چشمک یہ کر رہی ہے عبث تیز بجلیاں لو پھونک دے رہا ہوں میں خود اپنا آشیاں آخر کو رنگ لا کے رہا خونِ بلبلاں اڑ کر رہی گلوں کے گریباں کی دھجیاں پہلوئے دل نہ ہوسکا ویران و بے نشاں پژمردہ دل پہ ٹوٹ پڑیں بے قراریاں ابھرا ہوں خاک ہو کے حنا کے لباس میں اللہ رے یہ شوق قدمبوسئ بتاں رنگینیٔ عذار بتاں سے نہ کھا فریب نادان یہ ہیں خون غریباں کی سرخیاں یہ سوچ کرنگاہ جھکائے ہوئے تھا میں شرمندہ ہونہ جائیں کہیں لن ترانیاں اللہ رے فریب یہ حسن خیال کا سمجھے ہوئے تھا تنگئ زنداں کو گلستاں سن اے غم فراق ترا شکر یہ ہزار دامن بنا ہوا ہے مرا رشک کہکشاں کیا ہے اسی کرم پہ تجھے ناز باغباں کچھ کم نہیں قفس سے مرے حق میں آشیاں فریاد دل کرے نہ گر اخؔتر تو کیا عجب اٹھتا کہیں ہے آگ کے شعلوں سے بھی دھواں؟ ۔۔۔
مزید
جو لطف مرکز چشم حیات ہوجائے قسم خدا کی مری کائنات ہوجائے اسی کا نام ہے ہمدم کمال گویائی فقط نگاہوں نگاہوں میں بات ہوجائے جو آپ زہر سبھی دیں دست ناز سے اپنے یقین ہے کہ وہ آبِ حیات ہوجائے لپک کے گود میں لے لے مجھے مری منزل ہے شرط عزم میں میرے ثبات ہوجائے بربِّ کعبہ میں کعبہ سے کم نہ سمجھونگا دل حزیں جو ترا سومنات ہوجائے نگاہِ یار کے شایاں نہیں مری حسرت ترا کرم ہے اگر التفات ہوجائے خودی کے راز سے ہوجائے باخبر انساں تو زیر خاک وقار منات ہوجائے تِرے نثار مِری تشنگی بھی دیکھ ذرا کہیں خموش نہ ساز حیات ہوجائے کہیں میں بنکے نہ رہ جاؤں حسرتوں کا مزار نگاہِ لطف اے جان حیات ہوجائے غم فراق کی دشواریاں نہ پوچھ اخؔتر کہیں جو دن پہ وہ ٹوٹیں تو رات ہوجائے ۔۔۔
مزید
دل کی سنسنان فضاؤں کو بھی بس جانے دو آرہے ہیں وہ مرے دل کی طرف آنے دو ناصحو! کوچۂ جاناں میں مجھے جانے دو ناوک نرگس میگوں کا مزہ پانے دو یہ بھی ہیں چہرۂ پر نور کے پروانے دو دوش پرکا کل خمدار کو بل کھانے دو ان کی آنکھوں کو نہ تعبیر کروں آنکھوں سے سچ جو پوچھو تو نظر آتے ہیں میخانے دو جرأت ضبط بہت کی ترے آگے لیکن خودبخود ہی چھلک اٹھے مرے پیمانے دو اک ترے ظلم کا اور ایک تباہی کا مری میرے دل میں تو نہاں ہیں یہی افسانے دو خودہی ہوجائے گی بے نام و نشاں تاریکی ٹھہرو پردے کو ذرا رخ سے تو سرکانے دو اس سے بھی آتی ہے خوشبوئے محبت اخؔتر دل پہ ڈھائیں وہ ستم جتنا انھیں ڈھانے دو ۔۔۔
مزید
یہ مانا کہ شایانِ قاتل نہیں ہوں فریب محبت سے غافل نہیں ہوں سر حشر مجھ پر نظر ایسی ڈالی یہ کہنا پڑا ان کا بسمل نہیں ہوں جو دونیم ہوجائے اے تیغ ابرو لئے اپنے پہلو میں وہ دل نہیں ہوں بھٹکنے میں ہے لطف ائے خضر ورنہ میں ناواقف راہ منزل نہیں ہوں ہے یہ ناروا مذہب عاشقی میں ستم سہہ کے کہنا کہ خوش دل نہیں ہوں مرے دل کی آہوں کا اخؔتر کرم ہے کہ منت کشِ شمع محفِل نہیں ہوں ۔۔۔
مزید
چھوڑ دوں گا میں آستانے کو سن تو لیجئے مرے فسانے کو عشق کی اصطلاح میں ہمدم موت کہتے ہیں مسکرانے کو آنکھ ہے اشکباریوں کے لئے دل ہے چوٹوں پہ چوٹ کھانے کو آنچ آئے مگر نہ گلشن پر پھونک دو میرے آشیانے کو ان کے حصے میں گروفا ہوتی ہم کہاں جاتے غم اٹھانے کو ہو مبارک مری خودی مجھ کو حسن آیا ہے خود منانے کو دل کی دنیا اجاڑنے والے آج آئے ہیں دل لگانے کو شمع سوزدروں نے اے اخؔتر روشنی بخش دی زمانے کو ۔۔۔
مزید
