الجرباء دختر قسامہ بن قیس بن عبید بن طریف بن مالک،یہ خاتون حنظلہ بن قسامہ کی بہن اور زینب دخترِ حنظلہ کی پھوپھی تھیں، ابو عمر نے زینب کے ترجمے میں تو ان کا ذکر کیا ہے،لیکن یہاں ان کا ذکر نہیں کیا،ہاں زبیر بن ابوبکر نے ان کا ذکر کیا ہے،کہ وہ حضورِ اکرم صلی اللہ علیہ وآلہٖ وسلم کی خدمت میں حاضر ہوئیں،اور طلحہ بن عبداللہ نے ان سے نکاح کیا اور ان سے ام اسحاق نامی ایک لڑکی پیدا ہوئی۔ ۔۔۔

امہ دختر خالد بن عاص بن امیہ بن عبد شمس بن مناف قرشیہ امویہ،ان کی کنیت ام خالد تھی،اور اسی سے مشہور تھیں،امہ اور ان کے بھائی سعید بن خالد حبشہ میں پیدا ہوئے،ان کی والدہ کا نام امیمہ یا ہمیمہ دخترِ خلف تھا، ام خالد نے زبیر بن عوام سے شادی کی،اور ان سے عمرو بن زبیر اور خالد بن زبیر پیدا ہوئے،ان سے موسیٰ اور ابراہیم پسرانِ عقبہ اور کریب بن سلیمان کندی وغیرہ نے روایت کی۔ مصعب بن عبداللہ نے اپنے والد سے ، انہوں نے موسیٰ بن عقبہ سے،انہوں نے ام خالد سے روایت کی کہ انہوں نے حضور اکرم صلی اللہ علیہ وسلم کو قبر کے عذاب سے پناہ مانگتے سُنا۔ ۔۔۔

امامہ دخترِابوالعاص بن ربیع بن عبدالعزی بن عبد مناف قرشیہ عبشمیہ،ان کی والدہ حضرت زینب رضی اللہ عنہا دخترِرسولِ کریم تھیں،حضورِاکرم کے عین حیات میں پیدا ہوئیں،حضور صلی اللہ علیہ وآلہٖ وسلم ان سے بہت محبت فرماتے تھے،چنانچہ دورانِ نماز میں بھی انہیں اُٹھائے رکھتے،صرف سجدے میں اتار دیتے تھے۔ حماد بن سلمہ نے علی بن زید سے انہوں نے امِ محمد سے،انہوں نے حضرت عائشہ سے ،روایت کی کہ کسی شخص نے حضورِاکرم کو ہدیہ دیا،جس میں یمنی جواہر کا ایک ہا ر تھا،فرمایا،یہ ہار میں اپنے خاندان میں اس کو دوں گا،جو مجھے سب سے زیادہ پیاراہوگا،چنانچہ امامہ کو طلب فرمایا،اور ان کے گلے میں ڈال دیا۔ جب امامہ جوان ہوئیں،تو جنا ب فاطمہ رضی اللہ تعالیٰ عنہا کی وفات کے بعد حضرت علی رضی اللہ تعالیٰ عنہ نے اس سے نکاح کر لیا،کیونکہ جناب خاتونِ جنّت نے انہیں وصیّت کی تھی،جب جناب امیر زخمی ہوئے تو اس۔۔۔

امامہ رضی اللہ عنہادخترِحمزہ بن عبدالمطلب،ان کی والدہ کا نام سلمیٰ دختر عمیس تھا،جناب امامہ وہ خاتون تھیں،جن کی تولیت کے بارے میں حضرت علی جعفراور زید رضی اللہ عنہم میں جھگڑا پیدا ہوگیاتھا،جب وہ مکے سے نکلیں،تو ان کے پاس جو مسلمان بھی گزرا انہوں نے اس سے التجا کی کہ وہ انہیں اپنے ساتھ لے جائیں،لیکن کسی نے انکی بات نہ مانی،جب حضرت علی رضی اللہ عنہ ان کے پاس سے گزرے تو انہوں نے اپنی تحویل میں لے لیا،ان سے جناب جعفر نے تقاضہ کیا،کیونکہ ان کی خالہ اسماءدختر عمیس ان کی زوجہ تھیں،زید بن حارثہ نے بھی انہیں اپنی تحویل میں لینا چاہا،کیونکہ حضورِاکرم صلی اللہ علیہ وسلم نے ان میں اور جناب حمزہ رضی اللہ عنہ میں مواخاۃ پیداکی تھی،لیکن حضور صلی اللہ علیہ وسلم نے جناب جعفر کے حق کو فائق قرار دیا،کیونکہ جناب امامہ کی خالہ ان کی زوجہ تھیں،پھر آپ نے ان کی شادی سلمہ بن ام سلمہ سے(جو۔۔۔

امامہ دخترِ قریبہ بن عجلان بن غنم بن عامر بن بیاضہ انصاریہ بیاضیہ؟ میں نے ابو عمربغرض استدراک ان کا ذکر کیا ہے۔ ۔۔۔