شاہ رفیع الدین[1] بن شاہ ولی اللہ محدث دہلوی: محقق متقن،فقیہ محدث تھے،تالیفات جیدہ کیں جن میں کثرت سے ایسے رموزِ خفیہ کو داخل کیا کہ ان پر مشکل سے اطلاع ہو سکتی ہے اور کلمات یسیرہ میں مسائل کثیرہ جمع کیے چنانچہ علم حقائق میں آپ کی کتاب دفع الباطن فی بعض المسائل الغامضہ مشہور و معروف ہے علاوہ اس کے ترجمہ اردو قرآن مجید اور کتاب مقدمۃ العلم اور کتاب التکمیل واسرار المحبہ اور رسالہ عروض اور رسالہ شق القمر اور رسالہ اردو راہِ نجات وغیرہ یادگار زمانہ ہیں۔وفات آپ کی ۱۲۳۸؁ھ میں ہوئی۔’’چشمۂ فیض‘‘ تاریخ وفات ہے۔   1۔ ولادت ۱۱۶۳؁ھ،وفات ۱۲۲۳؁ھ۔(تذکرہ علماء ہند)(مرتب) (حدائق الحنفیہ)۔۔۔

                علامہ سید احمد طحطاوی: فقیہ عصر،وحیدِ دہر،محدث جید،علامہ محقق، فاضل مدقق تھے مدت تک مصر کے مفتی رہے،در المختار کا حاشیہ الیسی تحقیق و تدقیق کے ساتھ تصنیف کیا کہ مقبول انام ہوا اور مصر میں باوجود بڑے حجم و ضخامت کے چھپ کر مشتہر ہوا۔اس کتاب میں آپ نے امام ابو حنیفہ کے مناقب کو اقوال صحیحہ اور روایات مثبۃ سے ثابت کیا یہاں تک کہ علامہ سید ابن عابدین نے بھی بر وقت تالیف رد المختار کے اس کو مدِ نظر رکھا اور اس سے بہت کچھ نقل کیا۔اس کے سوا بہت سے رسائل و کتب تصنیف کیے،وفات آپ کی ۱۲۳۳؁ھ سے بعد وقوع میں آئی۔ (حدائق الحنفیہ)۔۔۔

              مولوی سلام اللہ  بن شیخ الاسلام بن حافظ عبد الصمد فخر الدین محدث ازالاد شاہ عبد الحق محدث دہلوی،فقیہ فاضل،محدث کامل،مفسر متجر،علامۂ عصر، محقق،مدقق تھے۔علوم اپنے والد ماجد شیخ الاسلام مصنف شرح فارسی صحیح بخاری ورسالہ طرد الاوہام عن اثر الامام الہمام اور کشف الغطاء عما لزم للموتیٰ علی الاحیاء وغیرہ سے حاصل کیے اور انہیں سے اور نیز دیگر فضلائے عصر سے حدیث وغیرہ علوم کی سند و اجازت حاصل کی۔آپ کے جد امجد حافظ فخر الدین بھی بڑے فاضل اور عالم اجل اور سچ مچ کے فخر الدین والدنیا تھے،جن کی تصنیفات سے شرح فارسی صحیح مسلم اور فارسی شرح عین العلم اور شرح حصنِ حصین یادگار ہیں،غرض بعد تحصیل علوم کے آپ مسندِ افادت و افاضت پر متمکن ہوکر مثل ہوکر مثل اپنے اسلاف کے تنشیر علوم میں مشغول ہوئے اور ۱۲۲۵؁ھ یا بقول بعض ۱۲۳۳؁ھ کے ماہ جمادی ال۔۔۔

                شیخ عبد الملک بن عبد المنعم قلعی مفتی مکہ معظمہ: عالم فاضل،فقیہ محدث، کنز ذخائر اور بحر زخارِ علوم تھے،بہت سے مشائخ حرمین مثل عبد اللہ بن سالم بصری وغیرہ حدیث و فقہ کواخذ کیا اور انہیں سے روایت کی اجازت لی اور آپ سے سید عبد الرحمٰن اہدل نے اجازت حاصل کی۔۱۲۲۴؁ھ میں وفات پائی،’’مصدرِ فیض‘‘ تاریخ وفات ہے۔ (حدائق الحنفیہ)۔۔۔

                مولانا عبد الباسط بن مولوی رستم علی بن ملّا علی اصغر قنوجی: قنوج کے علمائے کبار اور فضلائے مشاہیر نامدار سے فقہ وحدیث و تفسیر اور فروع واصول میں ایک آیت منجملہ آیات الٰہی تھے اور اپنے عہد میں تمام علماء وفضلاء پر سخن بالا اور مرتبہ والا رکھتے تھے،۱۱۵۹؁ھ میں پیدا ہوئے۔’’چشم رستم علی‘‘ آپ کی تاریخ ولادت ہے۔تمام علوم رسمیہ ومتداولہ کیا منقول وکیا معقول اپنے والد ماجد سے حاصل کیے اور بہت سی کتب اپنی تصنیفات اور دیگر علماء کی تالیفات اپنے ہاتھ سے لکھیں جواب تک آپ کے کتب خانہ میں موجود ہیں اور اس قدر صحیح و محشی ہیں کہ استاد سے حاجت تعلیم کی باقی نہیں رہتی۔اگر کسی کو سلیقہ عبارت پڑھنے اور ملکہ مطلب سمجھے کا ہو تو اس کے لیے یہ کتابیں آپ کی درست کی ہوئیں بجائے شیخ شفیق  کے ہیں،بہت سی خلقت نے دو۔۔۔