اسماء دخترعمروبن عدی بن تابی بن سواد بن غنم بن کعب بن سلمہ،ام امنیع انصاریہ سلمیہ ،یہ ان خواتین سے ہیں،جنہوں نے عقبہ میں حضور صلی اللہ علیہ وسلم سے بیعت کی تھی،یہ معاذ بن جبل کی عمہ زاد بہن تھیں۔ عبداللہ بن کعب بن مالک انصاری نے اپنے والد کعب سےروایت کی،جو بیعت عقبہ میں موجود تھے، ان کاکہنا ہے،کہ ہم عقبہ کے پاس ایک گھاٹی میں بیعت کے لئے جمع ہوئے،تعداد میں ستّر مرد تھے، اور دوعورتیں ایک نسیبنہ دختر کعب ام عمارہ تھیں،اور دوسری اسماء ام منیع تھیں،تینوں نے ذکر کیا ہے۔ ۔۔۔

اسماءدختر یزید بن سکن انصاریہ،وہ معاذ بن جبل کی عمہ زاد بہں تھیں،جو معرکۂ یرموک میں خیمے کے پول گرجانے سے فوت ہوگئی تھیں،ان سے اسہر بن حوشب،مجاہد اور اسحاق بن راشد اور محمود بن عمرووغیرہ نے روایت کی۔ ابواحمد عبدالوہاب بن علی الصوفی نے باسنادہ ابوداؤد سے،انہوں نے ابو ثوبہ سے،انہوں نے محمد بن مہاجر سے،انہوں نے اپنے والد سے،انہوں نے اسماء دختر یزید بن سکن سے روایت کی،کہ انہوں نےرسولِ اکرم صلی اللہ علیہ وسلّم سے سُنا،آپ نےفرمایا،تم چوری چھپے اپنی اولاد کو مت قتل کرو،کیونکہ قتل سوار کو بھی جالیتا ہے،اور اسے گھوڑے سے نیچے گرادیتا ہے، اسی طرح یحییٰ بن ابوبکر نے محمود بن عمرو سے،انہوں نے اسماء سے،انہوں نے حضور سے روایت کی،کہ جس نے خدا کے لئے مسجد تعمیر کی،اللہ اس کے لئے جنت میں ایک گھر تعمیر کریگا،ابو مندہ اور ابونعیم نے ان کاذکر کیا ہے۔ ۔۔۔

عصمتہ دختر حبان بن صخر بن خنساء انصاریہ از بنو حرام،بقولِ ابن حبیب انہوں نے حضورِاکرم صلی اللہ علیہ وآلہٖ وسلم سے بیعت کی۔ ۔۔۔

عذبہ دختر سعد بن خلیفہ بن اشرف انصاریہ از بنو ظریف بن خزرج بن ساعدہ،سعید بن سعد کی والدہ ہیں،بقولِ ابنِ حبیب حضورِاکرم سے بیعت کی۔ ۔۔۔

عزہ دختر ابوسفیان بن امیہ،قرشیہ،امویہ،ام حبیبہ اور معاویہ کی ہمشیرہ تھیں،لیث نے یزید بن ابی حبیب سے روایت کی،کہ محمد بن مسلم زہری نے لکھا،کہ عروہ نے انہیں بتایا کہ مجھ سے زینب دختر ابو سلمہ نے بیان کیا،کہ انہیں ام ِحبیبہ نے بتایا،کہ میں نے رسولِ اکرم صلی اللہ علیہ وسلم سے گزارش کی ،یارسو ل اللہ آپ میری بہن عزہ سے نکاح کرلیں،فرمایا،کیا تم اسے پسند کرتی ہو؟ میں نےکہا ،ہا ں یارسول اللہ آپ کو بھی کوئی دقت نہ ہوگی،اور میں چاہتی ہوں،کہ اگر اس معاملے میں میری کوئی شریک بنے،تو وہ میری بہن ہو،فرمایا،یہ رشتہ میرے لئے جائز ہی نہیں ہے۔ ایک روایت میں عزہ کا نام درہ اور ایک میں حمنہ مذکور ہے،اس کاذکر گزرچکا ہے،ابو عمر اور ابو موسیٰ نے ان کا ذکر کیا ہے۔ ۔۔۔