یحییٰ بن یعمرایک صحابی سے،عبدالوہاب بن ابی حبہ نے باسنادہ عبداللہ سے،انہوں نے والدسے، انہوں نےحسن بن موسیٰ سے،انہوں نےحمادبن سلمہ سے،انہوں نےازرق بن قیس سے،انہوں نےیحییٰ بن یعمرسے،انہوں نے ایک صحابی سےروایت کی،رسولِ اکرم صلی اللہ علیہ وسلم نے فرمایا، اوّل ازہمہ قیامت کے دن بندے سےنمازکاحساب لیاجائےگا،اگرنمازکاحساب کتاب پورانکلا تو مکمل لکھ دیاجائےگااوراگرنمازوں میں کمی پائی گئی تواللہ حکم دےگا،دیکھواس کےپاس نوافل کی کچھ تعدادہےتوفرائض کی کمی کوپوراکردو،پھرزکات کوجانچاجائے گااوراسی طرح ایک ایک کرکے سب اعمال کی جانچ پڑتال کی جائے گی،ابن مندہ اورابونعیم نے ذکرکیاہے۔ ۔۔۔

یزیدبن عبداللہ بن شخیربنوسلیم کے ایک آدمی سے،انہوں نے رسول اکرم کی زیارت کی،آپ نے فرمایا اللہ تعالیٰ بندے کوجوکچھ عطاکرتاہے،کبھی اسے ابتلا میں بھی ڈال دیتا ہے،اگرخدا کی تقسیم پر رضامندہوتواللہ تعالیٰ اس کے رزق میں برکت دیتاہے،اوروسعت پیداکرتاہے،اوراگرراضی نہیں ہوتاتوبرکت سے محروم رہتاہے،ابونعیم نے ذکرکیاہے۔ ۔۔۔

زیدبن اسلم ایک صحابی سے،ابواحمدعبدالوہاب بن علی نےباسنادہ ابوداؤدسجستانی سے،انہوں نے محمد بن کثیرسے،انہوں نےسفیان سے،انہوں نےزیدبن اسلم سے،انہوں نے ایک صحابی سےروایت کی،حضوراکرم نےفرمایا،جسےقےہوگئی احتلام ہوگیا،جس نےفصدکرائی،وہ افطار نہ کرے۔ ۔۔۔

زیدبن حواری عمی،صحابہ کی ایک جماعت سے،عبدالرحمٰن بن زیدالعمی نےاپنےوالدسےروایت کی کہ ہم چالیس ۴۰ایسےشیوخ سےملےجنہوں نےہمیں حضوراکرم کی زبانی حدیثیں سنائیں،آپ نے فرمایا،جس نےمیرےصحابہ کااحترام کیا،اورانہیں اچھاجانا،وہ روزِمحشرجنت میں ان کےساتھ ہوگا، ابنِ مندہ نےذکرکیاہے۔ ۔۔۔

ذکوان،ابوصالح ایک صحابی سے،وکیع نےاعمش سے،انہوں نے ابوصالح سے،انہوں نے حضورِ اکرم صلی اللہ علیہ وسلم کےایک صحابی سےروایت کو،کہ حضورصلی اللہ علیہ وسلم اللہ کی عبادت میں اس قدرمصروف رہتے تھے،کہ آپ صلی اللہ علیہ وسلم کےپاؤں متورم ہوگئے تھے،کہاگیا،یارسول اللہ،آپ اتنی عبادت فرماتے ہیں،حالانکہ اللہ نے آپ کےاگلے پچھلےقصورمعاف فرمادیئے ہیں، آپ نے فرمایا،کیامیں اس کاشکرگزاربندہ نہ بنوں۔ اسی حدیث کوابومعاویہ نےاعمش سے،انہوں نےابوصالح سے روایت کی کہ حضوراکرم صلی اللہ علیہ وسلم نمازادافرمایاکرتے۔ اسی حدیث کوشعبہ اورثوری نےابوصالح سے،انہوں نےابوہریرہ سے،انہوں نے رسولِ اکرم صلی اللہ علیہ وسلم سےروایت کی دونوں نے ذکرکیاہے۔ ۔۔۔