دل کے داغوں کو شرربار کروں یا نہ کروں آپ کو یاد پھر اک بار کروں یا نہ کروں محفل شمع نظر آتی ہے سونی سونی شکوۂ روئے پر انوار کروں یا نہ کروں عشق افسانوں میں محدود نہ رہ جائے کہیں اپنے دل کو میں سردار کروں یا نہ کروں بزم میں ان کی اندھیرا ہے الٰہی اندھیر اپنے اشکوں کو ضیابار کروں یا نہ کروں کون سنتا ہے مرے غم کا فسانہ امروز ہمنشیں جرأت گفتار کروں یا نہ کروں دم آخر بھی نہ آئیں وہ یہاں پر شاید آنکھ کو طالب دیدار کروں یا نہ کروں چکھ لیا میں نے مزہ پھول کی رنگینی کا آرزوئے خلش خار کروں یا نہ کروں دیکھا جاتا نہیں انداز غرور اے اخؔتر حسن کے لطف سے انکار کروں یا نہ کروں ۔۔۔
مزید
جب یاد تیری آئی ہے پہلو میں درد بن کے جھونکے برے لگے ہیں پھر نکہت چمن کے پھر کیسے مسکرائیں یہ ننھی ننھی کلیاں جب باغباں ہے گلچیں حق میں گل چمن کے اس وقت کیا کریں گے ہم جبکہ اے ستمگر یادیں تمہاری آئیں ہر جوڑ سے بدن کے کھاتا رہا میں دھوکا آزادیوں کا ہمدم آئے قفس میں جھونکے جب جب مرے چمن کے کوئی ادا بھی ہوگی اب کارگر نہ مجھ پر میں نے سمجھ لئے ہیں انداز پُرفتن کے اخؔتر تری غزل میں تابائی ہنر ہے تم بھی ہو اک ستارے آفاق اہل فن کے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مزید
پھر رہا ہوں تری یاد ہر سولئے دل معطر ہے خوشبوئے گیسولئے تو نے اشک عنادل سے سیکھی ہنسی میں نے گل کے تبسم سے آنسو لئے آج خوش خوش نسیم سحرچار سو پھر رہی ہے تری زلف کی بولئے بھول جاؤں میں یہ مجھ سے ممکن نہیں آپ کو بھولنا ہو اگر بھولئے جس طرف اٹھ گئیں قسمتیں پھر گئیں تیری آنکھیں بھی ہیں ایک جادو لئے یہ گماں دیکھ کر ان کو اخؔتر ہوا مہرباں آگیا تیغِ آبرو لئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مزید
یہ راز ہے جو ملتے ہیں سب سے خوشی سے ہم دل میں غبار رکھتے نہیں ہیں کسی سے ہم تیرے کرم کا تیری عنایت کا شکریہ مانوس ہو چلے ہیں کچھ اب زندگی سے ہم یہ بھی ہے ایک پیار کا انداز دلنواز اندوہگیں نہیں ہیں تری بےرخی سے ہم ہرشئ فنا پذیر عدم رو ہے ہم نشیں کیوں خوف کھائیں عشق میں تیرہ شبی سے ہم ہرسمت شمع سوزِ دروں سے ہے روشنی کیوں خوف کھائیں بڑھتی ہوئی تیرگی سے ہم رنگینئ مجاز حقیقت نما ہوئی منزل پہ پہونچے سلسلۂ عاشقی سے ہم ابوب ناامیدی کی اڑجائیں دھجیاں گر کام لیں امید کے نقش جلی سے ہم اخؔتر ہیں تجھ پہ خاص عنایات والتفات الجھے پڑے ہوئے ہیں یہاں بیکسی سے ہم ۔۔۔
مزید
نغمہ زا زندگی کا تار نہ ہو خندہ زن چشم اشکبار نہ ہو سوچتا ہوں تو کانپ جاتا ہوں بیقراری کہیں قرار نہ ہو زندگی بے قرار رہتی ہے سایۂ زلف مشکبار نہ ہو قبل محشر نہ حشر ہوجائے جلوۂ یار آشکار نہ ہو محفل ناز میں ہے آپہونچا دل کہیں آج داغدار نہ ہو کوئے جاناں میں جاکے اے ناصح یہ تو ممکن نہیں شکار نہ ہو جس کو خورشید لوگ کہتے ہیں وہ کہیں نقش پائے یار نہ ہو ذرے ذرے میں شان اخؔتر ہے یہ کہیں خاکِ کوئے یار نہ ہو ۔۔۔
مزید
