھےگی۔ ۔۔۔

جداسماعیل انصاری،امام بخاری نے انہیں ابن ابراہیم لکھاہے،مگران کے داداکانام معلوم نہیں ہوسکااورنہ ان کی حدیث ثابت ہوسکی ہے۔ ابوموسیٰ نےاذناً ہمارے استاد ابوالقاسم اسماعیل بن محمد بن فضل سے،انہوں نے اپنے والدسے، انہوں نےابوداؤد سے،انہوں نے محمدبن ابوحمیدسے،انہوں نے اسماعیل انصاری سے،انہوں نے عمروبن علی سے،انہوں نے ابوداؤدسے،انہوں نے محمدبن ابوحمیدسے،انہوں نے اسماعیل انصاری سے،انہوں نے اپنے والدسے،انہوں نےداداسےروایت کی،کہاایک شخص آپ صلی اللہ علیہ وسلم کی خدمت میں حاضرہوا،اورگزارش کی ،یارسول اللہ،مجھے نصیحت فرمائیےمگراختصارسے،فرمایا،جو چیزدوسروں کے ہاتھ میں ہو،اس سے قطع تعلق کرلے،لالچ سے بچ کررہ،کہ یہ دائمی فقر ہےاور جب ادائے نماز کرےتوسکون اوراطمینان سے کراوراس کام سے بچ،جس سے بعد میں پشیمانی ہو، ابوموسیٰ نے ذکرکیاہے۔ ۔۔۔

جدمسمع الجمعی،ابن شاہین نے ان کاذکرکیاہے،علاء بن اخضرالرام عجلی نے بنوحجیہ کے ایک شخص سےجس کانام مسمع تھا،اس نے اپنے والدسے،اس نے داداسے روایت کی کہ انہوں نےحضوراکرم صلی اللہ علیہ وسلم کوکعبے میں ساریہ کے پاس دورکعت پڑھتےدیکھا،آپ صلی اللہ علیہ وسلم نےشیخ کو فرمایا،تم بھی دورکعت نمازاداکرلو،ابوموسیٰ نے بیان کیاہے۔ ۔۔۔

جدطلحہ بن مصرف رضی اللہ عنہ،ابواحمدعبدالوہاب بن علی نے باسنادہ تاابوداؤد،محمد بن عیسیٰ اورمسدد سے،انہوں نے عبدالوارث سے،انہوں نے لیث سے،انہوں نے طلحہ بن مصرف سے، انہوں نے والدسے،انہوں نے داداسے روایت کی،کہ میں نے رسول کریم صلی اللہ علیہ وسلم کو دیکھا،کہ وہ اپنے سرپرباربارمسح فرمارہے تھے،تاآنکہ آپ صلی اللہ علیہ وسلم نے دونوں ہاتھ، دونوں کانوں کے نیچے سے نکالےمسددکہتے ہیں،کہ انہوں نے اس کا ذکریحییٰ سے کیا،توانہوں نے انکارکردیا،ابوداؤدکہتے ہیں انہوں نے امام احمد کوکہتے سنا،کہ یہ ابن عینیہ ہے،جن کے بارے میں خیال ہےکہ انہوں نے ماننے سے انکارکردیانہ کہ طلحہ ازبدردادازجداد۔ ۔۔۔

جدعمروبن یحییٰ مازنی رضی اللہ عنہ،عمروبن یحییٰ مازنی کے والدسے،انہوں نے داداسےروایت کی کہ حضورِاکرم صلی اللہ علیہ وسلم ایک مجلس میں تشریف فرماتھے،ایک شخص اپنی جگہ سے اُٹھااوردوسرا آدمی اس کی جگہ بیٹھ گیا،تھوڑی دیرمیں وہ آدمی واپس آگیا،آپ صلی اللہ علیہ وسلم نے اس شخص کو جواس جگہ بیٹھ گیاتھا،فرمایا،کہ اس کی جگہ سے اُٹھ جاؤ،کیوں کہ ہرآدمی کاحق اس کی اپنی جگہ پر فائق ہے،ابواحمدعسکری نےان کاذکرکیاہے۔ ۔۔۔