ابوسلیط انصاری مدنی،نام اسیرہ بن عمروبن قیس بن مالک بن عدی بن عامر بن غنم بن عدی بن نجار انصاری خررجی نجاری تھا،ان کی والدہ آمنہ دخترعجرہ،کعب بن عجرہ کی بہن تھی،بقول کلبی ان کانام سبرہ تھا،غزوۂ بدراوربعد کے غزوات میں موجودرہے،ابونعیم کے مطابق ان کا نام اسیرہ بن عمروتھا، اورایک روایت میں ابنِ مالک بن عدی بن عامربن غنم بن عدی ہے۔ یحییٰ بن محمود نے اذناً باسنادہ تاابوبکر بن ابوعاصم،ابوبکر بن ابوشیبہ سے،انہوں نے عبداللہ بن نمیر سے ،انہوں نے محمدبن اسحاق سے ،انہوں نے عبداللہ بن عمروبن ضمرہ فزاری سے،انہوں نے عبداللہ بن ابوسلیط سے،انہوں نے اپنےوالد سے جو بدری تھے،روایت کی کہ حضورِاکرم صلی اللہ علیہ وسلم نے گدھوں کے گوشت سے منع کیا،کہ ہنڈیااس کے گوشت سے گندی ہوجاتی ہے،اس لئے ہمیں ان کے ظاہری کو کافی سمجھناچاہئیے۔ ۔۔۔

ابوسلمہ بن عبدالرحمٰن ایک صحابی سے،ابوالیمان نےشعیب سے،انہوں نےزہری سے،انہوں نے ابوسلمہ سے،انہوں نےایک صحابی سےروایت کیا،کہ حضورِاکرم نےبنوہذیل کی دوعورتیں جھگڑے میں،کہ ایک نےدوسری پرتیراندازی کی تھی،فیصلہ فرمایاتھا۔ اس حدیث کوامام مالک نے مؤطامیں زہری سے،انہوں نےابوسلمہ سے،انہوں نےابوہریرہ سے روایت کیا،ابویاسرنےباسنادہ عبداللہ سے،انہوں نےاپنے والدسے،انہوں نےمحمدبن جعفر سے، انہوں نے شعبہ سےروایت کی کہ انہوں نےابومالک اشجعی سے،انہوں نےابوسلمہ بن عبدالرحمٰن سے،انہوں نےاس شخص سےجس نے حضورِاکرم کودیکھا،روایت کیاکہ انہوں نےآپ کوایک ایسےکپڑے میں نمازپڑھتےدیکھاجودونوں طرف مختلف رنگ کاتھا،دونوں نےذکرکیاہے۔ ۔۔۔

ابوسلمہ،صحابی ہیں،اورنسب نامعلوم ہے،حاکم ابواحمدنے کتاب الکنی میں ان کا ذکر کیاہے،نیز حاکم ابوعبداللہ نے بھی انہیں صحابہ میں شمارکیا ہے۔ موسیٰ بن اسماعیل نے حماد بن یزید بن مسلم منقری سے ،انہوں نے معاویہ بن قرہ سے روایت کی کہ کہمس الہلالی کہنے لگے،کیا میں تمہیں خلیفہ عمرکی بات نہ سناؤں،انہوں نے کہاضرورسناؤ،کہنے لگے، میں خلیفہ کے پاس بیٹھاتھا،کہ ایک عورت نے آکر خلیفہ سے اپنے خاوند کی شکایت کی کہ اس میں بھلائی کم اور برائی زیادہ ہے،خلیفہ نے دریافت کیا،تمہاراخاوندکون ہے،اس نے جواب دیا،ابوسلمہ، خلیفہ نے کہا،وہ توسچاآدمی ہے،اوراسے حضورِاکرم صلی اللہ علیہ وآلہ وسلم کی صحبت حاصل ہے، ابوعمراورابوموسیٰ نے ذکرکیا ہے۔ ۔۔۔

ابوشدادذماری عمانی،عمان میں سکونت اختیارکرلی تھی،ان سے مذکورہے،کہ اہلِ عمان کوحضورِاکرم کی طرف سے ایک فرمان موصول ہوا،جوچمڑے کے ایک ٹکڑے پرمرقوم تھا۔ "محمد رسول اللہ کی طرف سے اہل ِعمان کے نام،السلام علیکم،امابعد،اس امرکااقرارکرو،کہ اللہ کے بغیرکوئی معبودنہیں،اورمَیں اس کا رسول ہوں،زکوٰۃ اداکرو،اوراس طریقے سے مسجدوں کی حدبندی کرو،ورنہ تمہارے خلاف لشکرکشی کی جائے گی"۔ ابوشداد سے پوچھاگیا،کہ ان دنوں عمان کا عامل کون تھا،انہوں نے جواب دیا،کسرٰی کے سرداروں میں سے ایک سردار۔ موسیٰ بن اسماعیل نے عبدالعزیز بن زیادالخبطی سے،انہوں نے ابوشدادسےاسی طرح روایت کی ہے،اسے تینوں نے ذکرکیا ہے،ابوعمرنے ذماری لکھا ہے،لیکن باقی اہلِ علم نےانہیں ومیائی لکھاہے، اوروماءعمان کا ایک گاؤں ہے،ابومندہ اورابونعیم نے عمانی تحریر کیاہے،اورذماء ن۔۔۔

ابوشہم،روایت ہے،ان کانام یزید بن ابوشیبہ تھا،اورحضورِاکرم کی صحبت حاصل ہوئی تھی،لیکن آدمی تھے،بیہودہ،انہوں نے بیان کیا کہ میں مدینے میں اِدھراُدھرگھوم رہاتھا،کہ ایک لڑکی سامنے آگئ،میں نے اس کے سرین پر ہاتھ رکھا،دوسرے دن جب لوگ حضوراکرم سے بیعت کے لئے حاضرہوئے تو میں نے بھی ہاتھ بڑھایا،مگرآپ نے ہاتھ پکڑلیااورفرمایا،ارے چھیڑچھاڑکرنے والے، میں نے عرض کیا،یارسول اللہ ،بیعت سے محروم نہ فرمائیے،میں آئندہ ایسانہیں کروں گا، تینوں نے ذکرکیاہے۔ ۔۔۔