شیخ[1]محمد فاضل قادری مجددی بٹالوی:پنجاب کے علمائے اجلہ اور فضلائے کبریٰ میں سے شریعت و طریقت میں ایسا قدم راسخ رکھتے تھے کہ کسی کو علمائے عہد اور مشائخ وقت سے آپ کے قول و فعل پر جائے نکتہ چینی نہ تھی،تمام عمر تدریس اور تعلیم طالبان علم اور حق میں بسر کی اور ہزار ہا خلقت آپ کے وسیلہ سے کمالات ظاہری و باطنی کو پہنچی۔یہ بات ثبوت کو پہنچی ہے کہ جب آپ بٹالہ میں خانقاہ کی عمارت بنواتے تھے تو آپ کے پاس کچھ نقد موجود نہ تھا پس آپ معماروں مزدوروں کو اجرت ہر روز خزانۂ غیب سے دیتے تھے۔وفات آپ کی ۱۱۵۱؁ھ میں ہوئی اور مزار آپ کا قصبۂ بٹالہ میں زیارت گاہِ عام ہے۔   1۔ آپ شیخ محمد افضل قادری لاہوری کے مرید اور اردو کے شاعر تھے۔(مرتب) (حدائق الحنفیہ)   ۔۔۔

              سید طفیل محمد بن سید شرک اللہ حسینی اترولی بلگرامی: عالمِ فاضل،عارف کامل،فقیہ،ادیب،جامع علوم درسیہ نقلیہ وعقلیہ تھے،ساتویں ماہ ذی الحجہ ۱۰۷۳؁ھ میں قصبہ اترولی توابع آگرہ میں پیدا ہوئے اور اپنے چچا سید احسن اللہ کے ساتھ دہلی کو تشریف لے گئے جہاں آپ نے سید حسین الملقب بہ رسول نما سے میزان الصرف پڑھنا شروع کی پھر شرح ملا جامی تک اپنے چچامذکور سے پڑھا پھر بلگرام میں آکر سید مربی متوفی ۱۱۱۷؁ھ اور حاجی سید سعدا للہ متوفی ۱۱۱۹؁ھ تلمیذ ملّا عبد الرحیم قاضی مراد آباد شاگرد ملا عبد الحکیم سیالکوتی اور قاضی علیم کچندوی متوفی۱۱۱۵؁ھ  اور سید قطب الدین شمس اآبادی سے علوم کو تحصیل کیا پھر ستر برس تک علوم کو زندہ کیا اور نکاح نہ کیا،جب سید عبد الجلیل بلگرامی آگرہ کو گئے تو آپ بھی ان کے ہمراہ گئے۔آپ شعر بھی عمدہ کہا کرتے تھے ۔وفات آپ۔۔۔

                سید جان محمد سید معین الدین بلگرامی: عالم فاضل،حاوئ فروع واصول، جامع منقول و معقول تھے۔۱۰۸۳؁ھ میں پیدا ہوئے۔آپ کے والد عالمگیر کے عہد میں ملتان میں صاحب دار العدالت تھے۔آپ نے ساتھ قراءت کے ساتھ قرآن کو حفظ کیا اور علوم و فنون کو اپنے چچا علامہ سید عبد الجلیل واسطی سے حاصل کیا،عربی کے خوشنویس بھی اعلیٰ درجہ کے تھے اور نہایت فصاحت کے ساتھ فارسی میں گفتگو کیا کرتے تھے،پھر حج کے شوق میں نکلے اور بغداد اور نجف اور کربلا اور طوس کو دیکھتے اور بزرگوں کی زیارت کرتے ہوئے مکہ معظمہ میں پہنچے اور حج کر کے مدینہ منورہ کو تشریف لے گئے اور وہاں اقامت اختیار کی۔آپ مسجد نبوی میں بیٹھ کر تصیح قرآن شریف میں مشغول رہتے تھے یہاں تک کہ ۱۱۴۹؁ھ میں وفات پائی اور بقیع میں دفن کیے گئے۔’’عالم قرآن خوان‘‘ تاریخ وفات ہ۔۔۔

              شیخ تاج الدین قلعی بن قاضی عبد الحسن،فقیہ فاضل،محدث کامل،مفتی مکہ مکرمہ تھے،بہت سے مشائخ حدیث سے صحبت کی اور ان سے علوم کو اخذ کیا اور سب نے آپ کو اجازت دی لیکن اکثر علم حدیث کا آپ نے شیخ عبداللہ بن سالم بصری سے حاصل کیا۔آپ کا قول ہے کہ میں نے کتب حدیث کو بحث اور تنقیح کے طور پر انہیں سنایا اور صحیحین کو عجمی سے پڑھا اور سب کی انہوں نے مجھے اجازت دی۔آپ نے شیخ صالح زنجانی کی بھی ملازمت  کی اور ان سے فقہ حاصل کی اور شیخ احمد نخلی اور شیخ احمد قطان وغیرہ سے بھی روایت و اجازت حاصل کی اور ان سے تدریس کا طریقہ اخذ کیا اور نیز شیخ ابراہیم کردی سے اجازت لی اور ان سے حدیث  مسلسل بالاولیۃ کو روایت کیا۔شاہ ولی اللہ محدث دہلوی انسان العین میں لکھتے ہیں کہ جب آپ صحیح بخاری کا درس دیا کرتے تھے تو میں کئی دن تک آپ کی مجلس درس ۔۔۔

                حافظ محمد محسن مجددی نقشبندی: شیخ عبد الحق محدث دہلوی کی اولاد اور شیخ محمد معصوم مجددی کے خلفاء میں سے جامع علوم عقلیہ و نقلیہ اور حاوی فنون رسمیہ ظاہریہ تھے اور دہلی میں آپ کے وقت کسی کو علماء و فضلائے شہر سے آپ کے ساتھ برابر کی جرأت نہ تھی،اخیر کو آپ نے ہدایت ربانی کی کشش سے شیخ محمد معصوم کی خدمت میں حاضر ہوکر علوم باطنی سے فائدہ اٹھایا اور ورع و تقوےٰ وزہدوریاضت میں یکتائے روزگار ہوکر خلافت کا خرقہ حاصل کیا۔وفات آپ کی ۱۱۴۷؁ھ میں ہوئی، (حدائق الحنفیہ)۔۔۔