ام رعلہ قشیریہ،جعفر مستغفری نے ان کا ذکر کیا ہے،انہوں نے باسنادِ ضعیف اذراعی سے،انہوں نے عطا سے،انہوں نے ابن عباس سے روایت کی،کہ ایک خاتون کہ جن کانام ام رعلہ قشیریہ تھا،حضورِ اکرم کی خدمت میں حاضر ہوئیں،وہ بڑی فصیح البیان تھیں،انہوں نے گزارش کی،"اَلسَّلَامُ عَلَیکَ یَارَسُولَ اللہِ وَرَحمَۃُ اللہِ وَبَرَکَاتُہٗ ہم عورتیں گھروں میں محصور ہیں،اور مردوں کے تسلّط اور تغلب کا نشانہ ہیں،ان کی اولاد کو پالتی ہیں،اور ان کی آسائش کا انتظام کرتی ہیں،ہمارے بڑے بڑے لشکروں میں کوئی حصہ نہیں،وہ طریقہ بتائیے جس سے ہمیں اللہ کا قرب حاصل ہو،"حضورِ اکرم نے فرمایا،کہ تمہیں چاہئیے کہ راتوں کو اور صبح وشام کے دَوران میں اللہ کا ذکر کرو،آنکھوں کو نیچا رکھو اور آواز کو آہستہ رکھو،ابوموسیٰ نے اس کا ذکر کیاہے۔ ۔۔۔

صفیہ دختر خطاب جو حضرت عمررضی اللہ عنہ کی ہمشیرہ اور قدامہ بن مظعون کی زوجہ تھیں،ہم قدامہ کے ترجمے میں ان کا ذکر کر آئے ہیں،غسانی نے ان کا ذکر کیا ہے۔ ۔۔۔

صفیہ دختر لشامہ،جواعور کی ہمشیرہ تھیں،حضورِاکرم صلی اللہ علیہ وآلہٖ وسلم نے انہیں نکاح کا پیغام بھیجا ،لیکن نوبت خلوت صحیحہ تک نہ پہنچی،بقولِ ابنِ حبیب ان کا تعلق بنوعنبر بن تمیم سے تھا۔ صفی دختر ثابت بن فاکہہ بن ثعلبہ انصاریہ،از بنو خطمہ،بقولِ ابنِ حبیب حضورِاکرم سے بیعت کی۔ ۔۔۔

ام رافع دختر عثمان بن مخلد انصاریہ از بنو زریق،بقول ابنِ حبیب انہوں نے حضورِ اکرم سے بیعت کی۔ ۔۔۔

ام ریعہ دخترِ خدّام،بقول ابو موسیٰ،ام ریعہ خنساء دخترخدّام کی کنیت معلوم ہوتی ہے۔ قاضی ابوالخیر عمر بن محمد بن عبداللہ بن عزیزہ نے شجاع اور احمد سے جوعلی بن شجاع کے لڑکے تھے، انہوں نےمحمد بن اسحاق حافظ سے،انہوں نے احمد بن محمد بن زیاد سے،انہوں نے عباس بن محمد دوری سے،انہوں نےاحمد بن یونس سے،انہوں نے ابوبکر بن عیاش سے،انہوں نے یعقوب بن عطاسے، انہوں نے عطاسے،انہوں نے ابن عباس سے روایت کی،کہ خدام کی بیوی ریعہ کو اپنے خاوند سے نفرت تھی،وہ حضورِ اکرم کے پاس آئیں ،اور شکایت کی،آپ نے میاں بیوی میں تفریق فرمادی اور پھر ابولبابہ نے ان سے نکاح کرلیا۔ یہ حدیث جو یعقوب سے مروی ہے،حدیث غریب ہے،باقی تمام روایات میں خنساء کا نام مذکور ہے، ابوموسیٰ نے ان کا ذکر کیا ہے۔ ۔۔۔