ہم اُن کا نسب، ان کے بھائی مجاشع کے تذکرے میں لکھ آئے ہیں۔ مجالد کی کنیت ابومعبد تھی۔ بصرے میں سکونت تھی۔ اُنھوں نے فتح مکہ کے بعد اپنے بھائی کی طرح اسلام قبول کیا تھا۔ جناب مجاشع انھیں حضور صلی اللہ علیہ وسلم کی خدمت میں بیعت علی البحرۃ کے لیے لے گئے تھے، لیکن آپ نے ان کی درخواست مسترد کردی تھی اور بیعت علی الاسلام والجہاد منظور فرمائی تھی۔ ابن ابی حاتم کا قول ہے کہ مجالد جنگ جمل میں شہید ہوگئے تھے، لیکن جناب مجاشع کے بارے میں کچھ نہیں بتایا، حالانکہ اس جنگ میں ان کا قتل یقینی امر ہے۔ ان دونوں بھائیوں سے ابو عثمان کی روایت میں کوئی استبعادنہیں۔ کیونکہ دونوں اکٹھے حضور اکرم صلی اللہ علیہ وسلم کے پاس آئے تھے اور بصرے میں دونوں کی قبریں قریب قریب ہیں۔ تینوں نے اس کی تخریج کی ہے۔ ۔۔۔

ان کا نسب ہم ان کے بھائی ابوموسیٰ کے تذکرے میں لکھ آئے ہیں۔ ابو عمر نے ان کے بھائی ابو رہم کے ترجمے میں اس کا ذکر کیا ہے۔ ابو عمر پرغسانی کا یہ استدراک ہے۔ ۔۔۔

سلام ضبیہ،ان سے ام داؤد وابشیہ نے وہ حدیث روایت کی،جو بقول ابو عمر عبداللہ بن داؤد خرینی نےان سے لی،ابو نعیم اور ابن مندہ نے ان کا نام سلامہ وابشیہ بیان کیا ہے،اور ان دونوں نے عبداللہ بن داؤد خرینی سے،انہوں نے ام داؤد وابشیہ سے،انہوں نے سلامہ سے روایت کی کہ جب ابتدائے اسلام میں میں بکریاں چراتی تھی،ایک دن حضور کا وہاں سے گزر ہوا،پوچھا،کیا تجھے کلمہ شہادت آتا ہے،میں نے سنایا ،تو آپ نےتبسم فرمایا،تینوں نے ان کا ذکر کیا ہے،ابونعیم کا قول ہے کہ ان کے خیال میں یہ خاتون اور سلامہ دختر حر ایک ہیں،ابن مندہ نے ان کی نسبت وابشیہ لکھی ہے، اور اس حدیث کو مدد نے خرینی سے،انہوں نے سلامہ دختر حر سے روایت کیا۔ ابن اثیر کے مطابق اس خاتون پر دو ترجمے لکھے ہیں،اور ان کی حدیث کو خرینی سے،انہوں نے ام داؤد وابشیہ سے روایت کی،اسی سلامہ دختر حر کے ترجمے میں خرینی کی حدیث کو ام داؤد س۔۔۔

سلمٰی،ابویاسربن ابوحبہ نے باسنادہ عبداللہ سے،انہوں نے اپنے والد سے ،انہوں نے عبدالصمد سے، انہوں نےہمام سے،انہوں نے قتادہ سے،انہوں نے سلمیٰ دخترِحمزہ سے روایت کی کہ ان کا مولیٰ مرگیا،اور بیٹی رہ گئی، حضورصلی اللہ علیہ وسلم نے بیٹی کو وراثت کا نصف دے دیا،اور دوسرا نصف یعلی کو دے دیا،جو سلمیٰ کا بیٹا تھا۔ ۔۔۔

وہ عبد الرحمٰن کے بھائی ہیں۔ ابن مندہ لکھتا ہے کہ میرے نزدیک دونوں مجمع ایک ہی آدمی ہے۔ ان سے عکرمہ بن سلمہ بن ربیعہ نے روایت کی، حضور اکرم صلی اللہ علیہ وسلم نے فرمایا کہ اگر کوئی شخص اپنے ہمسائے کے مکان کی دیوار میں میخ ٹھونکنا چاہیے، تو اسے نہ روکا جائے۔ ابو عمر کہتا ہے کہ مجمع بن یزید بن جاریہ میرا بھتیجا ہے۔ جسے حضور اکرم صلی اللہ علیہ وسلم کی صحبت میسر آئی۔ اور آپ سے مذکورہ بالا حدیث روایت کی۔ ایک روایت میں ہے کہ یہ حدیث مرسل ہے۔ کیونکہ یہ حدیث یا تو عمر نے حضور اکرم صلی اللہ علیہ وسلم سے سُنی یا حضرت ابو ہریرہ نے امام بخاری کی رائے میں مجمع بن یزید، عبد الرحمٰن بن یزید بن جاریہ کا بھائی ہے۔ ہمیں ابو یاسر نے عبد اللہ بن احمد سے اس نے اپنے باپ سے اس نے مکی بن ابراہیم سے، اس نے عبد المالک بن جریج سے اس سے عمر بن دینار سے بیان کیا کہ اسے ہشام بن یحییٰ نے بتایا۔۔۔