محمد بن ابراہیم بن حسین نکساری رومی: محی الدین لقب تھا،علوم شرعیہ و فنون عقلیہ کے عالم فاضل اور قرآن شریف کے بجمیع روایات حافظ تھے۔علم حسام الدین تو قاتی اور یوسف بن شمس الدین محمد بن حمزہ فناری اور محمد بن ادمغان وغیرہم سے پڑھا اور شہر قسطمونی میں مدرسہ اسمٰعیلیہ کے مدرس مقرر ہوئے۔ تفسیر سورہ دخان کی تالیف کر کے سلطان بایزد خاں کے پاس بطور ہدیہ کے بھیجی اور صاحب شقائق نے اس تفسیر کی نسبت کہا ہے کہ یہ اس بات پر دلالت کرتی ہے کہ مصنف اس کا علم تفسیر میں آیت کبریٰ ہے،علاوہ اس کے شرح وقایہ اور تفسیر بیضاوی پر حواشی لکھ کر قسطنطیہ میں ۹۰۱؁ھ میں وفات پائی۔’’عالمِ مشہور دہر‘‘ تاریخ وفات ہے۔ (حدائق الحنفیہ)۔۔۔

            مولیٰ مصطفیٰ قسطلانی: مسلح الدین لقب تھا۔جمہ علوم میں ماہر متجر تھے جن کو مولانا خضر بیگ وغیرہم سے پڑھا۔جب سلطان محمد خاں نے آٹھ  مدارس بناکیے تو ایک میں آپ کو مدرس کیا۔مولیٰ لطفی کہتے ہیں کہ جن دنوں مولیٰ سنان پاشا سے میں طالب علمی کرتا تھا۔ان دنوں ایک وزیر تھا جس کی یہ عادت تھی کہ رات کع علماء و فضلاء کو مجتمع کیا کرتا اور ایک مجلس آراستہ کر کے ان کو غذا لطیف و پاکیزہ کھلاتا۔ایک رات کا ذکر ہے کہ مولیٰ مصلح الدین قسطلانی اور خواجہ زادہ و خطیب زادہ بھی وہاں حاضر تھے اور میں اپنے ایک دوست کے پاس بیٹھا ہوا اس سے آہستہ آہستہ باتیں کر رہا تھا کہ باتوں باتوں میں میں نے یہ بیان کیا کہ میں ایک دفعہ ایسا بیمار ہوگیا تھا کہ مجھ کو خون کا پسینہ آیا اور اس سے میرے پار چات رنگین ہوئگے۔یہ بات سن کر وہ ہنس پڑا جس سے دیگر علماء نے متنبہ ہ۔۔۔

                مولی محمد بن ابراہیم خطیب الشہیر بہ خطیب زادہ: محی الدین لقب تھا۔ فقیہ فاضل،عالمِ متجر،طلیق اللسان،جبری القلب،صاحب محاورہ،فصیح عند المباحثہ تھے۔علوم اپنے باپ تاج الدین ابراہیم بن خطیب،پھر علاؤ الدین طوسی اور خضر بیگ وغیرہ سے پڑھے اور قسطنطیہ کے مدرس مقرر ہوئے پھر سلطان محمد خاں نے آپ کو اپنا معلم بنالیا۔صدر الشریعہ کے اوائل شرح وقایہ اور اوائل شرح مواقف اور مقدمات اربعہ اور شرح مختصر ابن حاجب کے اوائل حاشیہ سید اور کشاف کے حاشیہ سید پر آپ نے حواشی تصنیف کیے اور ایک رسالہ فضائل جہاد اور ایک رسالہ بحث رؤیت وکلام میں تصنیف کیا اور آپ سے احمد بن سلیمان بن کمال پاشا اور محی الدین چلپی بن علی بن یوسف فناری اور عبد الواسع بن خضر وغیرہم نے تفقہ کیا۔وفات آپ کی ۹۰۱؁ھ میں ہوئی۔’’امامِ حسن گفتار‘‘ تاریخ۔۔۔

محمد بن یوسف بن حسین[1]بن عبداللہ حلبی المعروف بہ ابن الابیض الشہیر بہ قاضی عسکر: حلب میں ۵۶۶؁ھ [2]میں پیدا ہوئے۔علم اپنے والد ماجد بدر ابیض تلمیذ علاءالدین محمد سمر قندی صاحب تحفۃ الفقہاء شاگرد ابی الیسر محمد بزدوی سے اخذ کیا اور رتبۂ کمالیت و فضیلت کو پہنچے اور دمشق و مصر میں تشریف لائے۔آپ نے ہی فقہائے سبعہ مدینہ کو جو تا بعین ہیں،مندرجہ ذیل اشعار میں جمع کیا   ؎ الاکل من لا یقتدی بائمۃ      فقسمۃ ضیزیٰ عن الحق خارجہ فخذ ہم عبید اللہ عروۃ قاسم     سعید ابو بکر سلیماں خارجہ یعنی عبید اللہ بن عتبہ بن مسعود و عروہ بن زبیر و قاسم بن محمد بن ابی بکر الصدیق و سعید بن المسیب و ابو بکر بن عبدالرحمٰن بن حارث بن ہشام و سلیمان بن یسار و خارجہ بن زیدبن ثابت۔وفات آپ کی ۶۱۷؁ھ میں ہوئی۔’’مقتدائے جہان‘‘ تاریخ وفات ہے۔   ۔۔۔

۔۔۔