نہیں کوئی حاجت تری چارہ گر ہے مداوائے غم میرا درد جگر ہے نقاب رُخِ ذرۂ پرور جو اُلٹی زمانے نے سمجھا طلوع سحر ہے نہ پھر کیوں ہو تشہیر راز محبت لو چشم تمنا مری پردہ در ہے وہ کم تر ہے اک کرمِ شب تاب سے بھی جو منت کش روشنیٔ دگر ہے ستارے بھی ذروں سے شرماگئے ہیں نگاہِ محبت بڑی کارگر ہے مرے دل میں ہیں آج وہ جلوہ فرما مرا دل نہیں نور کا ایک گھر ہے ابھی تو کھنکتے نہیں جام و مینا سحر کیسے ہوگی فریب سحر ہے نہ کوشش کرو مجھ سے چھپنے کی ہرگز سمند تصور مرا تیز تر ہے سمجھنے ہی والا نہیں کوئی ہمدم لئے گود میں داستاں چشم تر ہے الہی مجھے عزم محکم عطا کر محبت کے دریا میں پہلا سفر ہے نہ پہلو میں میرے نہ زلفوں میں ان کی خدا جانے کس جا دلِ معتبر ہے لطافت ہے کانٹوں میں بھی ان کے در کے دیار ان کا اخؔتر بہشت نظر ہے زمیں کو بناؤں گا رشکِ فلک میں ستارے چھپائے مری چشم ترہے مجھے مرتے مرتے ملی زندگانی نگاہِ محبت بڑی کا۔۔۔
مزید
جامِ مے کی دست ساقی میں اُدھر جھنکار ہے اور پہلو میں اُچھلتا یاں دل مے خوار ہے گلستاں میں کس لئے جاؤں بنانے آشیاں اب کہاں شاخ گل گلشن میں تاب بار ہے اے مصور!رنگ غم کی کچھ جھلک اس میں نہیں کیا یہی صنعت کا تیری آخری شہکار ہے میں جدھر ہوں اس طرف ہے صرفِ تنہائی مری جس طرف وہ ہیں وہ اک دنیائے گوہر بار ہے دیکھ جا آکر قیامت اے مرے سروِ سہی صرف میں کیا اِک زمانہ طالب دیدار ہے میں تیرے طرزِ تغافل سے نہیں ہوں بدگماں جانِ جاناں بے رخی میں لذت آزار ہے عشق برہم حسن سے اور حسن برہم عشق سے آج اخؔتر عشق میں اور حسن میں پیکار ہے ۔۔۔
مزید
پیش نظر بھی آئے تو مستور ہوگئے پوشیدہ گویا جلوے سرطور ہوگئے کہدو کہ میرے سامنے آئیں سنبھل کے وہ پیمانے صبر و شوق کے بھرپور ہوگئے وہ بھی جو ہوسکے نہ خراب شرابِ ناب تیری نگاہِ مست سے مخمور ہوگئے اخؔتر غرور سحر طرازی پہ تھا جنھیں ان سے نظر ملاتے ہی محسور ہوگئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مزید
شبنموں کا نرگس خوابیدہ کیا جانے عروج خواب سے دیدہ کبھی نمناک ہوسکتا نہیں ۔۔۔
مزید
چمن کا رنگ ہے دورِ خزاں میں سکون دل نہاں درد نہاں میں چمک جو گرد کوئے یار میں ہے کہاں وہ بات مہر ضوفشاں میں نہ پوچھو شادمانی باغباں کی لگی ہے آگ میرے آشیاں میں نہ چھیڑو نغمۂ الفت نہ چھیڑو ابھی الجھا ہوں میں دورزماں میں جھکاؤں گا نہیں سر دیکھنا ہے کشِش کتنی ہے ان کے آستاں میں قفس جن سے بنا ہے آج میرا یہی تو تیلیاں تھیں آشیاں میں یہ مانا سن تو لو گے داستاں تم سنا نے کی نہیں طاقت زباں میں بہاریں سرفگندہ نقش پا پر چلے اس شان سے وہ گلستاں میں اگر ہے دیکھنا ان کو تو دیکھو مری آنکھوں کے ان اشک رواں میں گرج سے بجلیوں کی ڈرنے والے نشیمن ہے مرا برق تپاں میں گماں اخؔتر ہوا انکی گلی میں پہنچ آیا ہوں میں باغ جناں میں ۔۔۔
مزید
آج بے سایہ ہیں مالک تھے جو ایوانوں کے ان میں جا بیٹھے ہیں فرزند بیا بانوں کے خامشی تیری ہوئی حوصلہ افزائے جنوں سامنے ڈھیر ہیں ٹوٹے ہوئے پیمانوں کے زلف ژولیدۂ محبوب کے بوسے لیتے ہوتے دندان زہے بخت اگر شانوں میں بے حجابانہ ہے کس ہوش رُبا کی آمد جلوۂ شمع سے دل بھر گئے پروانوں کے آمد رشک قمر نازشِ خورشید ہے آج جگمگا اٹھے مقدر ہیں شبستانوں کے سن اے آلام شدائد سے ڈرانے والے عشق تو کھیلتا ہے ساتھ میں طوفانوں کے نظم میخانہ کی اب خیر نہیں ہے ساقی آج دشمن ہوئے دیوانے ہی دیوانوں کے ان کی محفل میں یہ غیروں کی رسائی کیسی ہم نشیں کیا یہی انجام ہیں پیمانوں کے شمع امید فروزاں تھی جہاں سے اخؔتر اسی محفل میں گلے کٹ گئے ارمانوں کے ۔۔۔
مزید
خوش آمدید