ابوشیبہ حذری،بعض نے خضری لکھاہے،کیونکہ وہ سبزی بیچتے تھے،حجازی ہیں،بعض کا خیال ہے،کہ وہ ابوسعیدحذری کے بھائی ہیں،واللہ اعلم۔ یحییٰ بن محمود نے اذناً باسنادہ ابن ابی عاصم سے،انہوں نے حسن بن علی سے،انہوں نے ابوعاصم سے، انہوں نے یونس بن حارث ثقفی سے،انہوں نے مشرس سے،انہوں نے اپنے والدسے روایت کی کہ انہوں نے حضورِاکرم صلی اللہ علیہ وسلم سے سُنا،جس نے سچے دل سے خداکی وحدانیت کااقرار کیا،وہ جنت میں داخل ہوگایونس بن حارث سے مروی ہے کہ انہوں نے مشرس کو اپنے والد سے یہ حدیث سناتے سنا،ابوشیبہ خدری صحابی رسول قسطنطنیہ کی فصیل کے باہر فوت ہوئے اورہم نے انہیں وہیں دفن کیا،ابوشیبہ یزید بن معاویہ کے عہد میں جہادکرتے ہوئے شہید ہوئے تھے،اوربلادِروم میں دفن ہوئے تھے۔ ۔۔۔
مزید
ابوشیخ بن ابوثابت بن منذربن حرام بن عمربن زید بن عدی بن عمروبن مالک بن نجار،غزوۂ بدرمیں شریک تھے،بئیرمعونہ کے حادثے میں شہید ہوئے۔ ابوجعفرنے باسنادہ یونس سے انہوں نے ابن اسحاق سے بہ سلسلۂ شہدائے بدرازبنومالک بن نجار، بعدہٗ ازبنوعدی بن عمروبن مالک،ابوشیخ بن ابوثابت بن منذرکاذکرکیاہے،ابنِ اسحاق نے ابوشیخ بن ابوثابت اورابن ِہشام نے ابوشیخ اوران کانام ابی بن ثابت تحریرکیاہے،اورحسان بن ثابت کا بھتیجا بیان کیاہے،بقول ہشام وہ حسان کے بھائی تھے،واللہ اعلم،ابوعمرنے ذکرکیاہے،ابوشیخ لاولدتھے۔ ۔۔۔
مزید
ابوشیخ محاربی،ان سےبواسطۂ اہلِ کوفہ صرف ایک حدیث مروی ہے،لیکن اس کا اسناد بقول ابوعمر ناقابلِ اعتمادہے،ابن مندہ اورابونعیم نے قیس بن ربیع سے،انہوں نے امراءالقیس محاربی سے، انہوں نےابن ابی شیخ سے اورایک بارابوشیخ سے روایت کی حضورِاکرم ہمارے یہاں تشریف لائے اورفرمایا۔ اے معشر محارب تم مجھے وہ دودھ نہ پلانا،جوتمہاری عورتوں نے دوہاہے۔ ۔۔۔
مزید
ابوشجرہ ان کانام معاویہ بن محصن بن علس بن اسودبن وہب بن شجرہ بن ربیعہ بن معاویتہ الاکرمین الکندی ہے،حضورِاکرم صلی اللہ علیہ وسلم کی خدمت میں حاضرہوئے،مشہوربہادرتھے،ہشام بن کلبی نے ان کا ذکر کیا ہے۔ ۔۔۔
مزید
ابوشجرہ،جعفرنے ان کا ذکرکیا ہے،لیکن انہیں معلوم نہیں،کہ انہیں صحبت نصیب ہوئی یا نہ،ابنِ ابوخیثمہ نے انہیں صحابہ میں شمارکیا ہے،بعض اورلوگوں نے بھی ان کا ذکرکیاہے،قتیبہ بن سعید نے لیث بن سعد سے،انہوں نے معاویہ بن صالح سے،انہوں نے ابوالزاہریہ سے،انہوں نے ابوالشجرہ سے روایت کی،حضورِاکرم نے فرمایا،نماز میں صفوں کو سیدھاکرو،کیونکہ تمہاری صفیں،فرشتوں کی صفوں کے ساتھ ساتھ ہوتی ہیں،جوتمہارے کندھوں کے درمیان صف آراہوتے ہیں،اوردرمیان میں فاصلے مت چھوڑو،کیونکہ ان جگہوں میں شیطان کھڑاہوجاتاہے،جولوگ صفوں میں اتصال قائم رکھیں گے،اللہ تعالیٰ ان میں اتصال پیداکرےگا،ابوزاہریہ نے ان سے ایک حدیث روایت کی،جس میں سلام کی فضیلت مذکور ہے،ابوموسیٰ نے ان کا ذکر کیا ہے،ابوشجرہ کا قول ہےکہ ابوعمر نے ان دونوں حدیثوں کومرسل قراردیا ہے۔ ۔۔۔
