آپ کے والد کا اسم گرامی یوسف تھا جونپور کے رہنے والے تھے شیخ دانیال چشتی کے خلیفہ تھے آپ مغلوب الحال اور صاحب سُکر بزرگ تھے جس طرح بعض حضرات نے انا اللہ۔ اناالحق اور سبحانی کہا تھا آپ اناالمہدی کا نعرہ لگاتے تھے مگر جب ہوش(صحو) میں ہوتے تو دوسرے بزرگانِ دین کی طرح دعویٰ مہدیت سے توبہ کرتے تھے اس زمانے کے جاہل عوام نے آپ کی اس تردید کو قبول نہ کیا اور آپ کومہدی موعود ماننے لگے اس طرح وہ اپنی جہالت کی سیاہیوں میں پھنسے رہے انہوں نے اپنے طور پر ہی بہتر فرقوں کے علاوہ ایک فرقہ مہدیہ بنالیا بعض علماء نے لکھا ہے کہ حضرت کے اناالمہدی کے دعویٰ سے مراد مہدی موعود نہ تھا بلکہ ہادی مہدی تھا جس طرح بہت سے اولیاء ہادی اور مہدی کے القابات سے ملقب ہوئے ہیں لطف کی بات یہ ہے کہ حضرت سید محمد فرقہ مہدیت سے جس قدر دُور رہتے تھے لوگ اسی قدر دعویٰ مہدیت کو درست قرار دیتے تھے چنانچہ یہ فرقہ ایک عرصہ تک ہندوستان۔۔۔

  آپ حضرت پیر کبار کی اولاد سے تھے بڑے متوکل اور متورع بزرگ تھے اپنے حجرہ میں معتکف رہا کرتے تھے اور غم و شادی پر بھی باہر نہ آتے تھے جب آپ کو نفس مجبور کرتا کہ حجرے سے باہر آئیں تو اندر ہی اندر دیوار بنانا شروع کردیتے پھر تھک جاتے تو دیوار گرادیتے اور پھر حجرے میں ہی عبادت میں مصروف ہو جاتے تھے حضرت اخوند سید شوربانی آپ کی بے پناہ عزت کرتے تھے کہتے ہیں ایک بار آپ نے دعا کی ’’اے اللہ تو نے مجھے کثیر الاولاد بنایا ہے ان میں بعض نیک ہیں اور بعض بُرے ہیں میری استدعا ہے کہ تمام کو بخش دے غیب سے ہاتف نے آواز دی کہ ایک سخت کمان اٹھاؤ اور اس پر ایک تیر رکھ کر دُور پھینکو جہاں تک تیر جائے گا قدم پر تمہیں اولاد دوں گا آپ نے تیر پھینکا تو چار قدم پر جا پڑا آپ نے سمجھ لیا کہ میری اولاد چار پشتوں تک رہے گی جنہیں اللہ تعالیٰ بخش دے گا آپ ۱۰۴۹ھ کو فوت ہوئے مزار قصور میں ہے لوگ آپ کے مزا۔۔۔

  آپ سید محمد رحمۃ اللہ علیہ کے بیٹے بھی تھے اور مرید بھی ظاہری اور باطنی علوم میں جامع تھے سکر و جذبہ، حقائق، معارف، عشق و محبت سماع و جد کے رسیا تھے ظاہری اور باطنی علوم کے مالک تھے ہندی اور فارسی میں اشعار کہا کرتے تھے منکرین اسلام سے مناظرہ کیا کرتے تھے مسائل توحید پر گفتگو کرتے شیخ محی الدین ابن عربی رحمۃ اللہ علیہ کے خیالات کو اعلانیہ بیان فرمایا کرتے تھے فرض نماز پڑھنے کے بعد نو بار کلمہ لاالہکا ورد کرتے آپ شاہ جہاں پور کے نقشبندی اور مجددیوں سے مسئلہ توحید و سماع پر مناظرہ کرتے تھے وہ آپ سے ناراض تھے آپ کے ساتھ جو بھی مناظرہ کرتا تو آپ فرماتے تم نقشبندی تو نہیں ہو چونکہ آپ کو بزرگان چشت سے خصوصی لگاؤ تھا۔ آپ ہر وقت اس سلسلہ کی تعریف میں رطب اللسان رہتے خصوصًا حضرت خواجہ گیسو دراز سے بڑی محبت رکھتے تھے آپ نے عربی میں ایک کتاب لکھی جو اسمائے حسنہ کی شرح تھی اس کا نام جو امع الک۔۔۔

  آپ ظاہری اور باطنی علوم میں کامل تھے آپ شیخ عبدالکریم رحمۃ اللہ علیہ کے مرید تھے آپ کے اکثر مرید صاحبِ علم فضل اور ریاضتوں مجاہدہ میں کامل ہوئے ہیں آپ کے زمانے میں پیر محمد پکنوی بھی تھے وہاں کے لوگ جن میں علماء و فضلا بھی تھے شیخ پیر محمد پکنوی سے نفرت کرتے تھے اور ان کی طرف رجوع کرتے تھے حتیٰ کہ شیخ پیر محمد پکنوی مجرد اور اکیلے تھے اور لباسِ فقر پہنا کرتے تھے دوسری طرف پیر محمد سلون شادی شدہ اور عیال دار تھے اور مشائخ کا لباس پہنتے تھے اخبار الاولیاء کے مصنف نے آپ کی بڑی کرامتیں نقل کیں ہیں وہ لکھتے ہیں کہ شیخ پیر محمد اپنی شکل و صورت میں اللہ کی ایک نشانی تھے وہ جس صورت میں چاہتے اپنی صورت بنالیتے ہندی اور فارسی میں شعر کہا کرتے تھے۔ آپ کی وفات ۱۰۷۴ھ میں ہوئی۔ واصل وصل محمد پیر دین یافت ازحق دولت وصلت بدست رحلتش گو عارف جنت کریم ہم بخوان پیر محمد حق پرست ۱۰۷۴ھ۔۔۔

  آپ بنگال کے رہنے والے تھے شیخ محمد حالیہ رحمۃ اللہ علیہ سے بیعت تھے بڑے صاحب عظمت و شہامت بزرگ تھے پہلے قصبہ حالیہ میں رہتے تھے پھر بجنیر چلے آئے تیس سال تک ضرورت کے بغیر اپنے حجرۂ عبادت سے باہر نہیں نکلے ہمیشہ روزہ رکھتے تھے لوگوں سے نذرانے قبول نہیں کرتے تھے۔ ذکر اسم ذات میں مشغول رہتے تھے آپ کی کشف و کرامات بہت ہیں چنانچہ صاحب معارج الولایت لکھتے ہیں کہ ایک بار حضرت شیخ نے میرے بھائی عبدالستار کو فرمایا کہ تمہارا بھائی فلاں فلاں تاریخ کو فلاں فلاں منصب پر فائز ہوگا چنانچہ ایسا ہی ہوا ایک دن ایک سپاہی کو فرمانے لگے کہ تم عنقریب شاہ عالم بادشاہ کے دربار میں حاضر ہوکر نوکری کروگے چنانچہ ایسا ہی ہوا۔ آپ کی وفات ۱۰۷۹ھ میں ہوئی۔ آپ کا مزار اورنگ آباد میں ہے۔ چوں محب خدا حبیب زمن شد بجنت بسال رحلت آں متقی شاہ اکبر است بگو نیز اعظم ولی حبیب بخواں ۔۔۔