برہ رضی اللہ تعالیٰ عنہا دختر ابو تجراۃ العبدریہ،مکیز بیر کا بیان ہے،کہ تجراہ بنو کندہ کا ایک ضمنی قبیلہ ہے،جو مکے آگئے تھے۔ اس خاتون نے صفیہ دختر شیبہ اور عمیرہ دختر عبداللہ بن کعب بن مالک نے روایت کی ،منصور حجبی نے اپنی والدہ سے،انہوں نے برہ دختر ابو تجراہ سے روایت کی ،کہ انہوں نے رسولِ کریم صلی اللہ علیہ وسلم کو صفا اور مروہ کے درمیان سعی کرتے دیکھا ، جب اختتام کو پہنچتے تو فرماتے کہ تیز چلو،کہ خدا نے تیز چلنے کا حکم دیاہے نیز انہوں نے سعی کے دوران میں دیکھا کہ تیز چلنے سے آپ کے دونوں گھٹنے ننگے ہوجاتے تھے۔ عطاء بن ابی رباح نے یہ حدیث،صفیہ دخترِ شیبہ سے روایت کی،اور برو کا نام حبیبہ دخترِ ابو تجراہ لِکھا ہے،تینو ں نے ان کا ذکر کیا ہے۔ ۔۔۔

بریقہ دختر ابو حارثہ بن اوس بن دحیش انصاریہ از بنو عوف بن خزرج،بقول ابن حبیب حضور اکرم صلی اللہ علیہ وسلم سے بیعت کی۔ ۔۔۔

برکہ دختر یسار،قیس بن عبداللہ اسدی کی بیوی،بقولِ موسیٰ بن عقبہ ابن شہاب سے روایٔت کی کہ اس خاتون نے اپنے خاوند کے ساتھ حبشہ ہجرت کی تھی،یہ ابو سفیان کی کنیز تھیں،دونوں نے ذکر کیا ہے۔ ۔۔۔

بروع دختر واشق الرواسیہ،ایک روایت میں ان کی نسبت اشجعیہ ہے،جو ہلال بن مرہ کی بیوی تھیں،یحییٰ بن محمود نے اذناً باسنادہ تا ابن عاصم،اسماعیل بن عبداللہ سے،انہوں نے ہشام بن عمار سے،انہوں نے صدقہ بن خالد سے ،انہوں نے مثنیٰ سے،انہوں نے عمرو بن شعیب سے، انہوں نے سعید بن مسیب سے،انہوں نے بروع دختر واشق سے روایٔت کی کہ انہوں نے ایک شخص سے نکاح کیا،اور خود کو اس کے سپرد کردیا،لیکن وُہ قبل از مجامعت مرگیا،حضور صلی اللہ علیہ وسلم نے ان کے بارے میں مہر مثل کا حکم دیا،اور یہ قصّہ بہ حدیث علقمہ از معقل از سنان منقول ہے،ابو نعیم اور ابو موسیٰ نے ان کا ذکر کیا ہے۔ رواس کا نام حارث بن کلاب بن ربیعہ بن عامر صعصعہ تھا،اور اشجع از بنو قیس ہیں،اور ان کا نسب یوں ہے،اشجع بن ریث بن غطفان بن سعد بن قیس عیلان۔ ۔۔۔

برزہ دختر مسعود بن عمرو،جو صفوان بن امیہ کی بیوی تھیں،ان کے بیٹے کا نام عبداللہ تھا،جب اسلام آیا تو ان کی سات بیویاں تھیں،ام وہب کے ترجمے میں ان کا ذکر آیا ہے،ابو وہب نے ان کا ذکر کیا ہے۔ ۔۔۔