ابنِ نضلہ رضی اللہ عنہ،ابومنصور بن مکارم بن احمد مؤدب نے باسنادہ معانی بن عمران سے،انہوں نے اوزاعی سے،انہوں نے ابوعبید حاجب سلیمان بن عبدالملک سے،انہوں نے قاسم بن مخیمرہ سے، انہوں نے ابن نضلہ سےروایت کی،لوگوں نے حضوراکرم صلی اللہ علیہ وسلم سے درخواست کی،یارسول اللہ قحط کے غلوں کانرخ مقرر فرمادیجئے،آپ صلی اللہ علیہ وسلم نے فرمایاخدانے اس قحط کے بارے میں جوتم میں نمودارہواہے،نہیں بتایااوراس کے بارے میں مجھے کوئی ہدایت نہیں دی، اس لیے اللہ کے فضل کاسوال کرو،ابن مندہ اورابونعیم نے ذکرکیاہے۔ ۔۔۔

ابنِ قسحم رضی اللہ عنہ،مسعربن کدام نے ابوبکربن حفص سےروایت کی کہ رسول کریم صلی اللہ علیہ وسلم نے بدرکےدن یہ آیت تلاوت فرمائی،" وسارعواالٰی مغفرۃ من ربکم و جنتہ عرضھا السمٰوات والارض"، یہ سُن کرایک انصاری ابن قسحم نے پوچھا،یارسول اللہ میرے اور اس کےدرمیان کتنافاصلہ ہے،تاکہ میں اس میں داخل ہوجاؤں،فرمایا!کفارکےلشکرکامقابلہ کرو اورفرمان الٰہی کی تصدیق کرو،ان کے ہاتھ میں چندکھجوریں تھیں،جوانہوں نےپھینک دیں اورصفوں میں گھس گئے،تاآنکہ شہیدہوگئے،ابوموسیٰ نےذکرکیاہے۔ ۔۔۔

ابنِ ربعہ الخزاعی،بخاری نے انہیں صحابہ میں شمارکیاہے،ابراہیم بن سعدنے سلیمان بن کثیرسے، انہوں نے ابن ربعہ خزاعی سے(ان کی ماں کا نام سہمیہ تھااوریہ زمانہ جاہلیت کے تھے،انہیں حضور کازمانہ نصیب ہوا)روایت کی،کہ وہ مختار ثقفی کے زمانے میں کوفےمیں آئے،اورآپ صلی اللہ علیہ وسلم سےایک حدیث روایت کی،جس میں یہ فقرہ شامل تھا،" ماکنت لاکذب علی رسول اللہ صلی اللہ علیہ وسلم" میں رسول اکرم صلی اللہ علیہ وسلم سے کوئی جھوٹ منسوب نہیں کروں گا، ابن مندہ اورابونعیم نے ان کا ذکرکیاہے۔ ۔۔۔

ابنِ شیبہ رضی اللہ عنہ،جعفرنے باسنادہ تاحمادبن سلمہ،عبدالملک بن عمیرسے،انہوں نے ابن ابی شیبہ سے،انہوں نےرسولِ اکرم صلی اللہ علیہ وسلم سے روایت کی،آپ صلی اللہ علیہ وسلم نے فرمایا، جب تمہاری محفل میں کوئی شخص آئے،توچاہیےکہ اپنےبھائی کےلیےجگہ بناؤتاکہ وہ بیٹھ جائے،کیونکہ یہ عزت افزائی ہے،اللہ اس کی عزت افزائی کرے گااوراگرایسانہ ہوسکے تواسے چاہیئے کہ جہاں جگہ ملے،وہاں بیٹھ جائے،ابوموسیٰ نے ذکرکیاہے،مگراس کے اسناد میں اختلاف ہے۔ ۔۔۔

ابورویحہ الفرعی،بنوخثعم سے تھے،وہ حضورِاکرم صلی اللہ علیہ وسلم کی خدمت میں حاضرہوئے اور آپ صحابہ میں مواخات قائم فرمارہے تھے،ابوموسیٰ نے جعفرالمستغفری سے یہ قول نقل کیا ہے، ابوعمرکاقول ہے کہ آپ نے ابورویحہ خثعمی اور بلال بن رباح کے درمیان رشتۂ مواخات قائم کیا تھا، بلال بھی کہاکرتے کہ حضورِاکرم صلی اللہ علیہ وسلم نے ہمیں بھائی بھائی بنایاتھا۔ ابورویحہ سے مروی ہے کہ حضورِاکرم کی خدمت میں حاضرہوئے،توآپ نے میرے لئے ایک عَلم بنوایا،اورفرمایا،کہ اسے لے کر نکلو،اورمنادی کرو،کہ جو اس عَلم کے نیچے آجائے گا وہ محفوظ اور مامون ہوگا۔ ابورویحہ کا نام عبداللہ بن عبدالرحمٰن تھا،اور وہ شامی شمارہوتے تھے،یہ ابوعمر کاقول ہے اور ابوعمر اور ابوموسیٰ نے ان کا ذکر کیا ہے۔ ابن اثیر کہتے ہیں،ابوموسیٰ نے اس ترجمے کو پہلے ۔۔۔