حافظ محمد احسن واعظ المعروف بہ حافظ ور ازبن حافظ محمد صدیق واعظ بن حافظ محمد اشرف خوشابی پشاوری: فقہ،تفسیر،حدیث،اصول میں یگانۂ زمانہ اور جامع علوم عقلیہ ونقلیہ اور خاندانِ علم و فضل سے تھے۔اکثر علوماپنی والدہ ماجدہ سے جو ایک بری عالمہ فاجلہ تھی،حاصل کیے اور مسند افادت و افاضت پر متمکن ہوکر تمام عمر تدریس و تالیف کتب میں صرف کی چنانچہ منح الباری صحیح بخاری کی شرح فارسی میں نہایت تحقیق سے لکھی اور علاوہ اس کے تفسیر سورہ یوسف و تفسیر سورہ والضحٰی تا آخر پارہ ومعراج نامہ ووفات نامہ وحاشیہ قاضی مبارک وحواشی تتمہ اخوند یوسف وغیرہ رسائل وکتب تصنیف کیے اور اکسٹھ سال کی عمر میں حدود ۱۲۶۳؁ھ میں فوت ہوئے۔ (حدائق الحنفیہ)۔۔۔

              مولوی کرم اللہ محدث : علوم ظاہری وباطنی فقہ وحدیث و تفسیر و قراءت قرآن میں وجید العصر فرید الدہر تھے۔حضرت شاہ عبد العزیزی دہلوی نے تفسیر عزیز محض آپ کی خاطر تصنیف کی،آپ کے والد ہندو تھے جوشاہ عبد العزیز کے ہاتھ سے مشرف بہ اسلام ہوئے۔آپ نے بعد تحصیل علوم ظاہری کے حضرت شاہ غلام علی کی خدمت میں حاجر ہوکر علوم باطنی کی تکمیل کی اور خرقہ خلافت کا حاصل کیا۔اکثر اہلِ دہلی فن قرائت میں آپ کے شاگرد تھے۔پہلے آپ نے حج کیا تھا لیکن جب اپنے وطن میں آئے تو اپنی واپسی سے نہایت افسوس اور پھر زیارت حرمین شریفین کو تشریف لے گئے لیکن راستہ[1]میں ہی ۱۲۵۸؁ھ میں وفات پائی۔’’شمعِ تاویلات‘‘ تاریخ وفات ہے۔   1۔ مولوی کرم اللہ بن عبداللہ ہندی: بوجہ مرض سرطان ۲۷؍شعبان ۱۲۵۲؁ھ کو بندر گاہ سورت میں وفات پائی۔(نزہۃ الخواطر ۔۔۔

              شاہ رؤف احمد نقشبندی مجددی مصطفیٰ آبادی: شاہ ابو سعید کے خالہ زاد بھائی تھے۔فقیہ،محدث،مفسر،جامع علوم عقلیہ و نقلیہ اور واقف فنون ظاہریہ ورسمیہ تھے۔علوم شاہ عبد العزیز سے حاصل کیے اور علوم باطن میں حضرت شاہ غلام علی سے خرقۂ خلافت حاصل کر کے شہر بھوپال میں جو بسبب عوارض شتّے کے ۱۲۴۸؁ھ میں اختتام کو پہنچی جس کی تاریخ اختتام خود آپ نے یہ تصنیف فرمائی ’’کہ تفسیر قرآن ہندی زبان ہے‘‘ علاوہ اس کے در المعارف اپنے مرشد کے ملفوظات میں اور دیوان  رافت ہندی و فارسی اشعار میں تصنیف کیا اور اس میں اپنا تخلص رافت بیان کیا پھر حج کو تشریف لے گئے اور جہاز میں ۱۲۵۳؁[1]میں وفات پائی۔ ’’رحمتِ حق‘‘ تاریخ وفات ہے۔   1۔ شیخ رؤف احمد بن شعور احمد بن محمد شرف بن رضی الدین فاروقی حضرت مجدد ا۔۔۔

محمد بن عبدالرحمٰن بن محمد بن محمود سمر قندی سنجاری: شیخ کبیر،عالم متجر، فقیہ ذوالقدر تھے۔سمر قند میں ۶۷۵؁ھ میں پیدا ہوئے۔بہت سے بلاد امصار میں پھر کع علم کو حاصل کیا ور کمالیت کے رتبہ کو پہنچ کر ماردین،میں اقامت اختیار کی اور وہیں تدریس و تصنیف و افتاء کا کام دیا۔یہاں تک کہ ماہِ رمضان ۷۲۱؁ھ میں رحلت فرمائی۔ آرائش دہر‘‘ آپ کی تاریخ وفات ہے۔آپ کی تصنیفات سے کتاب عمدۃ الطالب لمعرفۃ المذاہب یادگار ہے جس میں آپ نے مذاہب اربعہ اور مذہب داؤد ظاہری اور شعیہ کو جمع کیا۔سمعانی نے لکھا ہے کہ سنجاری طرف سنجار کے منسوب ہے جو ایک شہر جزیرہ میں ہے جس کو سنجار بن مالک نے آباد کیا تھا مگر معلوم نہیں کہ صاحب ترجمہ شہر مذکور کی طرف کیوں منتسب ہوئے۔ حدائق الحنفیہ۔۔۔

                مولوی محمد ولی اللہ بن مفتی سید احمد علی حسینی فرخ آبادی: فقیہ،محدث، مفسر،جامع علوم عقلیہ و نقلیہ تھے اور فرخ آباد میں سکونت رکھتے تھے،تمام عمر تدریس و ہدایت خلق میں صرف کی اور ۱۲۳۶؁ھ میں ایک تفسیر نظم الجواہر نام جوفی الواقع اسم با مسمی اور مسجع جمع علوم قرآن ہے،تصنیف کی جس کا نام بھی تاریخی مقرر کیا،اس کے آخر میں علم تفسیر کی بزرگی اور شروط و آداب مفسروتنبیہ بر اغلاط بعض مفسرین اور ان کے طبقات کا ذکر کیا ہے۔وفات آپ کی ۱۲۴۹؁ھ میں ہوئی۔’’شیخ ہادی طریق‘‘ تاریخ وفات ہے۔ (حدائق الحنفیہ)۔۔۔