سوئے گلشن ابر اٹھتا ہے کہ اٹھتا ہے دھواں دیکھئے جلتا نہ ہو شاید ہمارا آشیاں کس طرح ہو پھر تمیز مہرباں، نامہرباں پھر رہے ہیں سوبسو گلچیں بشکل باغباں پھر ہمیں پہ ہے یہ کیوں الزام فریاد و فغاں کس کو حاصل ہے جہاں میں ساعتِ امن و اماں کاروانِ کفر و ایماں راہ میں بھٹکا کئے اور مجھ کو مل گیا ہے اپنی منزل کا نشاں چشم حیراں نے جو دیکھا دفعتہً چہرہ ترا سمجھا، گیتی پر اُتر آیا ہے خورشید جہاں کا کل پر پیچ میں ان کے تلاشی لیجئے میرے پہلو میں کہاں ہے میرا دل اے ہم زباں تھا کبھی شیریں زبانی کا ترے چرچا مگر تو نے خود بدلا ہے اخؔتر اپنا اندازِ بیاں ۔۔۔
مزید
ادائے بے رُخی نے مار ڈالا تری فتنہ گری نے مار ڈالا ترا طرز بیاں اللہ رے توبہ تکلم کی لڑی نے مار ڈالا سکونِ خاطر غمگیں کہاں ہے گلوں کی تازگی نے مار ڈالا وصال یار شاید ہو میسّر فراق دائمی نے مار ڈالا جمال روئے روشن اللہ اللہ تری جلوہ گری نے مار ڈالا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مزید
چاک ہوتا ہے کلیجہ لب پہ آتی ہے ہنسی خاطر غنچہ کبھی غم ناک ہوسکتا نہیں ۔۔۔
مزید
غزل شعلے بھڑک رہے ہیں دل بیقرار میں بیٹھا ہوں رہگذر پہ ترے انتظار میں رشک گلاب نازش بوئے گل چمن ایسی بسی ہوئی ہے مہک زلف یار میں رضواں تمہیں قسم ہے تمہاری بہشت کی ہرگز قدم نہ رکھنا کبھی کوئے یار میں حاصل کہاں ہے دائرہ آفتاب کو جو روشنی ہے ان کے سراب دیار میں اخؔتر نہیں مجالِ جنوں ہوش کو سنبھال سوء ادب ہے بولنا بزم خیار میں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مزید
قفس سے چھٹ کر خیال تھا گلستاں میں آسودگی ملے گی مجھے تھا معلوم کیا فضائے چمن ہی بدلی ہوئی ملے گی لباسِ بیگانیت میں ملبوس ذرہ ذرہ نظر پڑے گا ہر ایک گل زہر خند ہوگا کلی میں بھی برہمی ملے گی چمن ہی والوں کے ہاتھ اڑتی ملے گی خاک چمن چمن میں گلوں میں سختی نوائے مرغ چمن میں تلخی بھری ملے گی نہ بزم رنداں نہ شورساغر نہ دور جامِ مئے گلابی نہ میکدے میں صدائے تشنہ لباں مجھے گونجتی ملے گی نہ جلوۂ صبح و تابش مہر نہ درخشانیاں قمر کی اٹھے گی جس سمت چشم مضطر تسلط تیرگی ملے گی قفس کی ہی سختیاں اٹھاتا یہ علم مجھ کو ذرا بھی ہوتا کہ ضوفشانی شمع سوزدروں میں بھی کچھ کمی ملے گی رہیں سلامت مرے عزائم تو دیکھ لے گا زمانہ اخؔتر کہ سینۂ تیرگی سے گلشن کو ایک دن روشنی ملے گی چمن کی رنگینیاں چمن میں چمن کو رشکِ چمن کریں گی گلوں کو پھر تازگی ملے گی کلی کلی کو ہنسی ملے گی ہویدا تخریب گلستاں سے نوید تعمیر گلستاں ہے قسم خ۔۔۔
مزید
پھر وہی شوخ نظر یاد آیا راحت قلب و جگر یاد آیا کھنچتے دیکھا جو کمان ابرو ہم غریبوں کو جگر یاد آیا دیکھ کر ان کو میر میخانہ چار دہ شب کا قمر یاد آیا باز آئے طلب جنت سے دفعتاً جب تیرا گھر یاد آیا خود بخود ہلنے لگے میرے قدم روبرو وہ ستم ایجاد آیا دیکھ کر محفل رنداں سونی اخؔتر خستہ جگر یاد آیا ۔۔۔
مزید
آغاز عشق ہمدم انجام تک نہ پہونچے آجائے صبح ایسی پھر شام تک نہ پہونچے میدان عاشقی میں چلنا سنبھل سنبھل کر یہ دل لگی تمہاری الزام تک پہونچے ملنا تو اس حسیں سے اک وہم ہے جنوں کا لیکن یہ ظلم کیسا پیغام تک نہ پہونچے منت کشی سے بہتر محرومیاں ہیں میری اچھا ہوا جو بزمِ انعام تک نہ پہونچے کس طرح اس نظر کو اخؔتر نظر کہوں میں آغاز کو تو دیکھے انجام تک نہ پہونچے ۔۔۔
مزید
خوش آمدید