ابوزعنہ الشاعر،طبری نے ان کا ذکر کیا ہے،جو غزوۂ احد میں شریک تھے،ان کا نام عامر بن کعب بن عمرو بن خدیج بن عامر بن جثم بن حارث بن خزرج انصاری خررجی تھا،ابنِ شہاب کا قول ہے کہ ابوزعنہ بن عبداللہ بن عمروبن عتبہ نے احد کے دن ذیل کے تین مصرعے کہے تھے۔ ؂ا اناابوزعنۃ یعدونی الھرم لم یمنع المخزاۃ الاباالالم یحمی الدیارالخرجی من جثم ابن ماکولا نے اس کا نام ز،ع اور ن سے لکھاہے لیکن ابوعمر نے اسے ز،ع اور ب سے زعبہ لکھاہے، لیکن اوّل الذکر قول اصح ہے۔ ؂ا میں ابوزعنہ ہوں،اور بڑھاپے نے مجھ پر زیادتی کی ہے،ذلّت اور رسوائی کو دُکھ آکر ٹالاجاتاہے، اورخزرجی علاقے کو دشمن (جثم) سے بچایا جاتاہے۔ ۔۔۔

ابوزرہ انصاری مدنی،ان سے محمد بن عبدالرحمٰن بن ثوبان نے روایت کی ،حضورِاکرم نے فرمایا،جس آدمی نے جمعے کے دن بلاوا(اذان)سُنا،اوراس نے جواب نہیں دیا،اس کا نام منافقین میں لکھ دیاجات ہے،ابوعمر اور ابوموسیٰ نے اس کی تخریج کی ہے،لیکن ابوعمر نے اس روایت کو مشکوک قراردیا ہے۔ ۔۔۔

ابوزرعہ قزعی رملی،ابن طرخان نے وحدان الصحابہ میں ان کا ذکر کیا ہے،یحییٰ بن اصبع بن مہران القزعی نے خثعم سے،انہوں نے حزام بن عبدالرحمٰن سے،انہوں نے ابوزرعہ قزعی سے روایت کی، کہ حضورِاکرم نے ان کے لئے ایک علم تیارفرمایا،سفید کپڑا ایک مربع گز تھا،ابوموسیٰ نے ان کا ذکر کیا ہے۔ ۔۔۔

ابوالزوائدیمانی،سلیم بن مطیر نے اپنے والد سے روایت کی،کہ وہ حجتہ الوداع میں رسولِ کریم کے ساتھ تھے،انہوں نے آپ کو یہ کہتے ہوئےسُنا،کہ عطاکوقبول کرلو،جب تک وہ عطاہو،اورجب قریش ملک کے طول وعرض پر چھاجائیں اور عطا(تحفہ)تمہارے دین کے خلاف رشوت کی صورت اختیا ر کرلے،توقبول نہ کرو۔ ابونعیم اور ابوموسیٰ نے ان کا ذکر کیا ہے۔ ابن اثیر کہتے ہیں،کہ ہم بابِ ذال کے تحت ذوالزوائد کا ترجمہ بیان کرآئے ہیں،اوروہ صحیح ہے اوراس مقام پرتینوں نے ان کا ذکر کیاہےاورانہوں نے ذوالزوائد کو جہنی لکھاہے،اور ابونعیم اور ابوموسیٰ نے انہیں یہاں یمانی قراردیا ہے،اگران کا مقصد یہ ہے کہ وہ یمن میں رہتے تھے،تویہ غلط ہے،کیونکہ وہ مدینے میں رہتے تھے،لیکن اگران کا مقصد یہ ہے کہ ان کاتعلق یمنی قبائل سے تھا،تویہ بات اس وقت صحیح ہوگی ،کہ بنو قضاعہ کو بنوحمیر کی شاخ ۔۔۔

ابوظیبان رضی اللہ عنہ:طبری نے ان کاذکر ابوظبیان الاعرج سے کیاہے،ان کانام عبد شمس بن حارث بن کثیر بن حبشم بن وسیع بن مالک بن ذیل بن مازن بن ظیبان بن ثعلبہ بن الدول بن سعد مناہ بن غامدالازوی الغامدی تھا،یہ حضورِاکرم صلی اللہ علیہ وسلّم کی خدمت میں حاضر ہوئے،یہ لوگ سراۃ کے پہاڑی سلسلے کے اشراف سے تھے،کلبی نے ان کا ذکر اسی طرح کیا ہے، حضور صلی اللہ علیہ وسلم نے انہیں ایک فرمان لکھ کردیاتھا،معرکۂ قادسیہ میں ان کا علم ابوظبیان کے پاس تھا۔ ۔۔۔