ابومالک قرظی رضی اللہ عنہ:انہوں نے حضوراکرم صلی اللہ علیہ وسلم کوپایااوراسلام قبول کیا، ان کا نام عبداللہ تھا،ان کی حدیث یزید بن ہاد ثعلبہ بن مالک سے روایت کی،ان کاذکر پہلے گزرچکاہے، ابومالک یمن کے یہودی تھے،انہوں نے بنوقریظہ کی ایک عورت سے شادی کرلی تھی،اورانہی سے منسوب ہوگئے،یہ خود بنوکندہ سے تھے،ابن مندہ اورابونعیم نے ذکرکیاہے۔ ۔۔۔

ابومالک نام نامعلوم،عبدالرحمٰن بن زیدالعمی نے اپنے والد سےروایت کی،حضور صلی اللہ علیہ وسلم نے فرمایا،جس نے اسلام میں میں اسی برس گزارے،اللہ اس پر جہنم کی آگ حرام فرمادے گااور جنت کے اونچے درجوں میں اس کا مقام ہوگا،ابن مندہ اورابونعیم نےا ن کا ذکرکیاہے،ہاں البتہ ابن مندہ نے عبدالرحمٰں بن زیدلکھا ہے،لیکن درست نام عبدالرحیم ہے۔ ۔۔۔

ابومرہ بن عروہ الثقفی رضی اللہ عنہ:ہم ان کا نسب ان کے باپ کے ترجمے میں بیان کرآئے ہیں،حضور صلی اللہ علیہ وسلم کے عہدمیں پیداہوئے،انہیں اوران کے والدکوصحبت نصیب ہوئی،ان کے والدکبارصحابہ میں سے تھے،ابوعمرنے اسی طرح مختصراً ان کا ذکرکیاہے،واقدی لکھتے ہیں کہ عروہ بن مسعود کے دونوں بیٹےابوملیح اور ابوملیح آپ کی خدمت میں حاضرہوئے،اپنے والد کے قتل کے بارے میں حضور صلی اللہ علیہ وسلم کوبتایااوراسلام قبول کرلیا۔ ۔۔۔

ابومرحب رضی اللہ عنہ:ایک روایت میں ابن مرحب مذکورہے،اورایک دوسری روایت کیں مرحب آیاہےانہیں صحبت ملی،ان سے شعبی نے روایت کی۔ ابواحمدبن سکنینہ الصوفی نے باسنادہ،ابوداؤدسلیمان بن اشعث سے،انہوں نے محمد بن صباح بن سفیان سے،انہوں نے ابن ابی خالدسے،انہوں نے شعبی سے،انہوں نے ابومرحب سے روایت کی کہ عبدالرحمٰن،حضورصلی اللہ علیہ وسلم کی قبرمیں اترے تھے،انہوں نے کہا،گویامیں اب بھی ان چارآدمیوں کودیکھ رہاہوں،ابن مندہ اورابونعیم نے ان کا ذکرکیاہے،اگریہ صاحب ان دوحضرات میں شامل نہیں،جن کاہم ذکرکرآئے ہیں توپھریہ کوئی اورآدمی ہیں۔ ۔۔۔

ابومرثدغنوی رضی اللہ عنہ:ان کانام کنازبن حصین بن یربوع بن طریف بن خرشہ بن عبید بن سعد بن عوف بن کعب بن جلان بن غنم بن غنی بن اعصربن سعدبن قیس عیلان اورایک اورروایت میں کنازآیاہےمگرپہلی روایت زیادہ مشہورہے،وہ حمزہ بن عبدالمطلب کے حلیف اورہم عمرتھے،ابومرثد اورانکے بیٹےغزوہ بدرمیں موجودتھے۔ ابوجعفربن سمین نے باسنادہ یونس سے،انہوں نے ابنِ اسحاق سے بہ سلسلۂ شرکائے غزوۂ بدرازخلفائے بنوہاشم ابومرثد اوران کے بیٹے مرثدکاجوحمزہ بن عبدالمطلب کے حلیف تھے،نام لیاہے،اوران کے بیٹے مرثد معرکۂ رجیع میں شہیدہوئے تھےاورابومرثد کی وفات حضرت ابوبکر رضی اللہ عنہ کے دورِ خلافت میں بارہ سال ہجری میں ہوئی تھی،اس وقت وہ ۶۶ سال کے تھے،وہ لمبے قدکے آدمی تھے،اوربال بہت زیادہ تھے۔ ابوالفضل بن ابوالحسن مخزومی نے باسنادہ ابویعلی موصلی سے،ا۔۔۔