دبرہ بن تحبس بھی ایک روایت میں آیا ہے مگر یہی بہتر ہے اور درست ہے۔ رسول اکرم نے انہیں یمن میں الابناء کی طرف بھیجا تھا۔ ابو عمر نے ان کا اختصاراً ذکر کیا ہے۔ ۔۔۔

ایک روایت میں حکیم بن معاویہ ہے۔ علاء بن حارث نے حزام بن حکیم سے، انہوں نے اپنے چچا مخمر سے روایت کی کہ انہوں نے حضور اکرم صلی اللہ علیہ وسلم سے اس مائع کے بارے میں جو پیشاب کے بعد بعض اوقات نکلتا ہے دریافت کیا۔ فرمایا یہ مذی ہے، جب تمہیں ایسی حالت پیش آئے تو آلۂ تناسل کو دھو کرنماز کے لیے وضو کرلو۔ اسی طرح مخمر سے منقول ہے، لیکن صحیح نام حکیم بن معاویہ ہے۔ تینوں نے اس کا ذکر کیا ہے۔ ہاں ابو عمر نے ان کا نام مخمر بن معاویہ البہزی تحریر کیا ہے۔ انہوں نے حضور اکرم سے سُنا کہ نحوست کوئی چیز نہیں۔ ابو احمد عسکری نے اس کا ذکر کر کے لکھا ہے کہ مخمر بن معاویہ حیدۃ القشیری نے روایت کی کہ اُنہیں باسنادہ سلیمان بن سلیم الکنانی نے حکیم بن معاویہ سے اُنہوں نے اپنے چچا مخمر بن حیدہ سے بیان کیا۔ کہ اُنہوں نے حضور اکرم صلی اللہ علیہ وسلم سے سنا کہ نحوست کوئی چیز نہیں۔ البتہ کبھ۔۔۔

بن حارث بن عوف بن ثعلبہ بن عامر بن ذہل بن مازن بن ذبیان بن ثعلبہ بن دؤل بن سعد مناہ بن غامد الازوی الغامدی: انہیں صحبت میّسر آئی۔ ان سے ابور ملہ نے روایت کی۔ ان کا نام عامر تھا۔ ان کا شمار کوفیوں میں ہوتا ہے۔ اور کوفے میں بنو ازد کے نقیب تھے۔ ایک روایت میں وہ بصری تھے۔ حضرت علی رضی اللہ عنہ نے مخنف کو اصفہان کا حاکم مقرر کیا۔ وہ جنگِ صفین میں بھی شریک تھےا ور بنوازد کا علم ان کے پاس تھا اور وہ ان کی اولاد سے تھے۔ ابو مخنف لوط بن سعید بن مخنف بن سلیم مورخ اور سیرت نویس تھے۔ ہمیں ابراہیم بن محمّد وغیرہ نے اپنے اسناد سے ابو عیسیٰ سے بیان کیا، انہیں احمد بن منیع نے، انہیں روح بن عبادہ نے انہیں ابن عون نے، انہیں ابو رملہ نے مخنف بن سلیم غامدی سے بتایا کہ ہم نے حضور اکرم صلی اللہ علیہ وسلم کے ساتھ عرفات میں وقوف کیا ہوا تھا، کہ حضور صلی اللہ علیہ وسلم کو فرماتے سُنا،۔۔۔

ان سے ابو بلال مبین بن قطبہ بن ابی عمرہ نے روایت کی کہ وہ حضور صلی اللہ علیہ وسلم کی خدمت میں حاضر ہوئے، اور دومتہ الجندل کا قصّہ بیان کیا۔ اور جب ختم کر چکا، تو آپ صلی اللہ علیہ وسلم نے میرے رزق میں وسعت کی دعا فرمائی۔ ابو علی غسانی نے ان کا ذکر کیا۔ ۔۔۔

الازدی الغامدی: انہیں صحبت میسر آئی۔ یہ شامی شمار ہوتے تھے۔ ان سے ولید بن عبد الرحمن الحرشی نے روایت کی۔ ہمیں یحییٰ بن محمود نے اجازتاً با سنادہ ابن ابی عاصم سے، انہیں ہشام بن خالد نے ولید بن مسلم سے اس نے عبد الغفار بن اسماعیل بن عبید اللہ سے، انہوں نے ولید بن عبد الرحمٰن جرشی سے، انہوں نے مدرک بن حارث الغامدی سے روایت کی۔ کہ مَیں نے ایک سال اپنے والد کے ساتھ حج کیا۔ ایک دن ہم منی میں تھے کہ وہاں بہت سے لوگ ایک آدمی کے گرد جمع تھے مَیں نے والد سے اس ہجوم کے بارے میں پوچھا۔ کہا کہ یہ صابی ہے جس نے اپنے باپ دادا کا دین چھوڑ دیا ہے۔ پھر میرا والد اونٹنی پر سوار ان لوگوں کے پاس جا کھڑا ہوا مَیں بھی اپنی اونٹنی پر وہاں جا کھڑا ہوا۔ وہ لوگ باتیں کرنے کے بعد اسے چھوڑ کر چلے گئے۔ میرا والد وہیں کھڑا رہا تاآنکہ وہ سب لوگ تھک گئے، دن گرم ہوگیا اور وہ سب رُخصت ہوگئے۔ اس اث۔۔۔