ابوالعشراءالدارمی،ان کے نام کے بارے میں اختلاف ہے،کسی نے اسامہ بن مالک بن قہطم، کسی نے بلز،کسی نے مالک بن اسامہ اورکسی نے عطاردبن برز لکھاہے،بعض نے انہیں صحابہ میں شمارکیا ہے،مگریہ غلط ہے،درج ذیل حدیث کے راوی ان کے والد ہیں،"لوطعنت فی فخدھا لاجزاء عنک"اگرتم جانورکی ران میں نیزہ چبھودو،تویہ جائزہوگا،ہم اسامہ کے ترجمے میں اس کاذکرکر آئے ہیں،اورصحبت ان کے والدکوملی اورمالک بن قہطم کے ترجمے میں اس کا ذکرکرآئے ہیں۔ ۔۔۔

ابواسماءشامی،حضورِاکرم کی خدمت میں حاضرہوئے،ان کی حدیث ان کی اولاد نے والد سے یوں بیان کی ہے کہ وہ حضورِاکرم صلی اللہ علیہ وسلم کے دربار میں حاضر ہوئے،بیعت کی،اور آپ سے مصافحہ کیا،اس پر انہوں نے دل میں ٹھان لی،کہ وہ اس ہاتھ سے کسی دوسرے سے مصافحہ نہیں کریں گے،چنانچہ وہ کسی سے ہاتھ نہیں ملاتے تھے،ابن مندہ اور ابونعیم نے ان کا ذکر کیا ہے۔ ۔۔۔

ابوالاسود بن سندرالجذامی،ایک روایت میں ان کانام سندریا عبداللہ بن سندر ہے،یہ درست نہیں ، ان کا نام ابوالاسودابن سندرہے،ان کی حدیث دربارۂ بنواسلم،غفار تجیب مصر میں معروف ہے،انہیں صحبت میسر آئی،ان سے یزید بن ابی حبیب نے بہ سند ابوالخیر روایت کی،ہم ان کا ذکرِ مفصل عبداللہ بن سندر کے ترجمے میں لکھ آئے ہیں،تینوں نے ان کا ذکر کیا ہے۔ ۔۔۔

ابوعطیتہ البکری از بنوبکر بن وائل،ان سے مروی ہے،کہ ان کے اہل خاندان انہیں(جب وہ ابھی لڑکے تھے)لے کر حضورِاکرم کی خدمت میں لائے،ان سے مسکین بن عبداللہ ابوفاطمہ ازدی نے روایت بیان کی کہ مجھے لے کر حضوراکرم کی خدمت میں لائے،اورمیں ابھی نوجوان لڑکاتھا، میں نے ابوعطیہ کو اس وقت دیکھا جب وہ سجستان کے لوگوں کو مدینے میں جمع کررہے تھےاوروہ شہرسے میل بھر دُورفروکش تھے،میں نے ابوعطیہ کو اس وقت دیکھا،ان کی ڈاڑھی اور سرکے بال سفید ہوچکے تھے،اورسرپر سفید پگڑی باندھ رکھی تھی،ابن مندہ اور ابونعیم نے ان کا ذکرکیاہے۔ ۔۔۔

ابوعطیتہ الوداعی،شامی صحابہ میں شمارہوتے ہیں،ان کی صحبت میں اختلاف ہے،طبرانی اورمطین نے انہیں صحابہ میں شمارکیاہے۔ ابوموسیٰ نے اجازۃً ابوغالب کوشیدی سے،انہوں نے ابوبکربن ریدہ سے،انہوں نے ابوالقاسم طبرانی سے،انہوں نے ابراہیم بن محمد بن عوف الحمصی سے،انہوں نے محمد بن مصفی سے،انہوں نے بقیہ سے،انہوں نے بجیر بن سعدسے،انہوں نے خالد بن معدان سےروایت کی کہ حضوراکرم صلی اللہ علیہ وسلم کی مجلس میں ایک مرنے والے کا ذکر ہورہاتھا،آپ نے دریافت فرمایا،آیاتم سے کسی نے اسے کوئی نیک کام کرتے دیکھاہے،ایک آدمی نے گزارش کی ،یارسول اللہ !میں اور وہ ایک رات، اللہ کی راہ میں بغرض چوکیداری جاگتے رہے تھے،حضورِاکرم صلی اللہ علیہ وسلم اہلِ مجلس کے ساتھ اُٹھے اور آپ نے اس کی نمازجنازہ پڑھائی،اورجب اسے قبرمیں اتاراگیا،توآپ نے اس پر مٹی ڈالتے ہوئے فرمایا،تمہارے ساتھیوں کا گمان ہے،کہ تم دوزخی ہو،لیکن میں اس امرکی ۔۔۔