ایک روایت میں ان کا نام مالک بن عوف بن نضلہ بن خدیج بن حبیب بن حدید بن غنم بن کعب بن عصیمہ بن جشم بن معاویہ بن بکر بن ہوازن الجشمی مذکور ہے۔ یہ صاحب ابوالاحواص جشمی کے والد اور عبداللہ بن مسعود کے ساتھی تھے۔ ان سے ابوالاحوص نے جن کا نام عوف بن مالک تھا، روایت کی ہے۔ ہمیں ابراہیم بن محمد وغیرہ نے اس اسناد سے جو ابوعیسیٰ ترمذی تک پہنچتا ہے بتایا کہ ہم سے بندار، احمد بن منیع اور محمود بن غیلان نے بیان کیا کہ ہمیں ابو احمد نے سفیان سے اُس نے ابواسحاق سے اُس نے ابوالاحوص سے اس نے اپنے والد سے یہ روایت بیان کی کہ انھوں نے حضور اکرم صلی اللہ علیہ وسلم سے دریافت کیا، ’’یارسول اللہ میں ایک آدمی کے پاس سے گزرتا ہوں۔ وہ نہ تو مجھے کھلاتا پلاتا ہے اور نہ مجھے مرحبا ہی کہتا ہے۔ اگر کبھی اس کا گزر میرے پاس سے ہوا تو کیا میں بھی اس سے ایسا ہی سلوک کروں۔‘‘ فرمایا، نہیں بلکہ تم اس ۔۔۔

ام الجلاس التمیمیہ،یہ خاتون عبداللہ بن عیاش بن ابی ربیعہ مخزومی کی والدہ تھیں،اور ان کا نام اسماء تھا،ہم ان کا ذکر پہلے کرآئے ہیں،ابوعمرنے ان کا ذکر کیا ہے۔ ۔۔۔

ام کرز خزاعیہ کعبیہ،ان سے ابن عباس حبیبہ دختر میسرہ،مجاہد اور عطار بن ابی رباح نے روایت کی یحییٰ نے کتابتہً ابنِ ابی عاصم سے،انہوں نے محمد بن خالد بن عبداللہ واسطی سے،انہوں نے والد سے، انہوں نے سعید بن ابی عروبہ سے،انہوں نے قتادہ سے،انہوں نے عطاء سے ،انہوں نے ابن عباس سے،انہوں نے ام کرز خزاعیہ سے روایت کی کہ انہوں نے حضورِ اکرم سے عقیقے کے بارے میں دریافت کیا،آپ نے لڑکے کے لئے دو جوان بکرے اور لڑکی کے لئے ایک بکرابتایا۔ اس اسناد میں عطاء پر اختلاف ہے،ایک سلسلے میں عطاء نے ام کرز سے روایت کی اور ایک دوسرے سلسلے میں عطاء نے حبیبہ دختر میسرہ سے اور انہوں نے ام کرز سے روایت کی اور عینیہ نے اس روایت کو عبیداللہ بن ابویزید سے،انہوں نے اپنے والد سے،انہوں نے سباع بن ثابت سے،انہوں نے ام کرز سے بیان کیا،اور ابو احمد بن علی صوفی نے باسنادہ ابوداؤد سجستانی سے،انہوں نے مسدد ۔۔۔

ام الخیر دختر صخر بن عامر بن کعب بن سعد بن تیم بن مرہ قرشیہ تیمیہ،ان کا نام سلمیٰ تھا،اور وہ ابوبکر صدیق کی والدہ تھیں،بقول زبیر انہوں نے رسولِ کریم صلی اللہ علیہ وآلہٖ وسلم سے بیعت کی۔ قاسم بن محمد نے جناب عائشہ سے روایت کی،کہ جب حضرت ابوبکر نے اسلام قبول کیا،تو انہوں نے پہلا خطبہ دیا،اور لوگوں کو خداکی عبادت اور رسولِ اکرم کی اطاعت کی طرف بُلایا،اس پر مشرکین مکہ نے ابوبکرپر حملہ کردیا،اور انہیں بُری طرح زدوکوب کیا،عتبہ بن ابوربیعہ حضرت ابوبکر کے قریب کھڑاتھا،وہ اپنے جوتوں سے جن میں نعل لگے تھے،ان کے منہ پر ٹھوکریں مارتا رہا،تا آنکہ ان کی ناک چہرے کہ برابر ہوگئی،اس کےبعد وہ ان کے پیٹ کو مارتا رہا،اور وہ گوشت کا ایک لوتھڑا بن گئے۔ جب بنو تیم کو معلوم ہوا تو وہ آئے اور انہیں کپڑے میں ڈال کر لے گئے،اور انہیں ان کی موت کا یقین ہوگیا،حضرت ابوبکر کے والد اس ان کے۔۔۔

ام کلثوم دختر عباس طب عبدالمطلب،حضور اکرم صلی اللہ علیہ وآلہ وسلم کا زمانہ پایا،ان کی والدہ کا نام ام سلمہ دختر محمید بن جزء الزبیدی تھا،دراوردی نے یزید بن ہاد سے،انہوں نے محمد بن ابراہیم سے، انہوں نے ام کلثوم سے روایت کی کہ حضورِ اکرم نے فرمایا،کہ جب بندے کے بدن پر اللہ کے ڈر سے رونگٹے کھڑے ہوجاتے ہیں،تو گناہ اس کے جسم سے اس طرح جھڑتے ہیں،جس طرح کی خشک درخت کے پتے جھڑ جاتے ہیں۔ ابن ِمندہ نے بھی اس حدیث کو اسماعیل بن عبداللہ بن مسعود سے،انہوں نے ضرار بن صرد سے، انہوں نے دراورہ سے روایت کیا،اور ابونعیم نے حسین بن جعفر القتات سے،انہو ں نے ضرار سے، انہوں نے دراوری سے روایت کی اور مجھے یہ اسناد صحیح معلوم ہوتی ہے۔ جناب حسن بن علی نے ان سے نکاح کیا ،اور ان کے بطن سے محمد اور جعفر دو لڑکے پیدا ہوئے،پھر ان میں تفریق ہوگئی اور ابوموسیٰ اشعری نے ان سے نکاھ کیا،اور موسی۔۔۔