ابواسید الساعدی،ان کا نام مالک بن ربیعہ یا بلال بن ربیعہ تھا،لیکن مالک زیادہ مشہور ہے،ہم مالک کے ترجمے میں ان کا نسب بیان کرآئے ہیں،یہ بنوساعدہ سے انصاری خزرجی ہیں،غزوۂ بدر میں شریک تھے،ابوجعفر نے باسنادہ یونس سے انہوں نےابنِ اسحاق سے بہ سلسلۂ شرکائے بدراز بنوساعدہ مالک بن ربیعہ کا نام لیا ہے،وہ حجازی تھے،ان سے سعد بن سہل نے روایت کی،وہ کہنے لگے اگر میری آنکھیں بے نور نہ ہوجاتیں،تومیں آپ کو وہ گھاٹی دکھاتا،جہاں غزوۂ بدر میں ہماری امداد کو فرشتے نکلے تھےابواسید نے ۶۰ہجری یا ۶۵ہجری یا ۳۰ہجری میں وفات پائی،ابوعمر آخری روایت کو غلط قرار دیتے ہیں،کیونکہ انہوں نے شرکائے بدر میں سب سے زیادہ عمر پائی تھی، ان کا قد چھوٹا،بال گھنے اور داڑھی سیاہ تھی،ایک روایت کے مطابق مہندی لگاتے تھے،اور ان کی عمر ۸۷ برس تھی،ابونعیم ،ابوعمر اور ابوموسیٰ نے ان ۔۔۔

ابواسید بن ثابت انصاری یا عبداللہ بن ثابت ،مدنی تھے،ان سے عطاء الشامی نے روایت کی،حضورِ اکرم نے فرمایا،کہ زیتون کا تیل کھاؤ،اور سر پر لگاؤ،کیونکہ یہ ایک مبارک درخت سے حاصل ہوتا ہے،لیکن اس حدیث کا استاد درست نہیں،اسید میں ہمزے پر زیربھی پڑھی گئی ہے،اور پیش بھی،یہ ابوعمر کا قول ہے،عبداللہ بن ثابت کے ترجمے میں ان کا ذکر آچکاہے،تینوں نے ان کا ذکر کیا ہے۔ ۔۔۔

ابوالوقاص،مَطَر نےحسن سے،انہوں نے ابووقاص سے جوحضورِاکرم کے مصاحب تھے،روایت کی کہ اللہ کے یہاں سے مؤذنوں کووہ اجرملے گا،جونمازیوں کو ملے گا،جب وہ راہِ خدامیں اپنے خون میں لَت پَت ہوتے ہیں،حضرت عمرکہاکرتے،اگرمیں مؤذن ہوتا،تومیرامقصدِحیات پوراہوجاتا، ابوموسیٰ نے بھی اسی طرح بیان کیاہے،لیکن حضورکا نامِ مبارک نہیں لیا۔ ۔۔۔

ابوالیتقان رضی اللہ عنہ،بخاری نے انہیں صحابی لکھاہے،لیکن ان سے کوئی حدیث روایت نہیں کی،یہ ابنِ مندہ اورابونعیم کاقول ہے،ابوعمرکاقول ہے،ان کاذکر ان صحابہ میں آیاہےجومقیم مصرہوگئے تھے،ان سے ابوعشانہ نے روایت کی،انہوں نے ابوعشانہ سے کہا،اے ابوعشانہ! تمہیں مبارک ہو،کہ تم حضوراکرم صلی اللہ علیہ وسلم کا اتنااحترام کرتے ہو،حالانکہ تم نے انہیں نہیں دیکھااورتم اکثران لوگوں سے بدرجہابہترہو،جنہوں نے حضورکی زیارت کی،ابنِ ابی حاتم لکھتے ہیں، کہ ابوزرعہ نے مسند ابوالیتقان میں اس حدیث کاذکرکیاہے۔ ۔۔۔

ابوزمعہ البلوی،ان کا نام عبیدبن ارقم تھا،اور بیعتِ رضوان میں شریک تھے،مصرمیں سکونت اختیار کی،اور معاویہ بن خدیج کے زیرِ کمان،جہاد افریقہ میں شریک رہے اور وہیں وفات پائی، انہوں نے وصیت کی تھی کے بعدازتدفین ان کی قبر کو زمین کے ہموارکردی جائے،چنانچہ انہیں قیروان میں ایک مقام پر جسے البلویتہ الیوم کہاجاتاتھا،دفن کیاگیا۔ ابن لہیعہ میں عبیداللہ بن مغیرہ سے،انہوں نے ابوقیس مولیٰ بنوجمح سے روایت کی،کہ انہوں نے ابوزمعہ بلوی سے جو اصحاب شجرہ سے تھے،سنا،کہ انہیں عبداللہ بن عمرو بن عاص کے بارے میں بتایاگیا کہ اس نے بعض لوگوں پر سختی کی ہے،توابوزمعہ نے کہا،کہ لوگوں پر تشدد نہ کیا جائے، انہوں نے حضورِ اکرم صلی اللہ علیہ وسلم سے سنا،کہ بنی اسرائیل میں ایک شخص نے ننانوے ۹۹قتل کئے،پھر وہ ایک راہب کے پاس گیا،اور دریافت کیا،آیااس کی توبہ قب۔۔۔