مزید
ابوشموس البلوی،غزوۂ تبوک میں شامل تھے،ابوالفرج ثقفی نے باسنادہ ابن ابوعاصم سے،انہوں نے بکربن عبدالوہاب ابومحمد عثمانی سے،انہوں نے زیادبن نصرسے،انہوں نے سلیم بن مطیرسے، انہوں نےاپنے والدسے،انہوں نے ابوالشموس بلوی سے روایت کی کہ ہم غزوۂ تبوک میں حضوراکرم صلی اللہ علیہ وسلم کے ساتھ تھے،آپ نے دیکھا،کہ ہم ثمودکے کنویں پراترے ہیں،آٹا گوندھاہے،اورکنوئیں سے پانی نکالاہے،حضوراکرم نے فرمایاکہ پانی کو گرادیں اور آٹے کو پھینک دیں،اوریہاں سے اٹھ بھاگیں،میں اپنے لئے کچھ بچت کرناچاہتاتھا،چنانچہ میں نے عرض کیا، یا رسول اللہ،کیایہ آٹااونٹنی کو کھلادوں،آپ نے فرمایا،ہاں،کھلادے،ہم نے پانی گرادیا،آٹاپھینک دیا،اوروہاں سےاُٹھ بھاگے،اورحضرت صالح علیہ السّلام کے کنوئیں پر جادم لیا،تینوں نے اس کا ذکر کیا ہے۔ ۔۔۔
مزید
ابوشقرہ تمیمی،ان سے مخلدبن عقبہ نے روایت کی،کہ رسولِ اکرم نے فرمایا،جب تم عورتوں کے سروں پر اونٹ کے کوہان کا مشاہدہ کرو،توجان لو ان کی نمازقبول نہیں ہوگی،تینوں نے ذکرکیا ہے، لیکن ابوعمرکے نزدیک حدیث مخدوش ہے۔ ۔۔۔
مزید
ابوشراک قرشی فہری،بدر میں موجودتھے،اوراس وقت ان کی عمر۳۲برس تھی اورہجرت کے ۳۶ویں سال میں وفات پائی،بروایتے ان کانام عمروبن ابوعمرتھا،یہ واقدی کا قول ہے، ابن مندہ اور ابونعیم نے ذکرکیا ہے۔ ۔۔۔
مزید
ابوشریک،حضرت عمر رضی اللہ عنہ نے ان میں اورعبدالرحمٰن بن ثابت میں ایک احاطے کی تقسیم کی تھی،ابوموسیٰ نے مختصراً ان کا ذکرکیا ہے۔ ۔۔۔
مزید
ابوشبل مخزومی،ابوموسیٰ نے اجازۃً ابوعلی حسن بن احمدسے،انہوں نے احمدبن عبداللہ سے،انہوں نے عبداللہ بن محمدبن جعفرسے،انہوں نے ابوالفضل بن حباب سے،انہوں مسلم بن ابراہیم سے، انہوں نے واصل بن مرزوق باہلی سے،انہوں نے ایک مخزومی سےجن کی کنیت ابوشبلی تھی، انہوں نے اپنے داداسے جو حضورصلی اللہ علیہ وسلم کے صحابی تھے،روایت کیاکہ حضوراکرم صلی اللہ علیہ وسلم نے حضرت معاذ بن جبل سے دریافت کیاتم خداوندتعالیٰ کودن میں کتنی باریادکرتےہو، انہوں نےکہا،یارسول اللہ دس بار،میں ہرروز اللہ تعالیٰ کویادکرتاہوں،فرمایاکیامیں تجھے ایسے کلمات نہ بتاؤں جوتجھے ان سے آسان ہوں اورجن کا ثواب دس ہزارگنازیادہ ہو،" لا الہ الااللہ عدد مااحصاہ اللہ،لاالہ الااللہ عددکلماتہ،لاالہ الااللہ عدد خلقہ،لاالہ الااللہ ذنتہ عرشہ،لا الہ الااللہ ملاسماواتہ،لاالہ الااللہ ملاارض۔۔۔
مزید
خوش آمدید