ابوالقاسم حضوراکرم صلی اللہ علیہ وسلم سے روایت کی اوربکربن سوادہ نے ان سے روایت کی، ابوموسیٰ اورابوعمر نے ان کا ذکرکیاہے،ابوعمرکہتے ہیں،مجھے یہ علم نہیں،کہ یہ صاحب وہی ابوالقاسم ہیں،جوجناب زینب بن حجش کے آزادکردہ غلام تھے،یاان دونوں کے علاوہ کوئی اور آدمی تھے۔ ۔۔۔

ابوقتیلہ رضی اللہ عنہ:ان کی صحبت میں اختلاف ہے،حضرمی نے ان کا ذکرکیاہے،ابن ابوالعاصم نے انہیں صحابہ میں شمارکیاہے،ابوالفرج بن محمود نے کتابتہً باسنادہ قاضی ابوبکراحمدبن عمرو سے، انہوں نےعمروبن عثمان سے،انہوں نے بقیہ بن ولید سے،انہوں نے بحیربن سعد سے،انہوں نے خالد بن معدان سے،انہوں نےابوقتیلہ سےرواتی کی،کہ حضورِاکرم صلی اللہ علیہ وسلم نے حجتہ الوداع کے موقعہ پرفرمایا،اے لوگو!لپ نہ تومیرے بعد کوئی نبی آئے گااورنہ تمہارے بعد کوئی اور امّت ہی ہوگی اپنے رب کی عبادت کرو،پانچ نمازیں قائم کرو،زکوۃ دو،روزے رکھو،امیرکی اطاعت کرو،اوراپنے رب کی جنت میں داخل ہوجاؤ،ابوقیتلہ کے علاوہ اور بھی کئی آدمیوں نے اس کی روایت کی ہے،امام بخاری نے ابوقتیلہ سے بواسطہ،ابن حوالہ روایت کی ہے،ان سے خالد بن معدان نے روایت کی۔ ابوموسیٰ اورابونعیم نے ان کا ذکرکیاہے۔۔۔

ابوقطبہ رضی اللہ عنہ:ان کا نام یزیدبن عمروبن جدیدہ بن عمروبن سوادبن غنم بن کعب بن سلمہ انصاری،خزرجی سلمی تھا،قدیم الاسلام تھے،اورعقبہ اوربدرمیں شریک تھے،ابوجعفرنے باسنادہ یونس سے،انہوں نے ابواسحاق سے بہ سلسلہ شرکائےبیعت عقبہ ازبنوسوادبن کعب بن سلمہ وازیزیدبن عمرو بن حدیدہ ان کا ذکرکیاہے،اوران کا سلسلہ نسب جس طرح ہم نے بیان کیا ہے،اولاً ہشام بن کلبی نے لکھاہے۔ ۔۔۔

ابورہم انماری!ابوبکر بن ابوعلی نے ان کا ذکر کیا ہے،اور ابن ابوعاصم سے انہیں منسوب کیا ہے، خالد بن معدان نے ان سے روایت کی،کہ جب رسولِ اکرم صلی اللہ علیہ وسلم بستر پر استراحت فرماتے تو ذیل کے دعائیہ الفاظ دہراتے۔ "بِسمِ اللہِ وَضَعتُ جُنُبِی ،اَلّٰھُمَّ اغفِرلِی ذَنبِی وَاَخسَا شَیطَانِی،وَفکَ رَھَانِی وَثَقَلَ مَوَازِینِی،وَاجعَلنِی فِی الرَّفِیقِ الاَعلٰی" اللہ کے نام سے میں اپنا پہلو بستر پر ٹکاتاہوں، اے اللہ تومیرے گناہ معاف فرما،میرے شیطان کو ذلیل کر،اورمیری پابندی کو آزادی بخش، میرے وزن(نیکیوں)کوبھاری کر اور مجھے فریقِ اعلیٰ میں جگہ دے،ابوموسیٰ نے ان کا ذکر کیا ہے۔ ۔۔۔

ابورہم بن قیس الاشعری،ہم ان کانسب ان کے بھائی عبداللہ بن قیس کے ترجمے میں بیان کر آئے ہیں،جناب ابورہم نے اپنے بھائیوں ابوموسیٰ اورابوبردہ کے ساتھ حبشہ سے،جناب جعفر بن ابوطالب کے ساتھ مدینے کو اس وقت ہجرت کی کہ جب خیبر فتح ہوا،اور آپ نے انہیں مالِ غنیمت سے حصّہ عطافرمایا،ہم ابوموسیٰ اور ابوبردہ کے تراجم میں ان کا ذکر کرآئے ہیں،حضورِ اکرم نے اس موقعہ پر ان لوگوں سے فرمایاتھا،لوگوں نے ایک ہجرت کی ہے،اورتم نے دو،نجاشی کی طرف اور وہاں سے میری طرف۔ حسن بصری سے مروی ہے کہ ابوموسیٰ کا ایک بھائی تھا،جو حددرجہ شورش پسند تھا،اس کا نام ابورہم تھا،اور ابوموسیٰ اسے روکتے تھے،تینوں نے ان کاذکر کیا ہے۔ ۔۔۔