زینب دختر حباب بن حارث انصاریہ از بنو مازن،بقول ابن حبیب انہوں نے حضورِاکرم صلی اللہ علیہ وآلہٖ وسلم سے بیعت کی۔ ۔۔۔

زینب دختر حجش زوجۂ رسول ِکریم جو عبداللہ بن حجش کی ہمشیرہ تھیں وہ اسدیہ ہیں اور بنو اسد سے ان کا تعلق ہے، اور ان کی والدہ امیمہ دختر عبدالمطلب تھیں،جو حضورِ اکرم کی پھوپھی تھیں،جناب زینب کی کنیت ام الحکم تھی،قدیم الاسلام تھیں اور مہاجرات سے،زید بن حارثہ سے ان کی شادی کی گئی تھی،تاکہ میاں بیوی کو کتاب اللہ اور سنت رسول اللہ سے متعارف کرائے،اس کے بعد اللہ نے آسمانوں پر ان کا نکاح رسول اللہ صلی اللہ علیہ وسلم سے کردیا، چنانچہ اٹھائیسویں پارے میں اس کا ذکر موجود ہے،آپ نے ہجرت کے تیسرے سال جناب زینب سے نکاح کیا،یہ ابو عبیدہ کا قول ہے،قتادہ کے مطابق یہ نکاح ہجرت کے پانچویں سال میں ہوا،ابن اسحاق کے مطابق یہ نکاح ام سلمہ سے نکاح کے بعد ہوا۔ عبدالوہاب ابن ہبتہ اللہ نے ابو غالب بن بناء سے ،انہوں نے ابومحمد جوہری سے،انہوں نے ابو بکر قطیعی سے ،انہوں نے محمد بن یونس سے ان۔۔۔

ان کی پیدائش حضور اکرم کے عہد میں ہوئی ابن مندہ نے اس کی تخریج کی ہے ابو موسیٰ نے بھی اس کی تخریج کی ہے وہ کہتا ہےکہ ابن شاہین نے بھی ان کا ذکر کیا ہے وہ لکھتا ہے بغوی کہتا ہے کہ میں نے بعض ایسی کتابیں دیکھی ہیں جب میں ان راویوں کا ذکر ہے، جنہوں نے حضور سے سماع کیا، یا آپ کے عہد میں پیدا ہوئے چنانچہ ان لوگوں میں سے کسی کا نام بھی اس فہرست میں شامل نہیں لیکن محمد بن ابی سلمہ کے بارے میں یہ خیال درست نہیں کیونکہ یہ صاحب حضور اکرم صلی اللہ علیہ وسلم کے عہد میں فوت ہوئے ان کی بیوہ اُمّ سلمہ سے حضور نے نکاح کیا اور اُن کی اولاد کو اپنے دامن تربیت میں لے لیا ان وجوہ کی بنا پر ان سے بڑھ کر اور کسے درجۂ صحابیت حاصل ہوسکتا ہے میں نہیں سمجھ سکا کہ ابو موسیٰ کو اس استدراک کی ضرورت کیوں پیش آئی۔ ۔۔۔

ان کا شمار اہلِ مدینہ میں ہے اور ایک جماعت نے انھیں صحابہ میں شمار کیا ہے، لیکن یہ وہم ہے۔ عاصم بن سوید الانصاری نے(جن کا تعلق اہلِ قبا سے ہے) سلیمان بن محمد الکرمانی سے اس نے اپنے والد سے سُنا انھوں نے حضور اکرم صلی اللہ علیہ وسلم سے سنا آپ نے فرمایا جس شخص نے اچھی طرح وضو کیا، اور پھر وہ مسجدِ قبا کو نماز پڑھنے کے لیے گیا۔ اسے اس عمل پر عمرے کا ثواب ملے گا۔ قاضی ابو احمد کہتا ہے کہ میرے خیال میں اس شخص کو حضور اکرم کی صحبت نصیب نہیں ہوسکی ابو نعیم نے اس اسناد کو بہ طریق ذیل بیان کیا ہے محمد بن سلیمان الکرامانی نے اپنے باپ سے اس نے ابو امامہ بن سہل بن حنیف سے اس نےاپنے باپ سے روایت کی یہ روایت قیتبہ نے مجمع بن یعقوب سے اس نے محمّد بن سلیمان سے بیان کی۔ اس سعد بن اسحاق بن کعب بن عجرہ اور حاتم بن اسماعیل نے مجمع بن یعقوب کی روایت کے مطابق بیان کیا ہے ابن مندہ او۔۔۔

ان کا تعلق بنو عبد الدار سے تھا امام بخاری نے ان کا ذکر الواحدان میں کیا ہے اور حضور اکرم صلی اللہ علیہ وسلم سے ان کی صحبت ثابت نہیں یزید بن قسیط، یزید بن خصیفہ اور محمد بن منکدر نے اِن سے ایسی احادیث روایت کی ہیں جو انھوں نے حضرت ابو ہریرہ کے واسطے سے حضور اکرم سے سُنیں۔ ابو نعیم لکھتا ہے کہ صحیح نام محمود بن شرحبیل ہے اور ان سے عبد اللہ بن التمیمی کی حدیث نقل کی ہے اس نے منکدر بن محمد بن منکدر ہے اس نے محمد بن منکدر سے اس نے محمد بن شرجیل سے روایت کی کہ بنو عبد الدار کے ایک فرد نے بیان کیا کہ مَیں نے سعد بن معاذ کی قبر سے مٹھی بھر مٹّی اٹھائی اس سے کستوری کی خوشبو آرہی تھی۔ محمد بن عمرو بن علقمہ نے ابن المنکدر سے اس نے محمود بن شرحبیل سے روایت کی ابو مندہ اور ابو نعیم نے اس کی تخریج کی ہے۔ ۔۔۔