حسین بن علی واعظ کاشفی الشہری بہ مولیٰ صفی صاحب تفسیر حسینی: کمال الدین یا علاء الدین لقب رکھتے تھے،تمام علوم ظاہری و باطنی اور فنون نقلی ورسمی میں مشارکت عامہ و معرفت تامہ حاصل تھی لیکن علوم نجوم و انشاء میں اپنی نظر نہ رکھتے تھے۔کہتے ہیں کہ پہلے آپ مائل بہ تشیع تھے پھر مضبوط اہلِ سنت ہوکر حنفی المذہب ہوئے۔آواز نہایت خوش اور صورت دلکش سے وعظ و نصائح میں مشغول رہتے اور عبارات لائقہ میں معانی آیات بینات کلام الٰہی اور عوامض اسرار احادیث حضرت رسالت پناہی کو ظاہر فرماتے تھے۔ہر جمعہ کی صبح کو دار السلطنت سلطانی میں جو ہرات کے چوک میں واقع ہے،وعظ فرماتے اور بعد داسے نماز جمعہ کے جامع مسجد علی شیر میں وعظ کرتے اور شنبہ کے روز مدرسۂ سلطانی میں اور چار شنبہ کے یوم مزار پر پیر محمد خواجہ ابو الولید احمد میں اپنے مواعظ بلیغہ۔۔۔

                حمید الدین بن افضل الدین: بڑے علام فاضل،جامع علوم دینیہ و عقلیہ تھے،پہلے اپنے باپ سے پڑھتے رہے،کپھر محمد بن ادمغان کی خدمت میں حاضر ہوکر مختلف علوم دو فنون م یں کمال حاصل کیا اور مدرسۂ شہر بروسا کے مدرس مقرر ہوئے،پھرآٹھ مدارس میں سے ایک کے مدرس بنے،ب عد ازاں تھوڑی مدت کے بعد سلطان محمد خاں نے آپ کو قاضی فاضل بن محمد بن مصطفیٰ کی جگہ قسطنطیہ کا قاضی مقرر کیا ۔آپ کے تلامذہ م یں سے محی الدین چلپی فناری اور عبد الواسع بن خضر اور حسام الدین حسین بن عبد الرحمٰن وغیرہ معروف و مشہور ہیں،ہدایہ اور اصفہانی کی شرح طوالع ور سید کے حاشیہ شرح مختصر پر نہایت عمدہ حواشی لکھے اور ۹۰۸؁ھ میں وفات پائی،’’مقبول خلق‘‘ تاریخ وفات ہے۔ (حدائق الحنفیہ)۔۔۔

                مولانا معین الدین فراہمی: اپنے زمانہ کے عالم فاضل،علومِ عقلیہ و نقلیہ میں ید طولیٰ اور زہد و تقویٰ میں درجۂ علیار رکھتے تھے،بڑے بڑے خطوط مقفی و مسجع غایت سرعت میں لکھ دیا کرتے تھے،ہر جمعہ کو باد ادائے نماز کے صفہ مقصورہ جامع ہرات میں نہایت مؤثر وعظ کہتے اور در غرمعانی آیات و احادیث کو الماس تقریر فصیح کے ساتھ پروتے تھے۔آپ مجلس وعظ میں امراء ورؤسا کی طرف جو وہاں حاضر ہوتے تھے بالکل ملتفت نہ ہوتے تھے۔آپ کی تصنیفات سے معارج النبوۃ و تفسیر فاتحۃ الکتاب و طلا کار یعنی قصۂ حضرت موسیٰ اور نقرہ کاریعنی قصہ حضرت یوسف مشہور و معروف ہیں۔           بعد وفات آپ کے بھائی قاضی نظام الدین کے حسبِ وصیت ان کی ہر چند آپ کو منصب قضاء کے لیے کہا گیا م گر آپ نے بالکل قبول نا فرمایا۔وفات آپ کی۔۔۔

              مولانا مسعود شروانی: کمال الدین لقب تھا،تمام علوم معقول و منقول خصوصاً علمِ کلام منطق و حکمیات میں عالمِ علمائے زمانہ تھے،کئی سال تک مدرسہ گوہر شاد آغا اور مدرسہ اخلاصیہ واقع ہرات میں درس و تدریس او افادۂ خلق اللہ میں مشغول رہے۔جب قاضی نظام الدین فوت ہوئے تو آپ نے تدریس مدرسہ گوہر شاد آغا کی ترک کر کے مدرسہ غیاثیہ میں عَلَمِ افادت بلند کیا اور جس روز آپ نے مدرسۂ مذکورہ میں اجلاس فرمایا امیر نظام الدین علی شیر اور تمامی سادات اور علماء و اکابر دار السلطنت ہرات جمع ہوئے۔چونکہ مدرسۂ مذکورہ کے وقف کی ایک شرط یہ تھی کہ علمائے خراسان کا اعلم شخص وہاں مدرس مقرر ہونا چاہئے اس لیے اس روز آپ نے قصد تعریض علمائے خراسان کا کر کے اس مجمع میں آیۂ انی اعلم مالا تعلمون کا درس دیا اور اس قدر نکاتِ بدیعہ اور معانی شریفہ بیان فرمائے کہ سب ل۔۔۔

           یوسف بن جنید تو قاتی الشہیر بہ اخی چلپی ذخیرۃ العقبی: فاضلِ ماہر،فقیہ متجر،جامع علوم و نقلیہ و عقلیہ،حاویٔ فروع واصول تھے۔پہلے سید احمد قریمی تلمیذ حافظ الدین محمد بزازی پھر صلاح الدین معلم با یزید خاں بعد ازاں مولیٰ خسرو محمد بن فراموز سے پڑھا،جب درجہ کمالیت و فضیلت کو پہنچے تو قسطنطیہ میں مدرسۂ قلندریہ کے مدرس مقرر ہوئے،تمام عمر علم اور مطالعہ کتبِ فقہیہ میں مشغولہ رہے۔شرح وقایہ کے حواشی مسمی بہ ذخیرۃ العقبی جو ہمارے ملک میں حاشیۂ چلپی کے نام سے مشہور ہیں تصنیف کیے جن کی تالیف ۸۹۱؁ھ میں شروع کی اور ۸؍ماہ  ذی الحجہ ۹۰۱؁ھ کو ختم کیا،علاوہ اس کے رسالہ ہدایہ المہتدین نام سے تصنیف کیا جس میں ان الفاظ کو بیان کیا جن کا کہنا کفر ہے۔           جب آپ ۹۰۵؁ھ میں فوت ہوئے توآٹھ مدارس سے ایک۔۔۔