بن مسعود: ابن ماکولا نے ان کا نام ہدم نہ کسرۂ اول و سکون دوم لکھا ہے اور ان کا نسب ہدم بن مسعود بن عدی بن بجاد بن مالک بن غالب بن قطیعہ بن عبس العبسی ہے یہ ان نو آدمیوں میں شامل تھے جو ان کے قبیلے سے آپ صلی اللہ علیہ وسلم کی خدمت میں حاضر ہوئے تھے یہ ابن کلبی کا قول ہے ابو موسیٰ نے ان کا ذکر کیا ہے۔۔۔۔

ابن ابی الدنیا نے عبد اللہ بن عمر رضی اللہ عنہ کی حدیث کے بعد ذکر کیا ہے کہ دو معذور میاں بیوی کا ایک لڑکا تھا وہ مرگیا حضور اکرم صلی اللہ علیہ وسلم کو معلوم ہوا تو فرمایا اگر کسی دوسرے آدمی کی وجہ سے چھوڑ دیا جاتا تو اس لڑکے کو معذور والدین کی خاطر چھوڑ دیا جاتا اس کے بعد ابن ابی الدنیا نے کہا کہ یعقوب بن عبید نے قبیصہ سے انہوں نے ابو السوداء سے انہوں نے ابن سابط سے روایت کی کہ رسولِ اکرم صلی اللہ علیہ وسلم نے فرمایا کہ اگر کسی کو کسی ضرورت کے پیشِ نظر یا کسی کی مفلسی کی خاطر چھوڑ دیا جاتا تو ہدیل کو اس کے والدین کی خاطر زندہ رہنے دیا جاتا۔ ابو موسیٰ نے ان کا ذکر کیا ہے۔۔۔۔

بن عبد اللہ بن علقمہ بن مطلب بن عبد مناف یہ اور ان کے بھائی جنادہ جنگ یمامہ میں شہید ہوئے تھے حضور صلی اللہ علیہ وسلم سے ان کی صحبت مذکور نہیں ابن اثیر کہتے ہیں بلاشبہ انہیں یہ شرف حاصل ہوا کیونکہ ابو عمر نے ان کے بھائی جنادہ کا ذکر کیا ہے اور لکھا ہے کہ انہیں جنگ یمامہ میں شہادت نصیب ہوئی ابو موسیٰ اور ابو عمر دونوں نے ان کے والد عبد اللہ کا ذکر کیا ہے ان کی کنیت ابو نیقہ تھی اور حضور اکرم صلی اللہ علیہ نے انہیں خیبر میں جاگیر عطا کی تھی۔ اس سے ان کے اسلام اور شرفِ صحبت کا علم ہوتا ہے نیز فتح مکہ کے بعد قریش میں کوئی ایسا آدمی نہیں رہ گیا تھا جو مسلمان نہ ہوگیا ہو علاوہ ازیں حضور اکرم صلی اللہ علیہ وسلم کی وفات اور جنگ یمامہ کے درمیان زیادہ عرصہ نہیں تاکہ کہا جاسکے کہ جناب ہذیم حضور صلی اللہ علیہ وسلم کے بعد اسلام لائے ہوں گے۔ واللہ اعلم ابو عمر نے ان کا نام ہریم لکھا ہے۔۔۔۔

ایک روایت کے رو سے ان کا نام کیسان تھا اور حضور اکرم صلی اللہ علیہ وسلم کے آزاد کردہ غلام تھے عطاء بن سائب سے مروی ہے کہ میں حضرت علی رضی اللہ عنہ کی صاحبزادی ام کلثوم کی خدمت میں حاضر ہوا انہوں نے فرمایا کہ مجھے ہرمز یا کیسان نے بتایا کہ حضور صلی اللہ علیہ وسلم نے فرمایا کہ ہم صدقات کا مال نہیں کھاتے ایک روایت میں ان کا نام مہران یا میمون بھی بیان ہوا ہے۔ ابو احمد عسکری نے ان کا ذکر کیا ہے اور لکھا ہے کہ حضور صلی اللہ علیہ وسلم کے آزاد کردہ غلام کیسان، ہرمز ہی تھے ابن ابی خیشمہ وغیرہ نے ان کا ترجمہ اسی طرح بیان کیا ہے وہ لکھتے ہیں کہ کیسان آل ابی طالب کے آزاد کردہ غلام تھے اور غزوۂ بدر میں موجود تھے ابن مندہ اور ابو نعیم نے ان کا ذکر کیا ہے۔۔۔۔

بن عبد اللہ بن رفاعہ بن نجدہ بن مجدعہ بن عامر بن کعب بن واقف ان کا نام مالک بن امرؤ القیس بن مالک بن اوس انصاری اوسی واقفی ہے جناب ہرمی قدیم الاسلام ہیں اور ان لوگوں میں شامل تھے جو غزوۂ تبوک کے موقعہ پر حضور اکرم صلی اللہ علیہ وسلم کی خدمت میں سواری کے لیے حاضر ہوئے تھے اور جب خواہش پوری نہیں ہوئی تھی تو روتے واپس ہوئے تھے یہ ابو عمر کلبی ابو نعیم کا قول ہے ہاں اتنا فرق ضرور ہے کہ ابو عمر کے نزدیک ان کا نام ہرم انصاری ہے اور بنو عمر بن عوف سے ہیں کیونکہ بنو واقف ابن کے حلیف تھے اس لیے جنابِ ہرم کو بھی بنو عمرو بن عوف سے سمجھ لیا گیا۔ ابن مندہ لکھتے ہیں کہ ہرمی بن عبد اللہ واقفی کا شمار صحابہ میں ہوتا ہے لیکن بغیر ثبوت کے اور انہوں نے ابن اسحاق سے انہوں نے ثمامہ بن قیس سے انہوں نے ہرمی بن عبد اللہ سے روایت کی جو حضو اکرم صلی اللہ علیہ وسلم کے زمانے میں تھے اور انہیں صحابہ کی صحبت میسر آئی۔۔۔