یہ صاحب حضور اکرم صلی اللہ علیہ وسلم سے بیعت کرنے آئے تو آپ نے ہاتھ کھینچ لیا، کیونکہ انہوں نے ہاتھوں پر خوشبو لگائی ہوئی تھی۔ چنانچہ جب انہوں نے ہاتھ دھوئے، تو بیعت فرمائی۔ لیکن اس حدیث میں کچھ گڑبڑ ہے اور ان کی صحبت کے بارے میں شبہ ہے۔ اگر اس سے مراد مدرک بن عمارہ بن عقبہ بن ابی معیط ہے تو ان کی صحبت ثابت نہیں۔ اور نہ ملاقات اور رویت ہی ثابت ہے۔ اور اس حدیث کی کوئی بنیاد نہیں ہے۔ اور اگر اس روایت کا انتساب ان کے والد عمارہ بن عقبہ سے کیا جائے جب بھی درست نہیں اور ہم نے اس کی وضاحت ولید بن عقبہ کے ذکر میں کردی ہے۔ یہ ابو عمر کا قول ہے اور اسی نے اس کا ذکر کیا ہے۔ ۔۔۔

یہ حضور اکرم صلی اللہ علیہ وسلم کے وہ حبشی غلام ہیں، جنہیں رفاعہ بن زید الجذامی نے آپ کی خدمت میں بطورِ ہدیہ پیش کیا تھا۔ اور جنہیں حضور صلی اللہ علیہ وسلم نے آزاد فرما دیا تھا، اور ایک روایت میں ہے کہ آزاد نہیں فرمایا تھا انہوں نے غزوۂ خبیر میں مالِ غنیمت سے ایک چادر ہتھیا لی تھی۔ اور قتل ہوگئے تھے۔ حضور اکرم صلی اللہ علیہ وسلم نے فرمایا تھا اس چادر نے جہنم کی آگ کو ضرور بھڑکایا ہوگا۔ ہمیں عبید اللہ بن احمد نے باسنادہ یونس بن بکیر سے اُنہوں نے ابو ہریرہ سے روایت کی کہ مجھے ثور بن زید نے سالم مولی عبد اللہ بن مطیع سے انہوں نے ابو ہریرہ سے روایت کی کہ ہم رسول اکرم صلی اللہ علیہ وسلم کے ساتھ خیبر سے واپسی پر وادی قری میں پہنچے، تو جب یہ حبشی غلام جو رفاعہ نے حضور کو دیا تھا۔ حضور اکرم صلی اللہ علیہ وسلم کا کجاوہ ایک اور آدمی کے ساتھ اتار رہے تھے کہ انہیں ایک تیر جو۔۔۔

یہ نبو عبد الشمس کے حلیف تھے اور ایک روایت میں ان کا نام مدلاج بن عمر مذکور ہے، یہ حضور اکرم کے ساتھ تمام جنگوں میں شریک ہوئے اور ۵۰ ہجری میں وفات پائی۔ ابن کلبی لکھتا ہے کہ مالک، ثقف اور صفوان بنو عمر و جونبو حجر بن عباد بن یشکر بن عدوان سے تھے۔ سب غزوۂ بدر میں موجود تھے اور وہ بنو عدوان سے تھے۔ جو بنو غنم بن دو دان بن اسد سے تھے۔ اور اسی وجہ سے انہیں اور ان کے بھائیوں کو بنو عبد شمس کا حلیف شمار کیا جاتا ہے۔ کیونکہ بنو غنم بن دودان بنو عبد شمس کے حلیف تھے اور یہ ان کے حلیف تھے۔ واللہ اعلم۔ تینوں نے ان کا ذکر کیا ہے لیکن ابو عمر اور ابن مندہ نے انہیں سلمی، اسلمی یا اسدی شمار کیا ہے۔ ۔۔۔

اہل عراق سے تھے کہتے ہیں، انہیں صحبت میّسر آئی۔ حضرت خالد بن ولید کے ساتھ دمشق کے محاصرے اور یرموک کی جنگ میں موجود تھے۔ ایرانیوں کے خلاف جنگ میں انہوں نے بعض کار نامے انجام دیے تھے۔ ابوالقاسم دمشقی نے ان کا ذکر کیا ہے۔ ۔۔۔

جعفر نے ان کا ذکر کیا ہے اور باسنادہ اعمش سے انہوں نے سلمہ بن کہیل سے انہوں نے عطا سے انہوں نے جابر سے روایت کی کہ ایک انصاری نے ایک قبطی غلام کو جو دبر کا باشندہ تھا، آزاد کیا یہ محتاج تھا اور مقروض تھا۔ غلام کا نام مذکور تھا۔ حضور صلی اللہ علیہ وسلم نے آٹھ سو درہم سے خرید کر قیمت اسے دے دی اور فرمایا کہ یہ رقم لے لو اور قرض ادا کر کے باقی اپنے اہل خانہ پر خرچ کرو۔ ابو الزہیر نے جابر سے روایت کی ہے اور بتایا ہے کہ غلام کا نام یعقوب تھا، اور جس انصاری نے آزاد کیا تھا۔ اس کنیت ابو مذکور تھی۔ یہی بات صحیح معلوم ہوتی ہے۔ ابو موسی نے اس کا ذکر کیا ہے۔ ۔۔۔